ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ

- 96152601  96137473 mediaitem96137472 - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ
- Untitled design - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ
- 96152601  96137473 mediaitem96137472 - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ
ສປປ ເກົາຫລີ ລະບຸວ່າລູກສອນໄຟທີ່ຍິງທົດລອງວານນີ້ ຄືລຸ້ນພຸກກຸກຊອງ-2 ເຊິ່ງເຄີຍມີການທົດລອງມາແລ້ວໃນເດືອນກຸມພາ

 

ສປປ ​ເກົາຫລີ ປະກາດ​ຜົນສຳເລັດໃນການຍິງທົດລອງລູກສອນໄຟ “ພຸກກຸກຊອງ-2” ໃນວັນທີ 21 ພຶດສະພາ, ຜູ້ນຳສູງສຸດສັ່ງໃຫ້ນຳໄປປະຈຳການກຽມສູ້ຮົບໄດ້.

 

ສຳນັກຂ່າວກາງເກົາຫລີ (KCNA) ຂອງ​ທາງ​ການ ສປປ ​ເກົາຫລີ ຖະ​ແຫລ​ງຢືນຢັນ​ວ່າ: ການ​ຍິງ​ທົດ​ລອງ​ລູກ​ສອນ​ໄຟ​ໄລຍະ​ກາງ “ພຸກ​ກຸກ​ຊອງ-2” ວານ​ນີ້ (21 ພຶດສະພາ) ປະສົບ​ຜົນສຳ​ເລັດ​ດີ ​ເຊິ່ງ​ເຮັດ​ໃຫ້​ມີ​ຄວາມ​ພ້ອມ​ໃນ​ການ​ນຳ​ລູກ​ສອນ​ໄຟ​ນີ້​ໄປ​ປະຈຳການ​ເພື່ອ​ກຽມ​ສູ້​ຮົບ​ແລ້ວ.

 

ສື່​ຂອງ​ ສປປ ​ເກົາຫລີ ລະບຸ​ວ່າ: ທ່ານ ກິມ ຈອງ​ ອິນ ຜູ້ນຳ​ສູງ​ສຸດ ​ໄດ້​ໄປ​ເຝົ້າ​ເບິ່ງ​ການ​ຍິງ​ທົດ​ລອງ​ລູກ​ສອນ​ໄຟ​ດັ່ງກ່າວ ຢູ່​ເມືອງ​ພຸກ​ຊາງ​ທາງ​ຕາ​ເວັນ​ຕົກ​ຂອງ​ປະ​ເທດ ​ແລະ ​ໄດ້​ສັ່ງ​ອະນຸມັດ​ໃຫ້​ປະຈຳການ​ລະບົບ​ລູກ​ສອນ​ໄຟ​ນີ້ ​ເພື່ອ​ໃຊ້​ໃນ​ປະຕິບັດ​ການ​ທາງ​ທະຫານ​ຕໍ່​ໄປ.

 

- ea391wfv - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ

 

​ໃນ​ການ​ຍິງ​ທົດ​ລອງ​ຕອນ​ບ່າຍ​ວັນ​ທີ 21 ພຶດສະພາ, ລູກ​ສອນ​ໄຟ​ພຸກ​ກຸກ​ຊອງ-2 ສາມາດ​ລອຍ​ໄປ​ໄດ້​ໄກ 500 ກິ​ໂລ​ແມັດ ​ເຊິ່ງທາງ​ທຳນຽບປະທານາທິບໍດີ​ອາ​ເມ​ລິ​ກາ ຊີ້​ວ່າ: ລູກ​ສອນ​ໄຟ​ນີ້​ມີ​ໄລຍະ​ຍິງ​ໃນ​ໄລຍະ​ທີ່​ສັ້ນກວ່າ​ລູກ​ສອນ​ໄຟ​ໜ່ວຍ​ອື່ນໆ​ທີ່ ສປປ ​ເກົາຫລີ ​ໃຊ້​ໃນ​ການ​ຍິງ​ທົດ​ລອງ 3 ຄັ້ງກ່ອນ​ໜ້າ​ນີ້.

 

ທາງ​ການ​ຍີ່ປຸ່ນ​ລະບຸ​ວ່າ: ລູກ​ສອນ​ໄຟ​ດັ່ງກ່າວ​ອາດ​ຈະ​ຕົກລົງ​ໃນ​ບໍລິ​ເວນ​ນອກ​ເຂດ​ນ່ານນ້ຳຂອງ​ຍີ່ປຸ່ນ ​ໂດຍ​ທ່ານ ​ໂຍຊິ​ຮິ​ເດະ ຊິ​ກະ ​ເລຂາທິການ​ຄະນະ​ລັດຖະບານ ​ແຈ້ງວ່າ: ​ໄດ້​ຍື່ນ​ປະ​ທ້ວງ​ກໍລະນີ​ດັ່ງກ່າວ​ຕໍ່​ ສປປ ​ເກົາຫລີ ​ແລ້ວ.

