ຄຳມ່ວນເຂັ້ມງວດຄວບຄຸມລາຄາສິນຄ້າ

ໃນວັນທີ 6 ກຸມພານີ້, ເຈົ້າໜ້າທີ່ກວດກາສິນຄ້າ ພະແນກອຸດສາຫະກຳ ແລະ ການຄ້າແຂວງຄຳມ່ວນ ໄດ້ ສົມທົບກັບໜ່ວຍງານຈັດ ສັນຕະຫລາດຫລັກ 2 ແລະ ຕະຫລາດນາໂບ ລົງເຄື່ອນ ໄຫວກວດກາຕິດຕາມລາ ຄາສິນຄ້າປະເພດ ຊີ້ນ, ເຂົ້າ, ປາ ແລະ ອາຫານແຫ້ງຕາມ ບັນດາຫ້າງຮ້ານໃນທ້ອງຕະ ຫລາດດັ່ງກ່າວ ເພື່ອຄວບຄຸມ ລາຄາສິນຄ້າໃຫ້ຢູ່ໃນເກນ ປົກກະຕິສະກັດກັ້ນການສວຍໂອກາດຂຶ້ນລາຄາສິນຄ້າໂດຍ ລຳພັງ ໂດຍສະເພາະແມ່ນລາຄາຊີ້ນໝູ, ງົວ,  ຄວາຍ, ປາ ແລະ ເຂົ້າ.

ເຊິ່ງ ເປັນສິນຄ້າທີ່ມີຜົນກະທົບໄວ ຕໍ່ການດຳລົງຊີວິດຂອງປະຊາຊົນດັ່ງນັ້ນ ເຈົ້າໜ້າທີ່ກວດ ກາສິນຄ້າ ຈຶ່ງເພີ່ມຄວາມເຂັ້ມງວດໃນການຕິດຕາມ, ກວດກາ, ພ້ອມທັງຄະນະຮັບຜິດຊອບຈັດສັນຕະຫລາດແຕ່ລະແຫ່ງຈົ່ງມີສ່ວນຮ່ວມໃນການແກ້ໄຂບັນຫາດັ່ງກ່າວ ໃຫ້ຖ້າຫາກພົບເຫັນການເອົາລັດເອົາປຽບດ້ານລາຄາ ກໍສາມາດແຈ້ງຜ່ານໂທລະສັບສາຍດ່ວນ 1510 ຫຼື ພະແນກອຸດສາຫະກໍາ  ແລະ ການຄ້າແຂວງ (ຂະແໜງ ການຄ້າພາຍໃນ) ເພື່ອແກ້ໄຂບັນຫາໄດ້ທັນກັບສະພາບການ./.