ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ

ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ - advert banner 728 90 728x90 - ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ

      ຖື​ວ່າຟອມ​ໃນ​ໄລຍະ​ນີ້​ກຳລັງ​ມາ​ແຮງ ສຳລັບ ຈັດ​ ທຣຳ ນັກ​ສະນຸກ​ເກີ​ຊາວ​ອັງກິດ ຫລັງ​ຈາກ​ຫາ​ກໍ​ເອົາ​ຊະນະ ຮາວີ ​ແຊນ​ເລີ ມື 110 ຂອງ​ໂລກ​ຈາກ​ປະ​ເທດ​ດຽວ​ກັນ 4-0 ​ເຟຣມ ​ໃນ​ການ​ແຂ່ງຂັນ​ສະນຸກ​ເກີ​ລາຍການ​ເວລ ​ໂອ​ເພັນ 2019 ທີ່ປະ​ເທດ​ເວລ ​ໃນ​ວັນ​ທີ 11 ກຸມພາ​ຜ່ານ​ມາ.

      ຍິ່ງ​ໄປ​ກວ່າ​ນັ້ນ ກ່ອນ​ການ​ແຂ່ງຂັນ​ເວລ ​ໂອ​ເພັນ 2019 ຈະ​ເລີ່​ມບໍ່​ຮອດ 24 ຊົ່ວ​ໂມງ ນັກ​ສະນຸກ​ເກີ​ໄວ 29 ປີ ສາມາດ​ຄວ້າ​ແຊ້ມລາຍການ​ເວິລ ກຣັງປຣີ 2019 ມາ​ຄອງ​ໄດ້​ຢ່າງ​ຍອດ​ຢ້ຽມ ​ໂດຍ​ການ​ເອົາ​ຊະນະ ອາລີ ຄາຣ​ເຕີ ມື 19 ຂອງ​ໂລກ​ຊາວ​ອັງກິດ ​ໃນ​ຮອບ​ຊີງ​ຊະນະ​ເລີດ 10-6 ​ເຟຣມ ​ໃນ​ການ​ແຂ່ງຂັນ​ຢູ່​​ເມືອງ​ເຊ​ລ​ແນ່​ມ ປະ​ເທດ​ອັງກິດ.

      ການ​ຄວ້າ​ແຊ້ມຄັ້ງນີ້ ຖື​ເປັນ​ແຊ້ມອາຊີບ​ລາຍການ​ທີ 3 ​ໃນ​ລະດູ​ການ​ນີ້​ຂອງ ຈັດ ທຣຳ ​ເຊິ່ງຖື​ເປັນ​ການ​ຄວ້າ​ແຊ້ມລາຍການ​ອາຊີບ​ຫລາຍ​ທີ່​ສຸດ​ໃນ 1 ລະດູ​ການ​ຂອງ​ລາວ.

      ອີກ​ທັງ ຖ້າ​ນັບ​ສະ​ເພາະ​ໃນ​ປີ 2019 ​ເຊິ່ງຫາ​ກໍ​ເລີ່​ມມາ​ໄດ້​ບໍ່​ຮອດ 2 ​ເດືອນ ນີ້​ຄື​ໂທຣຟີ​ແຊ້ມລາຍການ​ທີ 2 ຂອງ​ນັກ​ສະນຸກ​ເກີ​ຈາກ​ເມືອງ​ບຣິສຕອລ ຕໍ່​ຈາກ​ລາຍການ​ໃຫຍ່​ຄືການ​ແຂ່ງຂັນ ​ເດິ ມາສ​ເຕີ 2019 ​ໃນ​ເດືອນ​ມັງກອນ​ຜ່ານ​ມາ.

      ພ້ອມ​ເຮັດ​ໃຫ້ ຈັດ ທຣຳ ​ເກັບ​ຄະ​ແນນ​ສະ​ສົມ​ເພີ່ມ​ຂຶ້ນອີກ 92.500 ຄະ​ແນນ ​ເລື່ອນ​ຈາກ​ອັນ​ດັບ​ທີ 5 ຂຶ້ນ​ໄປ​ຢູ່​ອັນ​ດັບ​ທີ 4 ຂອງ​ໂລກ​ແລ້ວ.

ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ - Tiger Head 728x90 - ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ
ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ - 1 1 - ຈັດ ທຣຳ ກັບບົດພິສູດໃນການແຂ່ງຂັນຊີງແຊ້ມໂລກ

      ຢ້ອນ​ເວລາ​ກັບ​ໄປ​ຫລາຍ​ລະດູ​ການ​ກ່ອນ ​ເຖິງ​ວ່າ ຈັດ ທຣຳ ຈະ​ມີ​ຄວາມ​ແມ້ນ​ຢຳ ​ແທງ​ສະນຸກ ຈົນ​ກາຍ​ເປັນ​ຂວັນ​ໃຈ​ຂອງ​ແຟນສະນຸກ​ເກີ​ຫລາຍ​ຄົນ ​ແຕ່​ມັກ​ຖືກ​ແຟນສະນຸກ​ເກີ​ວິຈານ​ສະ​ເໝີ​ວ່າ​ມີ​ຈຸດ​ເດັ່ນ​ຢູ່​ຄວາມ​ແມ້ນ​ຢຳ​ພຽງ​ຢ່າງ​ດຽວ​ເທົ່າ​ນັ້ນ, ​ໃນ​ຂະນະ​ທີ່​ເກ​ມປ້ອງ​ກັນ ຍັງ​ແທງ​ໄດ້​ບໍ່​ດີ​ເທົ່າ​ທີ່​ຄວນ ຈຶ່ງ​ເຮັດ​ໃຫ້​ລາວ​ຍັງ​ບໍ່​ປະສົບ​ຜົນສຳ​ເລັດ​ໃນ​ການ​ຄວ້າ​ແຊ້ມລາຍການ​ໃຫຍ່.

       ​ແຕ່​ວ່າ​ໃນ​ລະດູ​ການ​ປັດຈຸບັນ ຖ້າ​ຕິດຕາມ​ຜົນງານ​ຢ່າງ​ຕໍ່​ເນື່ອງ​ຈະ​ເຫັນ​ວ່າ ຈັດ ທຣຳ ​ໃນ​ເວີ​ຊັນຍຸກ​ນີ້ ມີ​ຄວາມ​ຄົບ​ເຄື່ອງ​ຫລາຍ​ຂຶ້ນ ​ເຫັນ​ໄດ້​ຈາກ​ເກ​ມປ້ອງ​ກັນ​ທີ່​ແທງ​ໄດ້​ໜຽວ​ແໜ້ນ​ຂຶ້ນ, ຂະນະ​ທີ່​ເກ​ມບຸກຍັງ​ຄົງ​ແທງ​ໄດ້​ຢ່າງ​ແມ້ນ​ຢຳ ​ແລະ ດຸ​ດັນ​ຄື​ເກົ່າ.

      ​ເມື່ອ​ເບິ່ງ​ຄະ​ແນນ​ສະ​ສົມ​ອັນ​ດັບ​ໂລກສະ​ເພາະ​ລະດູ​ການ​ນີ້ ຫລື one year ranking ຈະ​ເຫັນ​ວ່າ ຈັດ ທຣຳ ມີ​ຜົນງານ​ດີ​ທີ່​ສຸດ​ເປັນອັນ​ດັບ 2 ຮອງ​ຈາກ ມາກ ອັລ​ເລນ ນັກ​ສະນຸກ​ເກີ​ຊາວ​ໄອ​ແລນ​ເໜືອ ພຽງ​ຄົນ​ດຽວ​ເທົ່າ​ນັ້ນ ​ເຊິ່ງສິ່ງ​ນີ້​ສະ​ແດງ​ໃຫ້​ເຫັນ​ວ່າ ຜົນງານ​ຂອງ​ລາວ​ໃນ​ລະດູ​ການ​ປັດຈຸບັນ​ມາ​ແຮງ​ແທ້ໆ.

error: Content is protected !!