IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ

imf ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ - 750x422 826620 1549764616 - IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ
imf ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ - Untitled design - IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ

      ທ່ານ ນາງ ຄຣິສຕິນ ລາ​ກາດ ອຳນວຍ​ການ​ກອງ​ທຶນ​ການ​​ເງິນ​ສາກົນ (IMF) ກ່າວ​ໃນ​ກອງ​ປະຊຸມ​ການ​ເງິນ​ອາຣັບ ທີ​່ນະຄອນ​ດູ​ໄບ ຂອງ​ສະຫະ​ນະຄອນ ອາຣັບ ​ເອມິ​ເຣດ (UAE) ​ໃນ​ວັນ​ທີ 9 ກຸມພາ​ວ່າ: ຫລາຍ​ປະ​ເທດ​ໃນ​ອາຣັບມີ​ໜີ້​ສາທາລະນະ​ເພີ່ມ​ຂຶ້ນຢ່າງ​ວ່ອງ​ໄວ​ມາ​ແຕ່​ໄລຍະ​ວິ​ກິດ​ການ​ເງິນ​ໂລກ​ໃນ​ປີ 2008 ​ເນື່ອງ​ຈາກ​ຂາດ​ດຸນ​ງົບປະມານ​ມະຫາສານ​ຢ່າງ​ຕໍ່​ເນື່ອງ.

      ນາງ ລາ​ກາດ ​ເປີດ​ເຜີຍ​ວ່າ: ລະດັບ​ໜີ້​ສາທາລະນະ​ໃນ​ກຸ່ມ​ປະ​ເທດ​ສົ່ງ​ອອກ​ນ້ຳມັນ​ໃນ​ອາຣັບ ​ເຊິ່ງລວມທັງ 6 ປະ​ເທດ​ສະມາຊິກ​ສະພາ​ການ​ຮ່ວມ​ມື​ອ່າວ​ອາຣັບ ​ເພີ່ມ​ຂຶ້ນຈາກ 64% ​ມາ​ຢູ່ 85% ຕໍ່​ລວມຍອດ​ຜະລິດ​ຕະພັນ​ພາຍ​ໃນ (GDP) ​ໃນ​ໄລຍະ 10 ປີ​ນັບ​ແຕ່​ປີ 2008.

       ຜູ້ອຳນວຍການ IMF  ຊີ້​ວ່າ: ​ເນື່ອງ​ຈາກ​ລາຍ​ຮັບ​ທີ່​ຫລຸດ​ລົງ ​ເຮັດ​​ໃຫ້ການ​ຂາດ​ດຸນ​ທາງ​ການ​ເງິນ​ຫລຸດ​ລົງ​ຢ່າງ​ຊັກ​ຊ້າ, ​ເຖິງ​ວ່າ​ຈະ​ມີ​ການ​ປະຕິ​ຮູບຄັ້ງສຳຄັນ ທັງ​ດ້ານ​ການ​ໃຊ້​ຈ່າຍ ​ແລະ ລາຍ​ຮັບ ລວມທັງ​ການ​ກຳນົດ​ພາສີ​ມູນ​ຄ່າ​ເພີ່ມ ​ແລະ ພາສີ​ອາກອນ​ຊົມ​ໃຊ້.

     ນອກຈາກ​ນັ້ນ ນາງ ລາກາດ ຍັງ​ກ່າວ​ວ່າ: ບັນດາ​ປະ​ເທດ​ຜູ້​ສົ່ງ​ອອກ​ນ້ຳມັນ​ຍັງ​ບໍ່​ຟື້ນຕົວຢ່າງ​ເຕັມ​ສ່ວນ​ຈາກ​ຜົນ​ກະທົບ​ຂອງ​ລາຄາ​ນ້ຳມັນ​ທີ່​ຫລຸດ​ລົງ​ຢ່າງ​ຮຸນ​ແຮງ​ໃນ​ປີ 2015 ​ແລະ ທ່າ​ອ່ຽງລາຄາ​ນ້ຳມັນ​ຍັງ​ມີ​ຄວາມ​ບໍ່​ແນ່ນອນ, ​ເຖິງ​ວ່າ​ເສດຖະກິດ​ຈະ​ມີ​ການ​ຂະຫຍາຍຕົວ​ເລັກ​ໜ້ອຍ​ກໍ​ຕາມ.

imf ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ - Wave100S AD to Website 2020 0 - IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ

      ​ໃນ​ເດືອນ​ມັງກອນ​ຜ່ານ​ມາ, IMF ​ໄດ້​ປະກາດ​ຫລຸດ​ຕົວ​ເລກ​ຄາດ​ຄະ​ເນ​ການ​ຂະຫຍາຍຕົວ​ຂອງ​ເສດຖະກິດ​ໂລກ. ພ້ອມ​ເຕືອນ​ວ່າ: ​ເສດຖະກິດ​ໂລກ​ຍັງ​ຜະ​ເຊີນ​ປັດ​ໄຈ​ສ່ຽງ​ຫລາຍ​ປະການ. ນອກຈາກ​ນັ້ນ ຍັງ​ຫລຸດ​ຄາດ​ຄະ​ເນ​ການ​ເຕີບ​ໃຫຍ່​ຂອງ​ອາຣັບບີ ຊາ​ອຸ​ດິດ ຜູ້​ສົ່ງ​ອອກ​ນ້ຳມັນ​ຫລາຍ​ໃຫຍ່​ທີ​່ສຸດ​ຂອງ​ໂລກ ​ແລະ ພາກພື້ນຕາ​ເວັນ​ອອກ​ກາງ ​ແລະ ອາ​ຟຣິກາ​ເໜືອ ​ເນື່ອງ​ຈາກ​ລາຄາ​ນ້ຳມັນ​ຫລຸດ​ລົງ​ຮອບ​ໃໝ່, ຜົນ​ຜະລິດ​ນ້ຳມັນ​ຕໍ່າ ​ແລະ ຄວາມ​ເຄັ່ງ​ຕຶງ​ທາງ​ການ​ເມືອງ.

      IMF ຄາດ​ວ່າ: ​ເສດຖະກິດ​ໂລກ​ຈະ​ມີ​ການ​ຂະຫຍາຍຕົວ 3,5% ​ໃນ​ປີ​ນີ້ ​ແລະ 3,6% ​ໃນ​ປີໜ້າ ​ໂດຍ​ຕໍ່າ​ກວ່າ​ລະດັບ 3,7% ສຳລັບ 2 ປີ​ທີ່​ມີ​ການ​ຄາດ​ຄະ​ເນ​ໃນ​ເດືອນ​ຕຸລາ​ປີຜ່ານມາ.

imf ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ - WhatsApp Image 2020 05 27 at 5 - IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ
imf ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ - WhatsApp Image 2020 05 27 at 5 - IMF ເຕືອນປະເທດອາຣັບແບກຮັບໜີ້ ສາທາລະນະຈຳນວນຫລາຍ
error: Alert: ເນື້ອຫາຂ່າວມີລິຂະສິດ !!