ຜູ້ປະສົບໄພ ຍັງລໍຖ້າການຟື້ນຟູ

ຜູ້ປະສົບໄພ ຍັງລໍຖ້າການຟື້ນຟູ - advert banner 728 90 728x90 - ຜູ້ປະສົບໄພ ຍັງລໍຖ້າການຟື້ນຟູ


ຜູ້ປະສົບໄພ ຍັງລໍຖ້າການຟື້ນຟູ - lattana 1 - ຜູ້ປະສົບໄພ ຍັງລໍຖ້າການຟື້ນຟູ

ໂດຍ : ມຶກບໍ່ແຫ້ງ

ເຫດການສັນເຂື່ອນ ເຊປຽນ ເຊນໍ້ານ້ອຍແຕກ ນັ້ນ ໄດ້ເຮັດໃຫ້ມີຜົນກະທົບຢ່າງມະຫາສານ, ປະຊາຊົນຫຼາຍຮ້ອຍຄົນ ໄດ້ປະຖິ້ມເຮືອນຊານຂອງຕົນໄປພັກຢູ່ ເຮືອນພັກ ຫຼືຢູ່ເຕັ້ນ​ເປັນຊົ່ວຄາວ ທີ່ທາງການເພິ່ນໄດ້ສ້າງໄວ້ໃຫ້ ແຕ່ເຖິງຢ່າງໃດກໍຕາມ ໃຜໆ ກໍມີຄວາມຈົດຈໍ່ເຕັມທີ ຢາກກັບສູ່ຊີວິດປົກກະຕິ.

 ເຂື່ອນ ໄຊປຽນ ເຊນໍ້ານ້ອຍແຕກ ວັນທີ 23 ກໍລະກົດ 2018 ຜ່ານມາ ເຮັດໃຫ້ປະຊາຊົນ ຈຳນວນຫຼາຍພັນຄົນ ຕ້ອງເພິ່ງອາໄສບ່ອນນອນໃນເຕັ້ນ ທີ່ ໄດ້ຮັບການຊ່ວຍເຫຼືອຈາກເພື່ອນມິດສາກົນ ແຕ່ເມື່ອເວລາ ຜ່ານໄປ 6 ເດືອນແລ້ວ, ຜູ້ຂຽນໄດ້ມີໂອກາດ ໄດ້ໄປຮ່ວມວຽກກັບ ທາງການຂອງເມືອງສະໜາມໄຊ ອີກຄັ້ງ.

ທີມງານຂອງພວກເຮົາ ເດີນທາງແຕ່ຕົວເມືອງອັດຕະປື ມຸ່ງໜ້າໄປເມືອງສະໜາມໄຊ ຕາມ​ເສັ້ນທາງ ຍັງບໍ່ທັນໄດ້ປູຢາງ ແລະແນ່ນອນ ຮອດຍາມແລ້ງ ຂີ່ຝຸ່ນກໍເຕັມໄປໝົດເມື່ອລົດແລ່ນຜ່ານ, ທີມງານພວກເຮົາໄດ້ໂອ້ລົມກັນ ໂດຍມີ ທາງເຈົ້າໜ້າທີ່ຂອງແຂວງ ແລະເມືອງເພິ່ນ ກໍໄດ້ແລກປ່ຽນຄຳເຫັນວ່າ ເຫດການເທື່ອນີ້ ເຮັດໃຫ້ປະຊາຊົນຈຳນວນຫຼາຍ ຍັງມີຈິດໃຈທີ່ຫງ່ວມເຫງົາຢູ່ ຈົນມາຮອດປັດຈຸບັນ ຫຼາຍຄົນກໍຍັງທຳໃຈບໍ່ໄດ້ ເມື່ອກັບມາເຫັນບ້ານເກົ່າຕົນເອງ ທີ່ຖືກກະແສນໍ້າພັດຢ່າງຮ້າຍແຮງ ເຮັດໃຫ້ບ້ານເຮືອນເສຍຫາຍຢ່າງໜັກ.

ເມື່ອຂີ່ລົດໄປໄດ້ໄລຍະໜຶ່ງ ຜູ້ຂຽນກໍຈື່ໄດ້ວ່າກ່ອນເຂື່ອນບໍ່ທັນແຕກ ເຂດນີ້ມີປ່າດົງດິບທີ່ເປັນຕາອອນຊອນທັງ ເປັນຕາຢ້ານເພາະວ່າມັນມີແຕ່ຕົ້ນໄມ້ໃຫຍ່ ແຕ່ມາບັດນີ້ ພື້ນທີ່ດັ່ງກ່າວພັດຖືກບຸກເບີກຈົນແປນເອີດເຕີດ, ເລີຍງວາກມາຖາມ ທາງເຈົ້າໜ້າທີ່ ທີ່ໄປນຳກັນ ຈຶ່ງຮູ້ວ່າ “ເພິ່ນໄດ້ບຸກເບີກເນື້ອທີ່ກະກຽມໄວ້ ເພື່ອຈັດສັນ ພູມລຳເນົາ ທີ່ຢູ່ອາໄສຖາວອນໃໝ່ແກ່ຜູ້ຖືກຜົນກະທົບຈາກເຫດການເຂື່ອນແຕກດັ່ງກ່າວ”.

