ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ

ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ - advert banner 728 90 728x90 - ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ

      ຂໍ້​ມູນ​ທາງ​ການ​ລະບຸ​ວ່າ: ​ເສດຖະກິດ​ອັງກິດ​ປີ 2018 ​ເຕີບ​ໃຫຍ່​ຢ່າງ​ຊັກ​ຊ້າ​ທີ່​ສຸດ​ໃນ​ຮອບ 6 ປີ ​ໂດຍ​ຂະ​ແໜງ​ການ​ຜະລິດ​ບໍ່​ເພີ່ມ​ຂຶ້ນ​ໃນ​ໄຕ​ມາດ​ສຸດ​ທ້າຍ. ຂະນະ​ທີ່​ເບຣັກຊິດ​ຍັງ​ບໍ່​ແນ່ນອນ ​ແລະ ການ​ເຕີບ​ໃຫຍ່​ຂອງ​ເສດຖະກິດ​ໂລກ​ຂະຫຍາຍຕົວ​ຊ້າ.

ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ - lattana 1 - ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ

      ຂໍ້​ມູນ​ເສດຖະກິດ​ຢ່າງ​ເປັນ​ທາງ​ການ​ມີ​ຂຶ້ນ​ໃນ​ຂະນະ​ທີ່​ລັດຖະບານ​ອັງກິດ​ຈະ​ຕ້ອງ​ເຮັດ​ໃຫ້​ຄະນະ​ເຈົ້າໜ້າ​ທີ່​ຝ່າຍ​ສະຫະພາບ​ເອີຣົບ (EU) ​ເຫັນ​ພ້ອມ​ຕາມ​ຂະ​ບວນການ​ທີ່​ສະຫະຣາຊະ​ອານາຈັກ​ອອກ​ຈາກ​ການ​ເປັນ​ສະມາຊິກ EU (​ເບຣັກຊິດ) ​ໂດຍ​ຈະ​ຕ້ອງ​ຜ່ານ​ຄວາມ​ເຫັນ​ພ້ອມ​ຈາກ​ສະພາ ​ແລະ ປະຕິບັດ​ຕາມ​ກຳນົດ​ເສັ້ນຕາຍ​ໃນ​ວັນ​ທີ 29 ມີນາ​ນີ້, ຂະນະ​ທີ່​ຍັງ​ບໍ່​ມີ​ທິດ​ທາງ​ທີ່​ແນ່ນອນ​ວ່າ​ຈະ​ເປັນ​ໄປ​ໃນ​ຮູບ​ແບບ​ໃດ. ກ່ອນ​ໜ້າ​ນີ້ ລັດຖະສະພາ​ອັງກິດ​ລົງມະຕິ​ບໍ່​ຮັບຮອງ​ຂໍ້​ຕົກລົງ​ເບ​ຣັກຊິດ​ທີ່​ນາຍົກລັດຖະມົນຕີ ​ເທ​ເຣຊາ ​ເມ ນຳ​ສະ​ເໜີ ທັງ​ທີ່​ໄດ້​ຕົກລົງ​ກັບ​ຜູ້ນຳ​ປະ​ເທດ​ສະມາຊິກ EU ​ແລ້ວ. ສຳນັກງານ​ສະຖິຕິ​ແຫ່ງ​ຊາດ​ລາຍ​ງານ​ໃນ​ວັນ​ທີ 12 ກຸມພາ​ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ​ເຕີບ​ໃຫຍ່​ໃນ​ລະດັບ 1,4% ​ໃນ​ປີຜ່ານມາ ຈາກ 1,8% ​ໃນ​ປີ 2017 ​ແລະ ຕົວ​ເລກ​ການ​ເຕີບ​ໃຫຍ່​ເມື່ອ​ສາມ​ເດືອນ​ຜ່ານ​ມາ​ຂອງ​ປີ 2018 ຢູ່​ລະດັບ 0,2% ​ເທົ່າ​ນັ້ນ.

ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ - 1 1 - ຕົວເລກເສດຖະກິດຂອງອັງກິດ ຂະຫຍາຍຕົວຊ້າທີ່ສຸດໃນຮອບ 6 ປີ