ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ

ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ - advert banner 728 90 728x90 - ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ

ໃນວັນທີ 6 ກຸມພາຜ່ານມານີ້, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ, ໄດ້ລົງ ຢ້ຽມຢາມປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມໃນທ້າຍເດືອນ ກໍລະກົດ 2018 ຜ່ານມາ, ຢູ່ເມືອງສະໜາມໄຊ ແຂວງອັດຕະປື. ເພື່ອນໍາເອົາເຄື່ອງອຸປະໂພກບໍລິໂພກຈໍານວນໜຶ່ງ ແລະ ເງິນສົດ 950 ລ້ານກີບ ໄປມອບໃຫ້ແກ່ປະຊາຊົນຜູ້ໄດ້ຮັບຜົນກະທົບດັ່ງກ່າວ, ໂດຍແມ່ນການປະກອບສ່ວນຂອງພີ່ນ້ອງຄົນເຊື້ອຊາດລາວຢູ່ປະເທດຕ່າງໆ, ພະນັກງານກະຊວງການຕ່າງປະເທດທັງຢູ່ພາຍໃນ ແລະ ປະຈຳການຢູ່ຕ່າງປະເທດ ແລະ ຈາກອົງການຈັດຕັ້ງສາກົນອື່ນື້ປະຈຳລາວ.

ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ - lattana 1 - ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ

ໃນໂອກາດນີ້, ທ່ານ ບຸນຮຽນ ແກ້ວບົວພາດ ປະທານກວດກາພັກ-ລັດແຂວງອັດຕະປື ໄດ້ລາຍງານສະພາບຄວາມຄືບໜ້າໃນການແກ້ໄຂ ແລະ ຟື້ນຟູຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບວ່າ: ມາຮອດປະຈຸບັນ ໄດ້ຮັບການແກ້ໄຂໂດຍພື້ນຖານ, ປະຊາຊົນທີ່ໄດ້ຮັບຜົນກະທົບທັງໝົດໄດ້ຍົກຍ້າຍເຂົ້າພັກເຊົາຢູ່ເຮືອນພັກເຊົາຊົ່ວຄາວທີ່ທາງການໄດ້ຈັດສັນໃຫ້, ພ້ອມໄດ້ຮັບການສະໜອງເຂົ້າກິນ, ເງິນອູດໜູນ, ການບໍລິການດ້ານສາທາລະນະສຸກ ແລະ ອື່ນໆ. ສຳລັບວຽກງານຈຸດສຸມໃນສະເພາະໜ້າແມ່ນການສ້າງເຮືອນຖາວອນ, ຟື້ນຟູພື້ນຖານໂຄງລ່າງ, ພື້ນຖານການຜະລິດ ເພື່ອຊຸກຍູ້ປະຊາຊົນຫັນເຂົ້າສູ່ການຜະລິດໂດຍໄວ, ແນໃສ່ປົວແປງຊີວິດການເປັນຢູ່ຂອງເຂົາເຈົ້າໃຫ້ເຂົ້າສູ່ສະພາບປົກກະຕິ.

ໃນໂອກາດດັ່ງກ່າວ, ທ່ານລັດຖະມົນຕີກະຊວງການຕ່າງປະເທດ ໄດ້ສະແດງຄວາມຍ້ອງຍໍຊົມເຊີຍຕໍ່ອຳນາດການປົກຄອງແຂວງ ແລະ ເມືອງ ທີ່ໄດ້ຕັ້ງໜ້າເບິ່ງແຍງຊີວິດການເປັນຢູ່ຂອງ ປະຊາຊົນທີ່ໄດ້ຮັບຜົນກະທົບ ແລະ  ທ່ານລັດຖະມົນຕີ ໄດ້ຖືເອົາໂອກາດນີ້ລົງພົບປະໂອ້ລົມ ແລະ ອວຍພອນ ນາຍ ແລະ ພົນທະຫານ ທີ່ພວມປະຈຳການຢູ່ກອງພັນ 21 ແຂວງອັດຕະປື, ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ຢ່າງມີຄວາມໝາຍ.

ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ - 1 1 - ລັດຖະມົນຕີກະຊວງການຕ່າງປະເທດ ລົງຢ້ຽມຢາມ ແລະ ມອບເຄື່ອງຊ່ວຍເຫຼືອປະຊາຊົນ ເມືອງສະໜາມໄຊ