ເມື່ອພວກເຮົາມາຮອດເຂດບ້ານໃໝ່ ໃຜໆກໍຢຸດເວົ້າທັນທີ ເພາະຍັງເຫັນຮ່ອງຮອຍຄວາມເສຍຫາຍຂອງ ເຫດເຂື່ອນແຕກ, ເຮືອນຊານບ້ານຊ່ອງ ມີແຕ່ຫຼັງງາມໆ, ບາງຫຼັງຫາກໍເຮັດແລ້ວ ພັດຖືກນໍ້າໄຫຼຊຸຢ່າງແຮງ ຈຶ່ງເຮັດໃຫ້ເປ່ເພ ເສຍຫາຍບໍ່ເປັນຕາເອົາ, ທີ່ໜ້າເສົ້າໃຈ ບ້ານທີ່ເຄີຍອົບອຸ່ນ ອຸດົມສົມບູນ ແຕ່ມາບັດນີ້ ພັດກາຍເປັນບ້ານຮ້າງບໍ່ມີຄົນຢູ່.

ຜູ້ປະສົບໄພ ຍັງລໍຖ້າການຟື້ນຟູ - Tiger Head 728x90 - ຜູ້ປະສົບໄພ ຍັງລໍຖ້າການຟື້ນຟູ
ຜູ້ປະສົບໄພ ຍັງລໍຖ້າການຟື້ນຟູ - 1 1 - ຜູ້ປະສົບໄພ ຍັງລໍຖ້າການຟື້ນຟູ

ເມື່ອໃກ້ຈະຮອດ ຈຸດພັກຊົ່ວຄາວ ເຂດປີນດົງ, ພວກເຮົາໄດ້ລົງຖາມຂ່າວປະຊາຊົນ ຈຳນວນໜຶ່ງທີ່ຍັງອາໄສ ໃນເຕັ້ນ, ບໍ່ສະເພາະແຕ່ໄດ້ນອນກັບພື້ນດິນ ແຕ່ຍັງໃກ້ກັບຫົນທາງທຽວ ທີ່ມີຂີ່ຝຸ່ນກຸ້ມມາຢ່າງແຮງ ເມື່ອມີລົດແລ່ນກາຍ, ພວກເຮົາເລີຍຖາມຂ່າວ ແມ່ຕູ້ຜູ້ໜຶ່ງເວົ້າສູ່ຟັງວ່າ “ມັນກໍລຳບາກຫັ້ນລະລູກ, ເພິ່ນວ່າໃຫ້ລໍຖ້າອີກຈັກໜ້ອຍກ່ອນ ຈຶ່ງຈະມີທີ່ຢູ່ຊົ່ວຄາວທີ່ດີກວ່ານີ້, ແມ່ກໍມີແຕ່ຫວັງວ່າເພິ່ນ ຈະສ້າງທີ່ພັກດີໆ ໃຫ້ໄວໆນີ້ລະ”.

ແນ່ນອນແລ້ວ ບໍ່ສະເພາະແຕ່ແມ່ຜູ້ນັ້ນ ພວກເຮົາສັງເກດເຫັນວ່າ ຍັງມີປະຊາຊົນຫຼາຍສົມຄວນ ກໍຍັງລໍ້ຖ້າການຊ່ວຍເຫຼືອ ໃນການສ້າງທີ່ພັກເຊົາຊົ່ວຄາວທີ່ດີກວ່າຢູ່ໃນເຕັ້ນນອນກັບພື້ນດິນນັ້ນຢູ່.

ເມື່ອເປັນເຊັ່ນນັ້ນ ລັດຖະບານຈຶ່ງໄດ້ອອກແຈ້ງການ ເລກທີ 200/ຫສນຍ ລົງວັນທີ 6 ກຸມພາ 2019 ໂດຍມີເນື້ອໃນຊີ້ນຳຕອນໜຶ່ງທີ່ສຳຄັນວ່າ “ເລັ່ງຊ່ວຍເຫຼືອປະຊາຊົນທີ່ຍັງພັກເຊົາຢູ່ເຕັ້ນຊົ່ວຄາວໃຫ້ໄດ້ຍ້າຍອອກມາ ຢູ່ເຮືອນພັກເຊົາຊົ່ວຄາວໂດຍໄວ, ກວດຄືນສັນຍາ ແລະ ການປະຕິບັດສັນຍາຂອງບໍລິສັດຮັບເໝົາ ຕິດຕັ້ງເຮືອນພັກຊົ່ວຄາວ ບໍລິສັດໃດບໍ່ປະຕິບັດຕາມສັນຍາໃຫ້ເຈລະຈາຍົກເລີກສັນຍາ ພ້ອມຫັນທຶນດັ່ງກ່າວ ມາເລັ່ງຕິດຕັ້ງເຮືອນພັກຊົ່ວຄາວໃຫ້ປະຊາຊົນໃຫ້ໄວຂຶ້ນ ທັງຮັບປະກັນຄຸນນະພາບ ແລະ ປະຢັດງົບປະມານ”

ນອກຈາກຜູ້ທີ່ກຳລັງນອນກັບພື້ນດິນແລ້ວ, ການຈັດສັນ ທີ່ຢູ່ຖາວອນ ແລະການຟື້ນຟູຊີວິດການເປັນຢູ່, ການຜະລິດ ສະບຽງອາຫານ ໂດຍປະຊາຊົນເອງ ຍັງເປັນຂອດທີ່ຄວນເລັ່ງດ່ວນຄືກັນ.

error: Content is protected !!