ຢາບາງຊະນິດກິນແລ້ວເຮັດໃຫ້ທ່ານຕຸ້ຍຂຶ້ນ
ຫລາຍໆຄົນທີ່ພະຍາຍາມຫລຸດນຳ້ໜັກ ນອກຈາກຈະຕ້ອງຄວບຄຸມອາຫານ ແລະ ອອກກຳລັງກາຍແລ້ວ ຢາທີ່ທ່ານບໍລິໂພກຢູ່ກໍອາດຈະຕ້ອງຫລີກເວັ້ນນຳ ເຊິ່ງຢາທີ່ເຮົາກຳລັງຈະເວົ້າເຖິງເຫລົ່ານີ້ມີຜົນຂ້າງຄຽງຄືສຳລັບບາງຄົນທີ່ກິນແລ້ວນຳ້ໜັກຈະເພີ່ມ ເພາະຢາບາງຊະນິດເຮັດໃຫ້ເຮົາຢາກ ອາຫານຫລາຍຂຶ້ນ ຫລື ມີການເຜົາຜານໄດ້ໜ້ອຍລົງ.
– ຢາຕ້ານອາການຊຶມເສົ້າບາງຊະນິດ : ບາງຄົນອາດຈະຕ້ອງອາໄສຢານີ້ເມື່ອມີຄວາມເຄັ່ງຄຽດຫລາຍຂຶ້ນ ເຊິ່ງນັກວິໄຈບາງຄົນເຊື່ອວ່າຢາຕ້ານອາການຊຶມເສົ້າປະເພດພາໂຣເຊທີນ ແລະ ຊິທາໂລແພຣມ ຈະໄປຕໍ່ຕ້ານການດູດຊຶມກັບຂອງເຊໂຣໂທນິນ ເຊິ່ງເຮັດໃຫ້ຜູ້ບໍລິໂພກຢາຮູ້ສຶກຫິວຍິ່ງຂຶ້ນ. ກົງກັນຂ້າມ, ຢາບູໂພຣພຽນ ອາດເຮັດໃຫ້ຄວາມຫິວຫລຸດລົງ.
– ຢາຫລຸດຄວາມດັນເລືອດ ແລະ ຢາປິ່ນປົວພະຍາດຫລອດເລືອດຫົວໃຈບາງຊະນິດ : ການຫລຸດນຳ້້ໜັກອາດຈະເຮັດໄດ້ຍາກຂຶ້ນຫາກທ່ານກຳລັງບໍລິໂພກຢາຂັດຂວາງເບຕາ ເຊັ່ນ : ເມໂທໂພຣລອນ ກັບ ອະທີໂນລອນ ຢາເຫລົ່ານີ້ຈະເຮັດໃຫ້ອັດຕາການເຜົາຜານອາຫານຫລຸດລົງ. ສ່ວນຢາຄາວີໄດລອນ ເປັນຢາທີ່ຈະບໍ່ມີຜົນຕໍ່ການເຜົາຜານອາຫານ.
– ຢາປິ່ນປົວພູມແພ້ : ຢາປິ່ນປົວພະຍາດພູມແພ້ບາງຊະນິດມີລິດກະຕຸ້ນຄວາມຫິວຈະຫລາຍ ຫລື ໜ້ອຍຂຶ້ນຢູ່ກັບຊະນິດຂອງຢາ ເຊັ່ນ : ໄດເຟນໄຮດຣາມີນ ເຮັດໃຫ້ເຮົາຫິວຫລາຍກ່ວາຢາປິ່ນປົວພະຍາດພູມແພ້ຊະນິດອື່ນ.
ແຕ່ຖ້າຫາກທ່ານກຳລັງກິນຢາຕາມທີ່ແພດສັ່ງ ທ່ານບໍ່ຄວນຢຸດກິນຢາເອງ ຄວນປຶກສາແພດກ່ອນ ເພື່ອຄວາມປອດໄພຕໍ່ສຸຂະພາບ.
