ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ

ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ - advert banner 728 90 728x90 - ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ

          ກະຊວງການເງິນ ຕາງ​ໜ້າລັດຖະບານ ແຫ່ງ ສປປ ລາວ ປະສົບຜົນສຳເລັດໃນການເຈລະຈາຂໍກູ້ຢືມເງິນນຳທະນາຄານໂລກ ຈຳນວນ 20 ລ້ານໂດລາສະຫະລັດ, ເພື່ອນຳໃຊ້ເຂົ້າໃນການ ຈັດຕັ້ງປະຕິບັດ ໂຄງການສົ່ງເສີມຄວາມອາດສາມາດ ໃນການຄຸ້ມຄອງການເງິນແຫ່ງລັດ ຜ່ານລະບົບອີເລັກໂຕຣນິກ, ຊຶ່ງເປັນໂຄງການຢູ່ໃນແຜນຍຸດທະສາດການຮ່ວມມື ລະຫວ່າງ ລັດຖະບານ ສປປ ລາວ ແລະ ທະນາຄານໂລກ ໃນໄລຍະ ປີ 2019-2025.

ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ - lattana 1 - ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ

ການເຈລະຈາຂໍກູ້ຢືມເງິນດັ່ງກ່າວ, ໄດ້ມີຂຶ້ນເມື່ອທ້າຍອາທິດຜ່ານມາ, ທີ່ຫ້ອງປະຊຸມຂອງທະນາ ຄານໂລກປະຈຳ ສປປ ລາວ, ໂດຍແມ່ນ ທ່ານ ອັງຄານສະດາ ມ່ວງຄຳ ຮອງຫົວໜ້າກົມການເງິນຕ່າງປະເທດ ແລະ ຄຸ້ມຄອງໜີ້ສິນ ກະຊວງການເງິນ ໄດ້ຕາງ​ໜ້າ​ ໃຫ້ລັດຖະບານລາວ ແລະ ທ່ານ ນາງ ແຟນນີ່ ໄວເນີ (Fanny Weiner) ເປັນຫົວໜ້າຄະນະ ຕາ​ງ​ໜ້າ​ໃຫ້ກຸ່ມການພັດທະນາສາກົນ, ທະນາຄານໂລກ.

ສຳລັບເງິນກູ້ຢືມດັ່ງກ່າວ ລັດຖະບານລາວຈະນຳໃຊ້ເຂົ້າໃນການຈັດຕັ້ງປະຕິບັດ ໂຄງການສົ່ງເສີມຄວາມອາດສາມາດ ໃນການຄຸ້ມຄອງການເງິນແຫ່ງລັດ ຜ່ານລະບົບອີເລັກໂຕຣນິກ (Enhancing PFM through ICT and Skill Project: E-FITS), ຊຶ່ງເປັນໂຄງການຢູ່ໃນແຜນຍຸດທະສາດການຮ່ວມມື ລະຫວ່າງລັດຖະບານສປປ ລາວ ແລະ ທະນາຄານໂລກ ໃນໄລຍະປີ 2019-2025 ແລະ ເປັນການຈັດຕັ້ງປະຕິບັດຍຸດທະສາດການຄຸ້ມຄອງການເງິນແຫ່ງລັດເປັນທັນສະໄໝ ກໍ່ຄື ຈັດຕັ້ງປະຕິບັດວິໄສທັດຮອດປີ 2030 ແລະ ຍຸດທະສາດພັດທະນາການເງິນແຫ່ງລັດ ຮອດປີ 2025 ໂດຍຈະນຳໃຊ້ເຂົ້າໃນ 3 ອົງປະກອບໜ້າວຽກຄື: 1. ລວມມີການຈັດຊື້ ແລະ ການຈັດຕັ້ງປະຕິບັດລະບົບຄຸ້ມຄອງຂໍ້ມູນຂ່າວສານການເງິນແຫ່ງລັດ (Financial Management Information system: FMIS), 2. ການຝຶກອົບຮົມສ້າງຄວາມອາດສາມາດທາງດ້ານວິຊາການ ທີ່ຕິດພັນກັບການຄຸ້ມຄອງການເງິນພາກລັດ ແລະ ການຝຶກອົບຮົມ ຜູ້ນຳໃຊ້ລະບົບ FMIS ແລະ 3. ການບໍລິຫານຄຸ້ມຄອງ ແລະ ຈັດຕັ້ງປະຕິບັດໂຄງ ການໂດຍມີໜ່ວຍງານປະສານງານ (Project Implementation Unit: PIU).

ໂຄງການສົ່ງເສີມຄວາມອາດສາມາດ ໃນການຄຸ້ມຄອງການເງິນແຫ່ງລັດ ຜ່ານລະບົບອີເລັກໂຕຣນິກ (E-FITS) ແມ່ນຄວາມຮັບຜິດຊອບຂອງກະຊວງການເງິນ ເປັນຜູ້ຈັດຕັ້ງປະຕິບັດ. ພ້ອມກັນນັ້ນ, ໜ່ວຍງານຈັດຕັ້ງປະຕິບັດແຜນງານການປະຕິຮູບ ລະບົບຄຸ້ມຄອງການເງິນແຫ່ງລັດ (Project Implementation Unit: PIU) ໄດ້ຮັບການແຕ່ງຕັ້ງ, ໂດຍພາຍໃຕ້ການຊີ້ນຳຂອງກົມນະໂຍບາຍການເງິນ ແລະ ນິຕິກຳ ກະຊວງການເງິນ ໃນນາມກອງເລຂາຄະນະຈັດຕັ້ງປະຕິບັດ ການປະຕິຮູບລະບົບຄຸ້ມຄອງການເງິນແຫ່ງລັດດັ່ງກ່າວ. ພ້ອມດຽວກັນນີ້, ທັງ​ສອງ​ຝ່າຍຍັງໄດ້ຕົກລົງ​ເຫັນ​ດີ​ເປັນ​ເອ​ກະ​ພາບຕໍ່ຮ່າງສັນຍາເງິນກູ້ຢືມຈໍານວນ 20 ລ້ານໂດລາສະຫະລັດ ແລະ ຈະນຳສະເໜີ ລາຍງານຄະນະນຳກະຊວງການເງິນ ເພື່ອຂໍທິດຊີ້ນຳໃນການດຳເນີນຂັ້ນຕອນ ການເຊັນສັນຍາກູ້ຢືມເງິນຈຳນວນດັ່ງກ່າວ.

