ໂອຊາກະ ເຈັບຫລັງ ຖອນຕົວຈາກ ການແຂ່ງຂັນ ກາຕ້າ ໂອເພັນ 2019
February 8, 2019 - 4:39 PM
ນາໂອມິ ໂອຊາກະ ນັກເທັນນິສຍິງ ມື 1 ຂອງໂລກ ຊາວຍີ່ປຸ່ນ ໄວ 21 ປີ ແຊ້ມແກຣນສະແລມ ອັອສເຕຣລ້ຽນ ໂອເພັນ 2019 ຂໍຖອນຕົວຈາກການແຂ່ງຂັນເທັນນິສ WTA Qatar Open 2019 ທີ່ນະຄອນຫລວງໂດຮາ ປະເທດກາຕ້າ ໃນວັນທີ 11-17 ກຸມພານີ້ ເນື່ອງຈາກເຈັບຫລັງຂະນະຝຶກຊ້ອມ.
ໂອຊາກະ ບໍ່ໄດ້ລົງແຂ່ງຂັນນັບແຕ່ສ້າງປະຫວັດສາດຄວ້າແຊ້ມ ແກຣນສະແລມ ອັອສເຕຣລ້ຽນ ໂອເພັນ 2019 ເມື່ອກາງເດືອນມັງກອນຜ່ານມາ. ໃນໂອກາດດັ່ງກ່າວ ໂອຊາກະ ໄດ້ອອກມາກ່າວຂໍໂທດຝ່າຍຈັດການແຂ່ງຂັນ ແລະ ແຟນເທັນນິສທີ່ຕົນເອງບໍ່ສາມາດເຂົ້າຮ່ວມແຂ່ງຂັນລາຍການນີ້ ສ່ວນຜົນງານປີຜ່ານມາຂອງ ໂອຊາກະ ໃນລາຍການນີ້ແມ່ນຕົກຮອບ 2.
