ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້

ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້ - advert banner 728 90 728x90 - ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້

      ​ເອັນ​ພີ​ອາ ສື່​ວິທະຍຸ​ຂອງ​ອາ​ເມ​ລິ​ກາ ລາຍ​ງານ​ວ່າ: ຣັດ​ເຊຍ​ຈະ​ເລີ່​ມທົດ​ລອງ​ຕັດຂາດ​ຈາກ​ໂລກ​ອິນ​ເຕີ​ເນັດ​ຢ່າງ​ເປັນ​ທາງ​ການ​ວັນ​ທີ 1 ​ເມສາ​ທີ່​ຈະ​ເຖິງ​ນີ້ ​ໂດຍ​ດຳ​ເນີນ​ການ​ຕາມ​ຮ່າງ​ກົດໝາຍ​ຊົ່ວຄາວ​ ວ່າ​ດ້ວຍ​ໂຄງການ​ແຫ່ງ​ຊາດ​ເສດຖະກິດ​ດິຈິ​ຕອນ ທີ່​ໄດ້​ຮັບ​ການ​ພິຈາລະນາ​ຈາກ​ລັດຖະສະພາຣັດ​ເຊຍ​ໃນ​ປີຜ່ານມາ.

      ການ​ທົດ​ລອງ​ຄັ້ງນີ້ ມີ​ເປົ້າໝາຍ​ເພື່ອ​ກວດ​ສອບ​ວ່າ​ຜູ້​ໃຫ້​ບໍລິການ​ອິນ​ເຕີ​ເນັດ​ໃນຣັດ​ເຊຍ ຫລື ຣູ​ເນັດ ຈະ​ສາມາດ​ໃຫ້​ບໍລິການ​ພາຍ​ໃນ​ປະ​ເທດ​ໄດ້​ຕາມ​ປົກກະຕິ ຫລື ບໍ່, ຖ້າ​ມີ​ການ​ຕັດຂາດ​ການ​ເຊື່ອມ​ຕໍ່​ລະຫວ່າງ​ປະ​ເທດ ​ແລະ ຄາດ​ວ່າການ​ທົດ​ລອງ​ຈະ​ເລີ່​ມຂຶ້ນກ່ອນ​ວັນ​ທີ 1 ​ເມສາ ​ເປັນ​ສ່ວນ​ໜຶ່ງ​ໃນ​ການວາງ​ລະບົບ​ປ້ອງ​ກັນ​ໄພ​ຄຸກ​ຄາມ​ຈາກ​ໂລກ​ໄຊ​ເບີ ທີ່​ອາດ​ກະທົບ​ຄວາມ​ໝັ້ນຄົງ​ຂອງ​ປະ​ເທດ ​ແລະ ມີ​ຂຶ້ນຫລັງ​ຈາກ​ອາ​ເມ​ລິ​ກາ ປະກາດ​ຍຸດ​ທະ​ສາດ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ເມື່ອ​ມໍ່ໆ​ນີ້ ​ໂດຍ​ອາ​ເມ​ລິ​ກາ​ເນັ້ນ​ເຖິງ​ການ​ປ້ອງ​ກັນ​ໄພ​ຄຸກ​ຄາມ​ໃນ​ໂລກ​ໄຊ​ເບີ ທີ່​ອາດ​ມາ​ຈາກຣັດ​ເຊຍ, ຈີນ, ອີຣານ ​ແລະ ສປປ ​ເກົາຫລີ.

ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້ - 1 1 - ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້
ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້ - lattana 1 - ຣັດເຊຍເລີ່ມທົດລອງຕັດຂາດຈາກ ໂລກອິນເຕີເນັດ 1 ເມສານີ້

       ​ໃນ​ທ້າຍ​ປີຜ່ານມາ, ປະ​ເທດ​ຕາ​ເວັນ​ຕົກ ພ້ອມ​ໃຈ​ກ່າວ​ຫາຣັດ​ເຊຍ​ວ່າ: ສົ່ງ​ສາຍ​ລັບ​ເຂົ້າ​ໄປ​ໂຈມ​ຕີ​ທາງ​ໄຊ​ເບີ​ໃນ​ຫລາຍ​ປະ​ເທດ ລວມທັງ​ຢູ່​ໂຮ​ນລັງ ທີ່​ສາມາດ​ຈັບ​ສາຍ​ລັບຣັດ​ເຊຍ​ໄດ້ 4 ຄົນ, ສ່ວນ​ຢູ່​ອາ​ເມ​ລິ​ກາຈັບ​ໄດ້​ອີກ 7 ຄົນ ​ແຕ່​ຜູ້​ຕ້ອງ​ຫາ​ທັງ 4 ຄົນ​ເດີນທາງ​ເຂົ້າ​​ໂຮ​ນລັງ ດ້ວຍ​ພາສປອດ​ທາງ​ການ​ທູດ, ຕຳຫລວດ​ໂຮ​ນລັງ​ຈຶ່ງ​ບໍ່​ມີ​ສິດ​ຈະ​ຄວບ​ຄຸມ​ຕົວ​ໄດ້ ຈຳ​ເປັນ​ຕ້ອງ​ສົ່ງ​ກັບຣັດ​ເຊຍ​ທັງ​ໝົດ.

error: Content is protected !!