ຊຽງຂວາງເລັ່ງເກັບກູ້ລະເບີດບໍ່ທັນແຕກອອກຈາກພື້ນທີ່ທຳການຜະລິດ

ແຫລ່ງຂ່າວໃຫ້ຮູ້ວ່າ: ປັດຈຸບັນໂຄງການເກັບກູ້ລະເບີດແຫ່ງຊາດປະຈຳແຂວງຊຽງຂວາງ ໄດ້ລົງປະຕິບັດໜ້າທີ່ ເພື່ອກວດກາລະເບີດບໍ່ທັນ ແຕກຢູ່ຕາມພື້ນທີ່ທຳການຜະລິດຂອງປະຊາຊົນພາຍ ໃນແຂວງ ພົບວ່າພື້ນທີ່ໆຍັງມີລະເບີດບໍ່ທັນແຕກຫລາຍ ກວ່າ 40 ເຮັກຕາ ແລະເຈົ້າໜ້າທີ່ວາງແຜນເພື່ອເກັບກູ້ອອກ ຈາກພື້ນທີ່ດັ່ງກ່າວໃຫ້ທ່ວງທັນກັບລະດູການຜະລິດມາ ເຖິງ ຄືພາຍໃນໜຶ່ງເດືອນຜ່ານມາ ເຈົ້າໜ້າທີ່ສາມາດເກັບ ກູ້ລະເບີດບໍ່ທັນແຕກ ແລະ ທຳລາຍແລ້ວຫລາຍກວ່າ 30 ໜ່ວຍສ່ວນຫລາຍແມ່ນ ຢູ່ເນື້ອທີ່ນາໃຊ້ປູກເຂົ້າໃນແຕ່ລະປີ.

ແຕ່ກໍໂຊກດີຈຳນວນລະເບີດບໍ່ທັນແຕກທີ່ພົບເຫັນສ່ວນ ຫລາຍແມ່ນຝັງເລິກຢູ່ພື້ນດິນ ຈຶ່ງເຮັດໃຫ້ປະຊາຊົນຍັງບໍ່ໄດ້ຮັບຜົນກະທົບແຕ່ແນວໃດກໍອາດມີຄວາມສ່ຽງສູງຕໍ່ ລະເບີດດັ່ງກ່າວ.

ດັ່ງນັ້ນເຈົ້າໜ້າທີ່ຈຶ່ງສືບຕໍ່ເລັ່ງເກັບກູ້ ອອກຈາກພື້ນທີ່ການຜະລິດໃຫ້ສຳເລັດໂດຍໄວ.