- Wave100S AD to Website 2020 0 - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ

 

ສ່ວນ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ກຽມ​ຈັດ​ກອງ​ປະຊຸມ​ລັບ​ໃນ​ວັນ​ທີ 23 ພຶດສະພາ​ນີ້ ຕາມ​ຄຳ​ຂໍ​ຂອງ​ອາ​ເມ​ລິ​ກາ, ຍີ່ປຸ່ນ ​ແລະ ສ.​ເກົາຫລີ ​ເພື່ອ​ພິຈາລະນາ​ບັນຫາ​ເລື່ອງ ສປປ ​ເກົາຫລີ ຍິງ​ທົດ​ລອງ​ລູກ​ສອນ​ໄຟ​ເລື້ອຍໆ ​ໂດຍ​ກ່ອນ​ໜ້າ​ນີ້​ກະຊວງ​ການ​ຕ່າງປະ​ເທດ ສ.​ເກົາຫລີ ປະນາມ​ການ​ຍິງ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ຂອງ ສປປ ​ເກົາ​ຫລີ ວ່າ: ​ເປັນ​ການ​ກະທຳ​ໂດຍ​ປາສະຈາກ​ຄວາມ​ຄິດ​ຕຶກ​ຕອງ ​ແລະ ບໍ່​ມີ​ຄວາມ​ຮັບຜິດຊອບ.

 

+ ສປປ ເກົາຫລີ ຍິງທົດລອງລູກສອນໄຟຄັ້ງໃໝ່

+ ສປປ ເກົາຫລີ ອ້າງທົດລອງລູກສອນໄຟລຸ້ນໃໝ່

+ ສປປ ເກົາຫລີ ຊ້ອມຍິງປືນໃຫຍ່ສະຫລອງວັນສ້າງຕັ້ງກອງທັບ

 

ກ່ອນ​ໜ້າ​ນີ້, ສື່​ທີ່​ເປັນ​ກະບອກ​ສຽງ​ຂອງ​ທາງ​ການ ສປປ ​ເກົາຫລີ ປະກາດ​ວ່າ: ສປປ ​ເກົາຫລີ ຈະ​ບໍ່​ຢຸດ​ຍິງ “ອາວຸດ​ທີ່​ສາມາດ​ໂຈມ​ຕີ​ອາ​ເມ​ລິ​ກາ”.

 

​ໂດຍ​​ໃນ​ອາທິດ​ຜ່ານ​ມາ ຍັງ​ໄດ້​ປະກາດ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ສອນ​ໄຟ​ໄລຍະ​ກາງ​ເຖິງ​ໄກ​ທີ່​ສາມາດ​ບັນທຸກ​ຫົວ​ຮົບ​ນິວ​ເຄຼຍຂະໜາດ​ໃຫຍ່​ໄດ້ ​ເຮັດ​ໃຫ້​ສະຫະ​ປະຊາ​ຊາດ​ຕ້ອງ​ອອກ​ຖະ​ແຫລ​ງການ​ຫ້າມ ສປປ ​ເກົາຫລີ ທົດ​ລອງ​ຍິງ​ລູກ​ສອນ​ໄປ​ຄັ້ງຕໍ່​ໄປ ​ແລະ ຮຽກຮ້ອງ​ໃຫ້ ສປປ ​ເກົາຫລີ “ສະ​ແດງ​ຄວາມ​ຈິງ​ໃຈ​ຕໍ່​ການ​ຢຶດໝັ້ນ​ໃນ​ຂໍ້​ຕົກລົງ​ຢຸດ​ໂຄງການ​ນິວ​ເຄຼຍ” ຜ່ານ​ການ​ລົງມື​ປະຕິບັດ​ຢ່າງ​ເປັນ​ຮູບ​ປະ​ທຳ​ໃນ​ທັນທີ.

- WhatsApp Image 2020 05 27 at 5 - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ
- WhatsApp Image 2020 05 27 at 5 - ສປປ ເກົາຫລີ ເຜີຍຍິງທົດລອງລູກສອນໄຟສຳເລັດ
error: Alert: ເນື້ອຫາຂ່າວມີລິຂະສິດ !!