ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ

ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ - Laotel - ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ
ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ - Untitled design - ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ

     ກອງປະຊຸມປະຈໍາປີຂອງບໍລິສັດ ວິສາຫະກິດ ລາວ ໂທລະຄົມມະນາຄົມ ໄດ້ຈັດຂຶ້ນໃນວັນທີ 13 ກຸມພານີ້, ທີ່ນະຄອນຫຼວງວຽງຈັນ, ເພື່ອສະຫຼຸບຕີລາຄາ ການເຄື່ອນໄຫວວຽກງານໃນປີ 2018 ຜ່ານມາ ແລະ ວາງທິດທາງແຜນການດໍາເນີນງານໃໝ່, ໂດຍການເປັນປະທານຂອງທ່ານ ຖາວອນ ສົມສະກຸນ ຜູ້ອໍານວຍການໃຫຍ່ ວິສາຫະກິດດັ່ງກ່າວ ແລະ ມີທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ກຽດເຂົ້າຮ່ວມນໍາດ້ວຍ.

ທ່ານ ຖາວອນ ສົມສະກຸນ ໄດ້ລາຍງານຕໍ່ກອງປະຊຸມວ່າ: ໃນໜຶ່ງປີຜ່ານມາ,  ລາວ ໂທລະຄົມສາມາດຍາດມາໄດ້ຜົນງານພົ້ນເດັ່ນຫຼາຍດ້ານຄື: ໄດ້ລົງທຶນຂະຫຍາຍຕາໜ່າງລະບົບໂທລະຄົມມີ ມູນຄ່າກວ່າ 60 ລ້ານໂດລາສະຫະລັດ ຊ່ວຍຍົກລະດັບການບໍລິການຂອງຕົນດີຂຶ້ນ, ຊຶ່ງມາຮອດປັດຈຸບັນມີສະຖານີມືຖື 2G, 3G, 4G ແລະ 4,5G ທັງໝົດ 6.653 ສະຖານີ, ມີສັນຍານໂທລະສັບມືຖືຄວມຄຸມໄດ້ 18 ແຂວງ, 148 ເມືອງ, 8.500 ກວ່າບ້ານ, ໃນນີ້, 2G ກວມ 72% 3G ກວມ 62%, 4G ກວມ 49% ຂອງຈໍານວນໝູ່ບ້ານທັງໝົດ ແລະ 4,5G ກວມເອົາ 22% ຂອງຕົວເມືອງໃຫຍ່. ທັງໝົດນີ້ໄດ້ກາຍເປັນປັດໄຈຫຼັກທີ່ພັກດັນໃຫ້ລາວ ໂທລະຄົມ ສາມາດຂະຫຍາຍລູກຄ້າໃໝ່ ແລະ ຮັກສາຈໍານວນລູກຄ້າເກົ່າໄວ້ໄດ້, ມາຮອດປະຈຸບັນມີລູກຄ້າໃຊ້ໂທລະສັບມືຖືໃນລະບົບຈໍານວນ 1,6 ລ້ານໝາຍເລກ, ໂທລະສັບຕັ້ງໂຕະ 40 ພັນໝາຍເລກ, ໂທລະສັບວິນໂຟນ 430 ພັນເລກໝາຍ ແລະ ອິນເຕີເນັດ 1,4 ລ້ານລູກຄ້າ.

ທ່ານໃຫ້ຮູ້ຕື່ມວ່າ: ໃນປີ 2108 ຜ່ານມາ, ສາມາດສ້າງລາຍຮັບໄດ້ທັງໝົດຫຼາຍກວ່າ 1.800 ຕື້ກີບ (ລວມອາກອນ), ທຽບໃສ່ປີ 2017 ເພີ່ມຂຶ້ນ 1,4%, ໃນນັ້ນ, ມີກຳໄລສຸດທິ 223 ຕື້ກວ່າກີບແລະ ສາມາດປະຕິບັດພັນທະໃຫ້ລັດຖະບານໄດ້ທັງໝົດ 541 ຕື້ກວ່າກີບ, ເຊິ່ງກວມເອົາອັດຕາສ່ວນ 34,6% ຂອງລາຍຮັບທີ່ ລາວ ໂທລະຄົມປະຕິບັດໄດ້ໃນປີ 2108, ນອກນີ້, ຍັງໄດ້ປັບປຸງລະບຽບ, ນະໂຍບາຍສະຫວັດດີການສັງຄົມຕ່າງໆ ເພື່ອຍົກສູງລະດັບຊີວິດການເປັນຢູ່ໃຫ້ພະນັກງານໃຫ້ດີຂຶ້ນ, ໄປຄຽງຄູ່ກັບການດໍາເນີນທຸລະກິດຂອງຕົນ ແລະ ໄດ້ປະກອບສ່ວນຊ່ວຍເຫຼືອສັງຄົມເປັນມູນຄ່າ 1,4 ຕື້ກວ່າກີບ.

ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ - Wave100S AD to Website 2020 0 - ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ

ທ່ານອໍານວຍການໃຫຍ່ໃຫ້ຮູ້ຕື່ມວ່າ: ໃນປີ 2019 ນີ້, ລາວໂທລະຄົມ ຈະສູ້ຊົນສ້າງຖານລູກຄ້າໃໝ່ໃຫ້ເພີ່ມຂຶ້ນເປັນ 149.706 ເລກໝາຍ ແລະ ລ້າງລາຍຮັບໃຫ້ໄດ້ 1.974 ຕື້ກວ່າກີບ, ເພີ່ມຂຶນ 6,3% ຈາກປີ 2018 ແລະ ຄາດຄະເນກໍາໄລສຸດທິໃຫ້ໄດ້ 391 ຕື້ກວ່າກີບ ແລະ ຈະສາມາດມອບພັນທະ ແລະ ເງິນປັນຜົນໃຫ້ລັດຖະບານໄດ້ 579 ຕື້ກວ່າກີບ ກວມເອົາອັດຕາສ່ວນບໍ່ຫຼຸດ 28,6% ຂອງລາຍຮັບປະຈໍາປີ. ນອກນນີ້, ຍັງຈະໄດ້ລົງທຶນຕື່ມອີກ 17,8 ລ້ານໂດລາສະຫະລັດ ເພື່ອສືບຕໍ່ປັບປຸງ ແລະ ຂະຫຍາຍຕາໜ່າງລະບົບໂທລະຄົມຂອງຕົນ ໂດຍສະເພາະແມ່ນ ອິນເຕີເນັດ Mobile Broadband and Fixed Broadband ໃຫ້ຮັບປະກັນທາງດ້ານປະລິມານ ແລະ ຄຸນນະພາບ, ຂໍ້ມູນມີຄວາມປອດໄພ ແລະ ເປັນລະບົບທັນສະໄໝ ເພື່ອຮັບປະກັນໃຫ້ແກ່ການບໍລິການສັງຄົມ ເພື່ອໃຫ້ບັນລຸຕາມແຜນຍຸດທະສາດ ແລະ ວິໄສທັດກ້າວໄປສູ່ຍຸກ Lao Digital Life.

ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ - WhatsApp Image 2020 05 27 at 5 - ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ
ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ - WhatsApp Image 2020 05 27 at 5 - ວິສາຫະກິດ ລາວ ໂທລະຄົມມະນາ ຄົມ ດໍາເນີນກອງປະຊຸມປະຈໍາປີຂອງຕົນ
error: Alert: ເນື້ອຫາຂ່າວມີລິຂະສິດ !!