ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້

- AGL banner - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້

- Laos and UN 300x260 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້  ໃນໂອກາດຢ້ຽມຢາມສາທາລະນະລັດ ປະຊາທິປະໄຕ ປະຊາຊົນລາວ ຂອງຜູ້ອໍານວຍການໃຫຍ່ອົງການສະຫະປະຊາຊາດເພື່ອການພັດທະນາ (ສປຊ) ທ່ານນາງ ເຮເລນ ຄລາກ (Helen Clark) ໃນວັນທີ 12-13 ມີນານີ້ ແລະ ໄດ້ເຂົ້າພົບປະກັບການນໍາຂັ້ນສູງຂອງລາວຄື: ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ, ເພື່ອປຶກສາຫາລືກ່ຽວກັບຂອບການຮ່ວມມືລະຫວ່າງ ສປປ ລາວ ແລະ ອົງການ ສປຊ, ໂດຍສະເພາະການສະໜັບສະໜູນການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ເປົ້າໝາຍສະຫັດສະວັດເພື່ອການພັດທະນາ (MDGs), ເປົ້າໝາຍການພັດທະນາແບບຍືນຍົງ (SDGs) ໂດຍຜ່ານການຈັດຕັ້ງປະຕິບັດແຜນງານ ແລະ ກິດຈະກຳຕ່າງໆຕະຫລອດໄລຍະຜ່ານມາ.

ໃນໂອກາດນີ້, ການນໍາຂັ້ນສູງຂອງລາວ, ໄດ້ຕີລາຄາສູງຕໍ່ການມາຢ້ຽມຢາມຂອງທ່ານນາງ ເຮເລນ ຄລາກ ຄັ້ງນີ້, ເຊິ່ງເປັນຄັ້ງທີ 3 ໃນຖານະເປັນຜູ້ອຳນວຍການໃຫຍ່ອົງການ ສປຊ, ອັນໄດ້ຢັ້ງຢືນໃຫ້ເຫັນເຖິງຄວາມເອົາໃຈໃສ່ ແລະ ໃຫ້ຄວາມສຳຄັນຕໍ່ການຮ່ວມມືລະຫວ່າງອົງການ ສປຊ ແລະ ສປປ ລາວ ຕະຫລອດໄລຍະຜ່ານມາ. ພ້ອມສະແດງຄວາມຂອບໃຈຢ່າງຈິງໃຈຕໍ່ອົງການ ສປຊ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອ ສປປ ລາວ ຜ່ານບັນດາແຜນງານ ແລະ ໂຄງການຕ່າງໆທີ່ມີມູນຄ່າຫລາຍກວ່າ 100 ລ້ານໂດລາສະຫະລັດສຳລັບແຜນງານແຕ່ສົກປີ 2011-2016 ແລະ ແຕ່ປີ 2017-2021 ຄາດວ່າຈະມີປະມານ 103 ລ້ານໂດລາສະຫະລັດ, ຊຶ່ງຈະປະກອບສ່ວນສໍາຄັນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII, ລວມທັງການແກ້ໄຂຄວາມທຸກຍາກ, ຂະບວນການກອງປະຊຸມໂຕະມົນ, ວຽກງານເກັບກູ້ລະເບີດ, ການປັບປຸງບູລະນະການປົກຄອງ ແລະ ອື່ນໆ. ພ້ອມສະແດງຄວາມຊົມເຊີຍຕໍ່ຜົນສຳເລັດໃນການປະຕິບັດໜ້າທີ່ຂອງທ່ານນາງ ເຮເລນ ຄລາກ ທີ່ຈະສິ້ນສຸດຕໍາແໜ່ງຜູ້ອໍານວຍການໃຫ່ຍຂອງອົງການ ສປຊ ໃນເດືອນເມສາທີ່ຈະເຖິງນີ້.

- Wave100S AD to Website 2020 0 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້

ໂອກາດນີ້, ທ່ານນາງ ເຮເລນ ຄລາກ ໄດ້ສະແດງຄວາມຂອບອົກຂອບໃຈ ຕໍ່ການຕ້ອນຮັບອັນອົບອຸ່ນ, ພ້ອມທັງສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ແລະ ຄວາມຄືບໜ້າຫລາຍດ້ານຂອງລັດຖະບານລາວໃນການພັດທະນາປະເທດ ກໍຄືການປະຕິບັດເປົ້າໝາຍການພັດທະນາຂອງສາກົນ, ໂດຍສະເພາະການເຊື່ອມສານເປົ້າໝາຍການພັດທະນາແບບຍືນຍົງເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII, ການໃຫ້ສັດຕະຍາບັນໃນສັນຍາປາຣີວ່າດ້ວຍການປ່ຽນແປງດິນຟ້າອາກາດ, ເຊິ່ງເປັນແບບຢ່າງອັນດີໃຫ້ແກ່ຫລາຍປະເທດ. ພ້ອມທັງຊົມເຊີຍຄວາມພະຍາຍາມຂອງລັດຖະບານລາວໃນການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງໃນປາງສົງຄາມ, ໂດຍສະເພາະການຮັບຮອງເອົາເປົ້າໝາຍການພັດທະນາແບບຍືນຍົງສະເພາະຂອງຕົນທີ 18 ທີ່ມີເປົ້າໝາຍເຮັດໃຫ້ຊີວິດຕ້ອງປອດໄພຈາກລະເບີດບໍ່ທັນແຕກ ແລະ ອີງໃສ່ຜົນສຳເລັດທີ່ຍາດມາໄດ້ຢ່າງໜ້າຊື່ນຊົມໃນຜ່ານມານັ້ນເຊື່ອຫມັ້ນວ່າ ສປປ ລາວ ຈະສາມາດບັນລຸເປົ້າໝາຍການນຳພາປະເທດໃຫ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາໄດ້ຕາມກໍານົດປີ 2020 ແນ່ນອນ.

- WhatsApp Image 2020 05 27 at 5 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້
- WhatsApp Image 2020 05 27 at 5 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້
- WhatsApp Image 2020 05 27 at 5 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້
- WhatsApp Image 2020 05 27 at 5 - ຜູ້ອໍານວຍການໃຫ່ຍ ສປຊ ເຊື່ອໝັ້ນລາວຈະບັນລຸການພັດທະນາຕາມເປົ້າໝາຍວາງໄວ້
error: Alert: Content is protected !!