ກອງປະຊຸມວິຊາການ ໃນຫົວຂໍ້ “ກາລະໂອກາດ ແລະ ສິ່ງທ້າທາຍ ໃນການເຊື່ອມໂຍງພາກພື້ນແມ່ນ້ຳຂອງ ເພື່ອອຳນວຍຄວາມສະດວກການພັດທະນາເສດຖະກິດ ຂອງ  ສປປ ລາວ”

ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ - 1 1 - ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ
ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ - Tiger Head 728x90 - ລັດຖະບານສຳເລັດການເຈລະຈາກູ້ຢືມເງິນ20 ລ້ານໂດລານໍາທະນາຄານໂລກ

    ໃນວັນທີ 8-9 ກຸມພານີ້, ກົມເສດຖະກິດ ກະຊວງການຕ່າງປະເທດ ຮ່ວມກັບ ສູນອາຊຽນ-ຍີ່ປຸ່ນ (AJC) ໄດ້ຈັດກອງປະຊຸມວິຊາການ ໃນຫົວຂໍ້“ກາລະໂອກາດ ແລະ ສິ່ງທ້າທາຍ ໃນການເຊື່ອມໂຍງພາກພື້ນແມ່ນ້ຳຂອງ ເພື່ອອຳນວຍຄວາມສະດວກການພັດທະນາເສດຖະກິດ ຂອງ ສປປ ລາວ” ຂຶ້ນທີ່ແຂວງວຽງຈັນ ພາຍໃຕ້ການເປັນປະທານຮ່ວມຂອງທ່ານ ບຸນສອນ ເພັດລາວັນ ຮອງເຈົ້າແຂວງ ວຽງຈັນ ແລະ ທ່ານ ວິລະສັກ ສົມພົງ ຮັກສາການຫົວໜ້າກົມເສດຖະກິດ ກະຊວງການຕ່າງປະເທດ ໂດຍມີຜູ້ເຂົ້າຮ່ວມຈາກບັນດາພະແນກຂະແໜງການກ່ຽວຂ້ອງຕ່າງໆ ຈໍານວນ 80 ກວ່າທ່ານ.

ກອງປະຊຸມສໍາມະນາຄັ້ງນີ້ ເພື່ອປຶກສາຫາລື ແລະ ແລກປ່ຽນຄວາມຄິດເຫັນລະຫວ່າງພະນັກງານຫຼັກແຫຼ່ງຂອງສູນກາງ ແລະ ທ້ອງຖິ່ນ ແລະ ລະຫວ່າງພາກລັດ ແລະ ເອກະຊົນຕໍ່ກັບຜົນປະໂຫຍດ, ກາລະໂອກາດ ແລະ ສິ່ງທ້າທາຍໃນວຽກງານ ການເຊື່ອມຈອດ ແລະ ການເຊື່ອມໂຍງເສດຖະກິດ ຂອງ ສປປ ລາວ ກັບສາກົນ ໂດຍສະເພາະ ຢູ່ໃນພາກພື້ນລຸ່ມແມ່ນ້ຳຂອງ. ພ້ອມໄດ້ຮັບຟັງການບັນຍາຍໃນຫຼາຍຫົວຂໍ້ຍ່ອຍທີ່ສຳຄັນເຊັ່ນ: 1). ຂອບການຮ່ວມມື ແມ່ນ້ຳຂອງ-ຍີ່ປຸ່ນ, 2). ສິ່ງທ້າທາຍຂອງ ສປປ ລາວໃນການຈັດຕັ້ງປະຕິບັດວຽກງານການເຊື່ອມຈອດແມ່ນ້ຳຂອງ-ຍີ່ປຸ່ນ, 3). ແຜນແມ່ບົດວ່າດ້ວຍການເຊື່ອມຈອດອາຊຽນ 2025, 4). ທ່າອ່ຽງການເຊື່ອມໂຍງເສດຖະກິດພາກພື້ນ ແລະ ສາກົນ,  5). ວຽກງານອຳນວນຄວາມສະດວກທາງດ້ານການຄ້າຂອງ ສປປ ລາວ ໃນປະຈຸບັນ ແລະ 6). ການພັດທະນາການທ່ອງທ່ຽວຢູ່ແຂວງວຽງຈັນ ແນໃສ່ສ້າງຄວາມເຂົ້າໃຈ ແລະ ຮັບຮູ້ຂອງພະນັກງານກ່ຽວຂ້ອງດັ່ງກ່າວໃຫ້ສູງຂຶ້ນ.

error: Content is protected !!