ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ

ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ - advert banner 728 90 728x90 - ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ

ໂດຍ: ທ່ຽງທຳ

ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ - new3 - ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ

ສະບາຍດີ, ເພື່ອນຜູ້ອ່ານທີ່ຮັກແພງ, ໃຜໄດ້ງິນຂ່າວນີ້ ກໍໜ້າຈະເປັນຫວ່ງ, ເຖິງຄວາມບໍ່ປອດໃສຂອງຜູ້ປະກອບການ ແລະ ພະນັກງານຈຳນວນໜຶ່ງທີ່ເຫັນແກ່ຜົນປະໂຫຍດຂອງຕົນເອງ,  ອາໄສສ່ອງຫວ່າງ ແລະ ຄວາມອ່ອນແອດ້ານລະບຽບກົດໝາຍໂກງກິນຊັບສົມບັດຂອງຊາດບ້ານເມືອງໄປເປັນຈຳ ນວນບໍ່ໜ້ອຍໃນຜ່ານມາຈົນມີຄຳເວົ້າກັນວ່າ ເຮັດອັນໃດ ກໍກິນອັນນັ້ນຄື: ຕັດໄມ້ກໍກິນນ້ຳໄມ້, ຂຸດບໍ່ກໍກິນນຳບໍ່.

ເຮັດທາງ, ສ້າງໄຟຟ້າກໍກິນນຳສິ່ງນັ້ນຈົນຈະບໍ່ມີບ່ອນດຳເນີນຄະດີ ແລະ ຮ້າຍແຮງໄປກວ່ານັ້ນກໍແມ່ນໂຄງການບໍ່ມີຕົນໂຕ, ສ້າງແຜນຂຶ້ນມາເພື່ອໂກງເອົາເງິນຂອງຊາດ, ໄປຄູນຮັ່ງຄູນມີໃຫ້ພວກເຮົາ.

ແຕ່ມາຮອດປັດຈຸບັນພັກ ແລະ ລັດຖະບານເພິ່ນໄດ້ເຂັ້ມງວດກຳຈັດຮັດແຄບສ່ອງຫວ່າງ, ເພີ່ມມາດຕະການ ແລະ ວາງລະບຽບກົດໝາຍ ໃຫ້ຮັດກຸມເພື່ອສະກັດກັ້ນສິ່ງຫຍໍ້ທໍ້ ແລະ ຄວາມບໍ່ປອດໃສຕ່າງໆ ໃຫ້ຫລຸດໜ້ອຍຖອຍລົງຢູ່ພາກລັດ, ພັດມາໂປໂລຂຶ້ນ ຢູ່ພາກເອກະຊົນຜູ້ປະກອບການຂາຍນ້ຳມັນເຊື້ອໄຟຕ່າງໆກໍສວຍໂອກາດໂກງກຳໄລດ້ວຍການເອົານ້ຳມັນແນວອື່ນມາປະສົມກັບນ້ຳມັນແອັດຊັງ, ນ້ຳມັນກາຊວນທີ່ພວກເຮົານຳໃຊ້ຢູ່ໃນຊີວິດປະຈຳວັນນີ້, ໂດຍບໍ່ສົນໃຈນຳຜົນຮ້າຍຜົນເສຍຂອງຜູ້ນຳໃຊ້ຂໍພຽງແຕ່ວ່າຕົນເອງໄດ້ກຳໄລແລ້ວກໍພໍ.

ດັ່ງຕົວເລກເປີດເຜີຍຂອງກົມມາດຕະຖານ ແລະ ວັດແທກກະຊວງວິທະຍາສາດ ແລະ ເຕັກໂນໂລຊີ ເຊິ່ງຜ່ານການກວດກາປ້ຳນ້ຳມັນຕ້ອງສົງໃສຕ່າງໆ ໃນປີ 2017 ພົບວ່າ 30% ຂອງຈຳນວນປ້ຳເຫລົ່ານັ້ນແມ່ນມີການເຈືອປົນທາດເຫລົ່າ, ກົດໄຂມັນ ແລະ ອື່ນໆ ແລະ ຕໍ່ມາໃນປີ 2018 ຜ່ານມານີ້, ຈຳນວນປ້ຳໄດ້ກວດພົບເຫັນປະມານ 10% ແມ່ນມີການ ປົນເປື້ອນ.

ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ - lattana 1 - ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ

ໂດຍສວນຫລາຍແມ່ນມີຢູ່ບັນດາປ້ຳໃນເຂດຊານ ເມືອງຂອງນະຄອນຫລວງ ວຽງຈັນ ແລະ ເຂດແຄມທາງ 13 ໃຕ້ສິ່ງນີ້ສະແດງໃຫ້ເຫັນວ່າ: ການສວຍໂອກາດ ເພື່ອໂກງກຳໄລໃນວິຊາອາ ຊີບຕ່າງໆໄດ້ປະກົດມີຂຶ້ນ.

ດັ່ງນັ້ນສັງຄົມຕ້ອງຊ່ວຍເປັນຫູເປັນຕາໃຫ້ແກ່ຂະບວນຍຸຕິທຳເພື່ອສາມາດສະກັດກັ້ນ ແລະ ລົງໂທດຜູ້ກະທຳຜິດຕາມລະບຽບກົດໝາຍໃຫ້ເຂັ້ມງວດຈິ່ງຈະສາມາດປາບ ປາມດ້ວງໜອນດັ່ງກ່າວໃຫ້ໝົດໄປໄດ້./.

ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ - 974 - ເມື່ອລະບຽບການອ່ອນແອ, ການສວຍໂອກາດກໍມັກຈະມີຂຶ້ນ
(ພາບປະກອບ)
error: Content is protected !!