ພໍລ ສະໂຄລ ອະດີດສິດເກົ່າແມນຢູ ຮັບໜ້າທີ່ ຄຸມສະໂມສອນເຕັມໂຕຄັ້ງທຳອິດ

- advert banner 728 90 728x90 - ພໍລ ສະໂຄລ ອະດີດສິດເກົ່າແມນຢູ ຮັບໜ້າທີ່ ຄຸມສະໂມສອນເຕັມໂຕຄັ້ງທຳອິດ

      ພໍລ ສະ​ໂຄລ ອະດີດ​ກອງ​ກາງ​ທີ​ມຊາດ​ອັງກິດ ​ແລະ ​ແມນ​ເຊັສ​ເຕີ ຢູ​ໄນ​ເຕັດ ​ໄວ 44 ປີ ຕັດສິນ​ໃຈ​ຄຸມ​ສ​ະ​ໂມ​ສອນ ​ໂອນ​ແຮັມ ​ແອັດ​ເລ​ຕິກ ທີ​ມ​ໃນ​ລີກ​ອັນ​ດັບ 4 ຂອງ​ປະ​ເທດ​ອັງກິດ ​ເຊັນ​ສັນຍາ 1 ປີ​ເຄິ່ງ ​ເຊິ່ງ​ເປັນ​ການ​ຄຸມ​ສະ​ໂມ​ສອນ​ແບບ​ເຕັມ​ໂຕ​ຄັ້ງທຳ​ອິດ​ຂອງ ພໍລ ສະ​ໂຄລ ກ່ອນ​ໜ້າ​ນີ້​ເປັນ​ພຽງ​ຜູ້​ຊ່ວຍ ​ແລະ ຮັກສາ​ການ​ຊົ່ວຄາວ​ເຊັ່ນ: ​ເປັນ​ຜູ້​ຊ່ວຍ​ຄູ​ຝຶກ​ແມນ​ຢູ ​​ແລະ ຮັກສາ​ການ​ຄຸມ​ສະ​ໂມ​ສອນ ຊາວ​ຟັອດ ຊິ​ຕີ້ ຊົ່ວຄາວ ທີ​ມ​ໃນ​ລີກ​ອັນ​ດັບ 5 ຂອງ​ປະ​ເທດ​ອັງກິດ ​ໃນ​ປີ 2015.

- lattana 1 - ພໍລ ສະໂຄລ ອະດີດສິດເກົ່າແມນຢູ ຮັບໜ້າທີ່ ຄຸມສະໂມສອນເຕັມໂຕຄັ້ງທຳອິດ

      ສະ​ໂຄລ ມີ​ຄວາມ​ຮັກ​ສະ​ໂມ​ສອນ​ແຫ່ງ​ນີ້​ຕັ້ງ​ແຕ່​ນ້ອຍ ກ່ອນ​ກາຍ​ເປັນ​ນັກ​ເຕະ​ອາຊີບ​ມີ​ຊື່​ສຽງ​ກັບ ​ແມນ​ຢູ​ໄນ​ເຕັດ ຕັ້ງ​ແຕ່​ຊຸດ​ເຍົາວະ​ຊົນ​ເຖິງ​ທີ​ມຊຸດ​ໃຫຍ່ ​ໃນ​ປີ 1991-2013 ລົງ​ຫລິ້ນຊ່ວຍ​ທີ​ມ 718 ນັດ ຍິງ​ໄດ້ 155 ປະຕູ ສະ​ເພາະ​ໃນ​ພຣີ​ເມຍ​ລີກ ລົງ​ຫລິ້ນ 499 ນັດ ຍິງ​ໄດ້ 107 ປະຕູ.

      ປັດຈຸບັນ ພໍລ ສະ​ໂຄລ ​ເປັນ​ເຈົ້າສະ​ໂມ​ສອນ ຊາວ​ຟັອດ ຊິ​ຕີ້ ຊົ່ວຄາວ ທີ​ມ​ໃນ​ລີກ​ອັນ​ດັບ 5 ຂອງ​ປະ​ເທດ​ອັງກິດ ຖື​ຮຸ້ນ 10% ​ເທົ່າ​ກັບ​ສິດ​ເກົ່າ​ແມນ​ຢູ​ເຊັ່ນ: ສອງອ້າຍນ້ອງ ຟິວ ​ແລະ ​ແກຣີ້ ​ເນ​ວິວ, ນິກກີ້ ບັດ, ​ໂຣອັນ ກິກ ​ແລະ ​ເດ​ວິດ ​ແບັກ​ແຮມ, ສ່ວນ​ອີກ 40% ​ເປັນ​ຂອງ ປີ​ເຕີ ລິ​ມ ​ເສດຖີ​ຊາວ​ສິງກະ​ໂປ ​ເຈົ້າຂອງ​ສະ​ໂມ​ສອນ ບາ​ເລັນ​ເຊຍ ທີ​ມດັງ​ໃນ​ລາ​ລີ​ກາ ສະ​ເປ​ນ.