ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ

ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ - 222 3 - ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ
ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ - Untitled design - ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ

      ຄອບຄົວຂອງ ​ເອມິ​ເລຍ​ໂນ້ ຊາ​ລາ ນັກ​ກິລາ​ບານ​ເຕະ​ກອງ​ໜ້າ​ຊາວ​ອາ​ເຈນ​ຕິ​ນາ ຜູ້​ເຄາະ​ຮ້າຍ​ຈາກ​ເຫດການ​ຍົນ​ຕົກ ​ໃນ​ວັນ​ທີ 21 ມັງກອນ​ຜ່ານ​ມາ ຂະນະ​ເດີນທາງ​ໄປ​ຮ່ວມ​ສະ​ໂມ​ສອນ ຄາຣດິຟ ຊິ​ຕີ້ ຕົ້ນສັງກັດ​ໃໝ່​ໃນ​ພຣີ​ເມຍ​ລີກ ອັງກິດ ​ແຕ່​ເດີນທາງ​ໄປ​ໄດ້​ເກືອບ​ເຄິ່ງທາງ​ກໍ​ຫາຍ​ຈາກ​ສັນຍານ​ເຣດາ ກ່ອນ​ຄົ້ນພົບ​ໃນ 2 ອາທິດ​ຕໍ່​ມາ ​ແຕ່​ບໍ່​ພົບ​ຊາກ​ສົບ​ຂອງ​ນັກ​ບິນ 1 ຄົນ​ທີ່​ມາ​ນຳ​ກັນ.

     ສົບ​ຂອງ ຊາ​ລາ ​ໄດ້​ນຳ​ກັບ​ສູ່​ບ້ານ​ເກີດ Progreso ​ໂດຍ​ມີ​ອຳນາດ​ການ​ປົກຄອງ​ທີ່​ກ່ຽວຂ້ອງ, ຍາດ​ພີ່ນ້ອງ ​ແລະ ​ແຟນບານ​ມາ​ຮ່ວມ​ຕ້ອນຮັບ ​ແລະ ​ໄວ້ອາ​ໄລ​ຢ່າງ​ສຸດຊຶ້ງ. ສົບ​ຂອງ ຊາ​ລາ ​ໄດ້​ນຳ​ມາ​ໄວ້​ຢູ່​ສະ​ໂມ​ສອນ San Martin de Progreso ທີ່​ໃຫ້​ໂອກາດ ຊາ​ລາ ສານ​ຝັນ​ອາຊີບ​ບານ​ເຕະ​ຕົນ​ເປັນ​ຈິງ ​ໂດຍ​ສະ​ໂມ​ສອນ​ໄດ້​ໂພສຂໍ້ຄວາມ​ຜ່ານ​ເຟສບຸກຂອງ​ສະ​ໂມ​ສອນ​ວ່າ: ພວກ​ເຮົາ​ລໍຖ້າ​ເຈົ້າ ຄື​ກັບ​ມື້ທຳ​ອິດ​ທີ່​ເຈົ້າຈາກ​ສະ​ໂມ​ສອນ​ໄປ, ​ແຕ່​ຕອນ​ນີ້​ເຈົ້າຈະ​ຢູ່​ກັບ​ພວກ​ເຮົາ​ຕະຫລອດ​ໄປ, ​ເຖິງ​ເຈົ້າຈະ​ຈາກ​ໄປ ​ແຕ່​ຈະ​ຢູ່​ໃນ​ໃຈ​ຂອງ​ພວກ​ເຮົາ​ຕະຫລອດ​ໄປ.

       ​ໃນ​ອາທິດ​ຜ່ານ​ມາ, ຫລາຍ​ລີກ​ໃນ​ເອີຣົບ ​ເປັນຕົ້ນອັງກິດ ​ແລະ ຝຣັ່ງ ​ໄດ້​ຮ່ວມ​ກັນ​ໄວ້ອາ​ໄລ​ເຖິງ ຊາ​ລາ ປະມານ 1 ນາທີ ກ່ອນ​ການ​ແຂ່ງຂັນ​ທຸກ​ຄູ່ ລວມທັງ ຢູຟາ ​ແຊມ​ປ້ຽນລີກ ​ໃນ​ຮອບ 16 ທີ​ມສຸດ​ທ້າຍ ນັດ​ທີ 1 ລະດູ​ການ​ນີ້.

      ຊາ​ລາ ​ແລະ ນັກ​ບິນ ອິບບັອດສັນ ບິນ​ຈາກ​ສະໜາມ​ບິນ​ໃນ​ເມືອງ​ນ໊ອງ ທາງ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ​ຝຣັ່ງ ດ້ວຍ​ເຮືອບິນ​ສ່ວນ​ຕົວ​ຂອງ​ສະ​ໂມ​ສອນ ຄາຣດິຟ ຊິ​ຕີ້ ຕົ້ນສັງກັດ​ໃໝ່ ​ໃນ​ເວລາ 19:15 ​​ໂມງ ຂອງ​ວັນ​ທີ 21 ມັງກອນ 2019 ​ໂດຍ​ບິນ​ໄດ້​ປະມານ​ເກືອບ​ເຄິ່ງທາງ​ກ່ອນ​ເຖິງ​ຈຸດໝາຍ​ທີ່​ເກາະ​ແຊນ​​ເນ​ວ ​ແລ້ວ​ຫາຍ​ຈາກ​ສັນຍາ​ເຣດາ ​ໂດຍ​ບໍ່​ຊາບ​ສາ​ເຫດ ກ່ອນ​ຄົ້ນພົບ​ໃນ​ສອງ​ອາທິດ​ຕໍ່​ມາ ​ເຊິ່ງ​ເຫັນ​ພຽງ​ສົບ​ຂອງ ຊາ​ລາ ​ແຕ່​ຍັງ​ບໍ່​ເຫັນສົບ​ຂອງ​ນັກ​ບິນ.

ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ - Wave100S AD to Website 2020 0 - ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ

      ​ເອມິ​ເລຍ​ໂນ້ ຊາ​ລາ ກອງ​ໜ້າ​ໄວ 28 ປີ ຊາວ​ອາ​ເຈນ​ຕິ​ນາ ຍ້າຍ​ຈາກ​ສະ​ໂມ​ສອນນ໊ອງ ທີ​ມ​ໃນ​ລີກ​​ເອິງ​ຝຣັ່ງ ມາ​ຢູ່​ກັບ​ສະ​ໂມ​ສອນ ຄາຣດິຟ ຊິ​ຕີ້ ​ໃນ​ວັນ​ທີ 19 ມັງກອນ​ຜ່າ​ນມາ ມູນ​ຄ່າ 15 ລ້ານ​ປອນ ​ແພງ​ສຸດ​ຂອງ​ສະ​ໂມ​ສອນ ຄາຣດິຟ ຊິ​ຕີ້ ​ເປັນ​ກອງ​ໜ້າ​ທີ່​ຜົນງານ​ກຳລັງ​ດີ ລະດູ​ການ​ນີ້​ຍິງ​ໄດ້ 13 ປະຕູ ຈາກ 18 ນັດ.

ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ - WhatsApp Image 2020 05 27 at 5 - ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ
ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ - WhatsApp Image 2020 05 27 at 5 - ນຳສົບ ຊາລາ ກັບບ້ານເກີດ ແຟນບານຮ່ວມໄວ້ອາໄລ
error: Alert: ເນື້ອຫາຂ່າວມີລິຂະສິດ !!