ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ

ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ - advert banner 728 90 728x90 - ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ

ໂດຍ: ທ່ຽງທຳ

ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ - new3 - ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ

ສະບາຍດີ, ເພື່ອນຜູ້ອ່ານທີ່ຮັກແພງ, ນັບວ່າເປັນຄວາມພາກພູມໃຈຢ່າງຍິ່ງສຳລັບຂະແໜງຖະແຫລງຂ່າວຂອງ ພວກເຮົາ, ພາຍຫລັງທ່ານຮອງນາຍົກລັດຖະມົນຕີ ສອນໄຊ ສີພັນດອນ, ໄດ້ຍ້ອງສື່ພວກເຮົາໃນໂອກາດໃຫ້ກຽດໂອ້ລົມກອງປະຊຸມວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວທົ່ວປະເທດທີ່ໄດ້ຈັດຂຶ້ນໃນວັນທີ 12 ກຸມພານີ້ວ່າ: ໃນໜຶ່ງປີຜ່ານມາເຫັນວ່າວຽກງານຖະແຫລງຂ່າວ ແລະ ສື່ມວນຊົນເຮົາໄດ້ຮັບການພັດທະນາ ດີຂຶ້ນຫລາຍ.

ນັບທັງດ້ານປະລິມານ ແລະ ຄຸນນະພາບ, ສິ່ງນັ້ນກໍ ເນື່ອງມາຈາກຄວາມພະຍາຍາມຂອງຂະແໜງການໃນການເອົາໃຈໃສ່ປັບປຸງພື້ນຖານໂຄງລ່າງ, ອຸປະກອນເຕັກນິກໃຫ້ທັນສະໄໝ, ບັນດາເນື້ອໃນໄດ້ມີການປັບປຸງດີຂຶ້ນດ້ວຍ ຫລາຍຮູບແບບ ແລະ ສີສັນ ສາມາດດຶງດູດຜູ້ອ່ານ, ຜູ້ເບິ່ງ, ຜູ້ຟັງໄດ້ເປັນຢ່າງດີ, ສາມາດເຮັດໜ້າທີ່ເປັນກະບອກສຽງທີ່ສຳຄັນໃຫ້ແກ່ພັກ, ລັດຖະບານໃນການໂຄສະນາເຜີຍແຜ່ແນວທາງນະໂຍບາຍ ແລະ ລະບຽບກົດໝາຍໄປຮອດໄປ  ເຖິງປະຊາຊົນ.

ພ້ອມນັ້ນຍັງໄດ້ນຳເອົາຄວາມມຸ່ງມາດປາຖະໜາ ຂອງປະຊາຊົນສະເໜີໃຫ້ການຈັດຕັ້ງພັກ-ລັດໄດ້ຮັບຮູ້ເພື່ອພ້ອມກັນປັບປຸງແກ້ໄຂ, ປະກອບສ່ວນເຮັດໜ້າທີ່ປ້ອງກັນປະເທດ, ປົກປ້ອງແນວທາງນະໂຍບາຍຂອງພັກ, ລັດຖະບານ ແລະ ຕີຕ້ານປະກົດການຫຍໍ້ທໍ້ໃນສັງຄົມ ແລະ ຕອບ ຕ້ານການບິດເບືອນໃສ່ຮ້າຍ ປ້າຍສີຂອງກຸ່ມຄົນບໍ່ດີທີ່ຫວັງມ້າງເພທຳລາຍປະເທດຊາດຂອງພວກເຮົາ.

ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ - lattana 1 - ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ

ແຕ່ຄຽງຄູ່ກັນນັ້ນ ທ່ານຮອງນາຍົກລັດຖະມົນຕີກໍໄດ້ແນະນຳຂະແໜງການພວກເຮົາເພີ່ມທະວີພັດທະນາຕົນ ເອງໃຫ້ສາມາດເຊື່ອມໂຍງເຂົ້າກັບພາກພື້ນ ແລະ ສາກົນເທື່ອ ລະກ້າວ, ໂດຍສູ້ຊົນຫັນປ່ຽນ ລະບົບອານາລ໋ອກມາເປັນລະບົບດີຈິຕອນທີ່ທັນສະໄໝ ໃນທົ່ວປະເທດ ແລະ ຂະຫຍາຍຕາໜ່າງໂທລະໂຄງໃນ ເຂດຫາງໄກສອກຫລີກໃຫ້ ທົ່ວເຖິງ ແລະ ຫັນໄປນຳໃຊ້ສື່ແບບໃໝ່ໃຫ້ຫລາຍ.

ເລັ່ງປັບປຸງດ້ານເນື້ອໃນ ໃຫ້ເລິກເຊິ່ງວ່ອງໄວ, ເລັ່ງຫລຸດຜ່ອນຂ່າວພິທີການທີ່ບໍ່ຈຳເປັນ, ຫັນມາຜະລິດຂ່າວທີ່ຕິດພັນກັບສ້າງສາພັດທະນາ,  ຕິດພັນກັບການດຳລົງຊີວິດ ວຽກດີຄົນເດັ່ນທີ່ເປັນບົດຮຽນໃຫ້ແກ່ສັງຄົມ, ເຮັດຂ່າວຕຳໜິວິຈານໃນສິ່ງທີ່ບໍ່ຖືກຕ້ອງໄປພ້ອມກັນເພື່ອຈະຊ່ວຍກັນປັບປຸງແກ້ໄຂບັນດາສິ່ງຫຍໍ້ທໍ້ດັ່ງກ່າວໃຫ້ໝົດໄປ ແລະ  ພ້ອມນັ້ນກໍເອົາໃຈໃສ່ກະຕຸກຊຸກຍູ້, ຍ້ອງຍໍຊົມເຊີຍ, ນັກຂ່າວ, ນັກຈັດລາຍການ, ນັກປະດິດຄິດແຕ່ງຕ່າງໆໃນແຕ່ ລະໄລຍະເພື່ອໃຫ້ກຳລັງໃຈກະຕຸກຊຸກຍູ້ຄວາມຫ້າວຫັນ ຄວາມເອົາໃຈໃສ່ຕໍ່ໜ້າທີ່ວຽກງານຂອງຕົນໃຫ້ນັບມື້ດີຂຶ້ນ./.

ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ - 5754 - ທ່ານຮອງນາຍົກລັດຖະມົນຕີ ຍ້ອງສື່ມີການພັດທະນາດີຂຶ້ນຫລາຍ
(ພາບປະກອບ)
error: Content is protected !!