ແອບັສຈະຢຸດການຜະລິດ A380

ແອບັສຈະຢຸດການຜະລິດ a380 - 1550126895799 960x0 - ແອບັສຈະຢຸດການຜະລິດ A380
ແອບັສຈະຢຸດການຜະລິດ a380 - Untitled design - ແອບັສຈະຢຸດການຜະລິດ A380

     ​ແອ​ບັສ ຜູ້​ຜະລິດ​ເຮືອບິນ​ຂອງ​ເອີຣົບປະກາດ​ແຜນ​ຢຸດ​ການ​ຜະລິດ​ເຮືອບິນ​ຊຸບ​ເປີ​ຈຳ​ໂບ້​ເອ380 (A380) ຍົກ​ເລີກ​ຄວາມ​ຝັນ​ທີ່​ຈະ​ຄອງ​ນ່ານຟ້າ​ດ້ວຍ​ເຮືອບິນ​ແຫ່ງ​ສະຕະວັດ​ທີ 21 ​ເນື່ອງ​ຈາກ​ຍອດ​ຂາຍ​ຫລຸດ​ລົງ.

     A380 ​ເປັນ​ເຮືອບິນ​ໃຫຍ່​ທີ່​ສຸດ​ໃນ​ໂລກ, ມີ​ສອງ​ຊັ້ນ, ຮອງ​ຮັບ​ຜູ້​ໂດຍສານ​ໄດ້​ທັງ​ໝົດ 544 ຄົນ, ອອກ​ແບບ​ມາ​ເພື່ອ​ທ້າ​ທາຍ​ໂບອິ້ງ 747 ​ເຮືອບິນ​ລະດັບ​ຕຳນານ​ຂອງ​ບໍລິສັດ​ອາ​ເມ​ລິ​ກາ, ​ແຕ່​​ໄປ​ບໍ່​ເຖິງ​ຝັນ​ເມື່ອ​ສາຍ​ການບິນ​ຕ່າງໆ​ຫັນ​ມາ​ນິຍົມ​ເຮືອບິນ​ຮຸ່ນ​ໃໝ່​ທີ່​ມີ​ຂະໜາດ​ນ້ອຍ​ລົງ ​ແລະ ຄ່ອງ​ແຄ້ວ​ຫລາຍຂຶ້ນ. ​ແອ​ບັສ ອອກ​ຖະ​ແຫລ​ງການ​ໃນ​ວັນ​ທີ 14 ກຸມພາ​ນີ້​ວ່າ: ຈະ​ຢຸດ​ການ​ຜະລິດ A380 ​ແລະ ຈະ​ສົ່ງ​ມອບ​ລຳ​ສຸດ​ທ້າຍ​ໃນ​ປີ 2021, ບໍລິສັດ​ຈະ​ເຈລະຈາ​ກັບ​ສະຫະພາບ​ແຮງ​ງານ​ໃນ​ອີກ​ 2-3 ອາທິດ ​ເລື່ອງ​ຕຳ​ແໜ່​ງງານ 3.000 ຕຳ​ແໜ່​ງທີ່​ອາດ​ຈະ​ໄດ້​ຮັບ​ຜົນ​ກະທົບ​ຈາກ​ການ​ຢຸດ​ການ​ຜະລິດ A380.

       ​ແອ​ສບັສ ​ເປີດ​ເຜີຍ​ອີກ​ວ່າ: ​ເອມິ​ເຣດ ສາຍ​ການບິນ​ຂອງ​ສະຫະ​ນະຄອນ ອາຣັບ ​ເອມິ​ເຣດ (UAE) ​ເຊິ່ງ​ເປັນ​ລູກ​ຄ້າ​ລາຍ​ໃຫຍ່​ທີ່​ສຸດ​ໄດ້​ຫລຸດ​ຄຳ​ສັ່ງ​ຊື້ A380 ​ແລ້ວ​ປ່ຽນ​ໄປ​ສັ່ງ​ຊື້ A350 ​ແລະ A330 ຮຸ່ນ​ໃໝ່​ທັງ​ໝົດ 70 ລຳ​ແທນ. ຂະນະ​ທີ່ ​ເອມິ​ເຣດ ​ເຊິ່ງມີ A380 ຢູ່ 100 ລຳ ຖະ​ແຫລ​ງວ່າ: ​ໃນ​ຖານະ​ທີ່​ເປັນ​ຜູ້​ສະໜັບສະໜູນ​ເຮືອບິ​ນຮຸ່ນ​ນີ້​ມາ​ແຕ່​​ເປີດ​ຕົວ ຈຶ່ງ​ຮູ້ສຶກ​ເສຍ​ໃຈ​ທີ່​ແອ​ບັສຈະ​ຢຸດ​ການ​ຜະລິດ ​ແລະ ​ເສຍ​ໃຈ​ທີ່​ສາຍ​ການບິນ​ຕ້ອງ​ຍົກ​ເລີກ​ຄຳ​ສັ່ງ​ຊື້, ​ແຕ່​ຕ້ອງ​ຍອມຮັບ​ຄວາມ​ຈິງ​ທີ່​ເກີດ​ຂຶ້ນ. ​ເຖິງ​ຢ່າງ​ໃດ​ກໍ​ດີ A380 ຈະ​ຍັງ​ເປັນ​ເສົາ​ຫລັກ​ຂອງ​ຝູງ​ບິນ​ເອມິ​ເຣດ​​ໄປ​ຈົນ​ເຖິງ​ປີ 2030.

ແອບັສຈະຢຸດການຜະລິດ a380 - Wave100S AD to Website 2020 0 - ແອບັສຈະຢຸດການຜະລິດ A380

     A380 ບິນ​ຖ້ຽວປະຖົມມະ​ເລີກ​ໃນ​ປີ 2005 ​ເປັນ​ກ້າວ​ສຳຄັນ​ຂອງ​ແອ​ບັສທີ່​ພະຍາຍາມ​ຈະ​ຂຶ້ນມາ​ຢູ່​ໃນ​ລະດັບ​ດຽວ​ກັບ​ໂບອິ້ງ, ​ແຕ່​ຍອດ​ຂາຍ​ເຮືອບິນ​ແບບ​ສີ່​ເຄື່ອງ​ຈັກ​ນີ້​ຫລຸດ​ລົງ​ຢ່າງ​ຕໍ່​ເນື່ອງ ​ເມື່ອ​ມີ​ການ​ພັດທະນາ​ເຮືອບິນ​ແບບ​ສອງ​ເຄື່ອງ​ຈັກ​ທີ່​ມີ​ຂະໜາດ​ເບົາ​ກວ່າ ​ແລະ ປະຢັດ​ນ້ຳມັນ​ຫລາຍ​ກວ່າ​ເຊັ່ນ: ​ໂບອິ້ງ 787, ​ໂບອິ້ງ 777 ຫລື A350 ຂອງ​ແອ​ບັສ​ເອງ.

ແອບັສຈະຢຸດການຜະລິດ a380 - WhatsApp Image 2020 05 27 at 5 - ແອບັສຈະຢຸດການຜະລິດ A380
ແອບັສຈະຢຸດການຜະລິດ a380 - WhatsApp Image 2020 05 27 at 5 - ແອບັສຈະຢຸດການຜະລິດ A380
error: Alert: ເນື້ອຫາຂ່າວມີລິຂະສິດ !!