ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%

ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1% - 750x422 826879 1550012963 - ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%
ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1% - Untitled design - ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%

      ສັນຍານ້ຳມັນ​ດິບ​ເວສ​ເທັກ​ຊັສ ສົ່ງ​ມອບ​ເດືອນ​ມີນາ ​ເຊິ່ງມີ​ການ​ຊື້ຂາຍ​ຢູ່​ຕະຫລາດ​ໄນ​ເມັກ ​ເພີ່ມ​ຂຶ້ນ 69 ​ເຊັນ ຫລື 1,3% ປິດ​ໃນ​ລາຄາ 53,10 ​ໂດ​ລາ/ບາ​ເຣລ, ສ່ວນ​ສັນຍານ້ຳມັນ​ດິບ​ເບຣນ​ເພີ່ມ​ຂຶ້ນ 81 ​ເຊັນ ຫລື 1,3% ປິດ​ຕະຫລາດ​ໃນ​ລາຄາ 62,32 ​ໂດ​ລາ/ບາ​ເຣລ.

      ​ໃນ​ເດືອນ​ທັນວາ​ປີຜ່ານມາ, ​ໂອ​ເປັກ ​ແລະ ກຸ່ມ​ປະ​ເທດ​ນອກ​ໂອ​ເປັກ ນຳ​ໂດຍຣັດ​ເຊຍ ​ເຫັນ​ພ້ອມ​ກັນຈະ​ຫລຸດ​ກຳລັງ​ການ​ຜະລິດ​ນ້ຳມັນ 1,2 ລ້ານ​ບາ​ເຣລ/ວັນ​ໃນ​ປີ​ນີ້ ​ເພື່ອ​ປ້ອງ​ກັນ​ການ​ຫລຸດ​ລົງ​ຂອງ​ລາຄາ​ນ້ຳມັນ.

      ອາຣັບບີ ຊາ​ອຸ​ດິດ ​ເຊິ່ງ​ເປັນ​ຜູ້ນຳ​ໃນ​ການ​ຫລຸດ​ການ​ຜະລິດ​ຂອງ​ໂອ​ເປັກ ປະກາດ​ວ່າຈະ​ຫລຸດ​ການ​ຜະລິດ​ສູ່​ລະດັບ 9,8 ລ້ານ​ບາ​ເຣລ/ວັນ​ໃນ​ເດືອນ​ໜ້າ ​ໂດຍ​ຫລຸດ​ລົງ​ຫລາຍ​ກວ່າ 500.000 ບາ​ເຣລ/ວັນ ຈາກ​ທີ່​ມີ​ການ​ສັນຍາ​ໄວ້​ໃນ​ໄລຍະ​ທຳ​ອິດ.

      ສ່ວນ​ການ​ຜະລິດ​ນ້ຳມັນ​ຂອງ​ໂອ​ເປັກ​ຫລຸດ​ລົງ 797.000 ບາ​ເຣລ/ວັນ ສູ່​ລະດັບ 30,80 ລ້ານ​ບາ​ເຣລ/ວັນ ​ໃນ​ເດືອນ​ມັງກອນ ​ເຊິ່ງທຽບ​ເທົ່າ​ກັບ​ການ​ປະຕິບັດ​ຕາມ​ຂໍ້​ຕົກລົງ​ຫລຸດ​ກຳລັງ​ການ​ຜະລິດ​ປະມານ 86%.

ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1% - Wave100S AD to Website 2020 0 - ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%

      ຂະນະ​ດຽວ​ກັນ ​ໂອ​ເປັກ ລະບຸ​ໃນ​ລາຍ​ງານ​ປະຈຳ​ເດືອນ​ກຸມພາ ​ໂດຍ​ໄດ້​ຫລຸດ​ຄາດ​ຄະ​ເນອຸປະ​ສົງ​ນ້ຳມັນ​ໃນ​ປີ​ນີ້ ເນື່ອງ​ຈາກ​ເສດຖະກິດ​ຂະຫຍາຍຕົວ​ຊ້າ, ຂະນະ​ທີ່​ປະ​ເທດ​ຜູ້​ຜະລິດ​ນ້ຳມັນ​ນອກ​ກຸ່ມ​ໂອ​ເປັກ​ມີ​ການ​ຜະລິດ​ຫລາຍ​ຂຶ້ນ.

      ທັງ​ນີ້ ລາຍ​ງານ​ລະບຸ​ວ່າ: ຄວາມ​ຕ້ອງການ​ໃຊ້​ນ້ຳມັນ​ໂລກ​ຈະ​ມີ​ການ​ຂະຫຍາຍຕົວ​ພຽງ 1,24 ລ້ານ​ບາ​ເຣລ/ວັນ ​ໂດຍ​ຫລຸດ​ລົງ 50.000 ບາ​ເຣລ/ວັນ ຈາກ​ຕົວ​ເລກ​ຄາດ​ຄະ​ເນ​ໃນ​ເດືອນ​ຜ່ານ​ມາ. ນອກຈາກ​ນີ້ ອຸປະ​ສົງ​ນ້ຳມັນ​ດິບ​ຂອງ​ໂອ​ເປັກ​ຈະ​ຫລຸດ​ລົງ​ສູ່​ລະດັບ 30,59 ລ້ານ​ບາ​ເຣລ/ວັນ ​ໂດຍ​ຫລຸດ​ລົງ 240.000 ບາ​ເຣລ/ວັນ ຈາກ​ຕົວ​ເລກ​ຄາດ​ຄະ​ເນ​ໃນ​ເດືອນ​ຜ່ານ​ມາ.

       ຂະນະ​ດຽວ​ກັນ ​ໂອ​ເປັກ ​ໄດ້​ເພີ່ມ​ຕົວ​ເລກ​ການ​ຜະລິດ​ນ້ຳມັນ​ຂອງ​ປະ​ເທດ​ນອກ​ກຸ່ມ​ໂອ​ເປັກ​ຈຳນວນ 80.000 ບາ​ເຣລ/ວັນ ສູ່​ລະດັບ 2,18 ລ້ານ​ບາ​ເຣລ/ວັນ ຈາກ​ການ​ທີ່​ອາ​ເມ​ລິ​ກາ​ເພີ່ມ​ກຳລັງ​ການ​ຜະລິດ.

ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1% - WhatsApp Image 2020 05 27 at 5 - ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%
ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1% - WhatsApp Image 2020 05 27 at 5 - ໂອເປັກ-ອາຣັບບີ ຊາອຸດິດ ຫລຸດການຜະລິດ ໜຸນລາຄານ້ຳມັນດິບເພີ່ມກວ່າ 1%
error: Alert: ເນື້ອຫາຂ່າວມີລິຂະສິດ !!