ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ

- 174233 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ

- Labour 300x169 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ          ໃນວັນທີ 13-14 ມີນານີ້, ກະຊວງແຮງງານ, ສະຫວັດດີການສັງຄົມ ແລະ ກະ ຊວງປ້ອງກັນຄວາມສະຫງົບ, ໄດ້ຈັດກອງປະຊຸມສະຫລຸບ ຈັດຕັ້ງປະຕິບັດການຂຶ້ນທະບຽນ ແລະ ອອກບັດອະນຸ ຍາດເຄື່ອນໄຫວ ຊົ່ວຄາວໃຫ້ຄົນຕ່າງປະເທດ, ໂດຍການເປັນປະທານຂອງທ່ານລັດຖະມົນຕີກະຊວງແຮງ ງານ ແລະ ສະຫວັດດີການສັງຄົມ ຄຳແພງ ໄຊສົມແພງ ມີທ່ານຮອງລັດຖະມົນຕີກະຊວງປ້ອງກັນຄວາມສະ ຫງົບ ພ້ອມດ້ວຍມີພາກສ່ວນກ່ຽວຂ້ອງເຂົ້າຮ່ວມ, ປະຊຸມໄດ້ຕີລາຄາວ່າ:   ການຈັດຕັ້ງປະຕິບັດອອກບັດໃຫ້ຄົນຕ່າງປະເທດທີ່ເຂົ້າມາເຄື່ອນໄຫວບໍ່ຖືກຕ້ອງຕາມລະບຽບກົດໝາຍຢູ່ລາວເຫັນວ່າ ມີຜູ້ທະບຽນ,  ບໍ່ຮອດເຄິ່ງໜຶ່ງຂອງຈຳນວນເກັບກຳໄດ້ກ່ອນການຂຶ້ນທະບຽນ, ຊຶ່ງການຈັດຕັ້ງປະຕິບັດຄັ້ງນີ້ ຍັງບໍ່ສາມາດເຂົ້າເຖິງບັນດາແຮງງານທີ່ອາໃສຢູ່ເຂດເສດຖະກິດສະເພາະ, ພິເສດ ແລະ ໂຄງການຂະໜາດໃຫຍ່ໄດ້ເທື່ອ, ໂດຍໃນປີຜ່ານມາ, ລັດຖະບານສາມາດອອກບັດໃຫ້ຄົນຕ່າງປະເທດທີ່ມາເຄື່ອນໄຫວບໍ່ຖືກຕ້ອງ ຈຳນວນ 24.372 ຄົນ, ຍິງ 7.056 ຄົນ, ໃນນັ້ນ ຜູ້ປະສົງຈະປັບສະຖາ ນະພາບ ຈຳນວນ 7.348 ຄົນ, ຜູ້ປະສົງຂໍເວລາຊຳລະສະສາງ ຈຳນວນ 17.024 ຄົນ, ໃນຈຳນວນທັງໝົດນີ້ ເປັນສັນຊາດຫວຽດນາມ 19.880 ຄົນ, ຍິງ 5.869 ຄົນ, ສັນຊາດຈີນ ຈຳນວນ 3.668 ຄົນ, ຍິງ 1.176 ຄົນ, ສັນຊາດໄທ ຈຳນວນ 694 ຄົນ, ຍິງ 132 ແລະ ສັນຊາດອື່ນໆ 130 ຄົນ, ຍິງ 17 ຄົນ.

ທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມ  ກ່າວວ່າ: ຜ່ານການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ, ວ່າດ້ວຍ ການແກ້ໄຂບັນຫາຄົນຕ່າງປະເທດ ເຄື່ອນໄຫວບໍ່ຖືກຕ້ອງ ເຊິ່ງເປັນບັນຫາຊໍາເຮື້ອໃນຫລາຍ ປີຜ່ານມາ ແລະ ກອງປະຊຸມຄັ້ງນີ້ ຈຶ່ງຕ້ອງການການຮ່ວມມື, ຄວາມເອົາໃຈໃສ່ເຮັດຢ່າງຈິງຈັງ ແລະ ມີຄວາມຊື່ສັດຕໍ່ໜ້າທີ່ວິຊາສະເພາະຂອງໃຜລາວໃນການບັງຄັບໃຊ້ກົດໝາຍ ແລະ ລະບຽບການທີ່ມີຢູ່ໃນປັດຈຸບັນໃຫ້ມີປະສິດທິພາບ ແລະ ປະສິດທິຜົນດີຂຶ້ນເລື້ອຍໆ.

ຜ່ານການຈັດຕັ້ງໃນໄລຍະຜ່ານມາສາມາດສະຫລຸບໄດ້ວ່າ: ການເຮັດວຽກແບບມີການປະສານງານ ແລະ ຮ່ວມມືກັນລະຫວ່າງສູນກາງ ແລະ ທ້ອງຖິ່ນ, ພາຍໃຕ້ການເປັນເຈົ້າການຂອງຂະແໜງແຮງງານ, ສະຫວັດດີການສັງຄົມ ແລະ ປ້ອງກັນຄວາມສະຫງົບ ເຮັດໃຫ້ປະຕິບັດການຄັ້ງນີ້ມີປະສິດທິພາບ ແລະ ປະສິດທິຜົນຫລາຍກວ່າຄັ້ງຜ່ານມາ, ປະຕິບັດການໃນຄັ້ງນີ້ ເຮັດໃຫ້ສັງຄົມມີຄວາມຕື່ນຕົວສູງ, ທຸກພາກສ່ວນທີ່ກ່ຽວຂ້ອງ ລວມທັງເປົ້າໝາຍສ່ວນຫລາຍແມ່ນຕັ້ງໜ້າປະກອບ ສ່ວນເຂົ້າຮ່ວມໃນການແກ້ໄຂບັນຫາ, ພ້ອມທັງມີການຊອກຮູ້ລະບຽບກົດໝາຍຫລາຍຂຶ້ນ, ໂດຍສະເພາະແມ່ນກົດໝາຍແຮງງານ, ກົດໝາຍວ່າດ້ວຍຄົນເຂົ້າ-ອອກເມືອງ ແລະ ຄຸ້ມຄອງຄົນຕ່າງ ປະເທດ, ລະບຽບກ່ຽວກັບການຄ້າ ແລະ ການລົງທຶນ, ເຮັດໃຫ້ປະຊາຊົນບັນດາເຜົ່າໃນທົ່ວປະເທດມີຄວາມຍິນດີ ແລະ ຊົມເຊີຍຕໍ່ລັດຖະບານທີ່ເອົາໃຈໃສ່ແກ້ໄຂບັນຫານີ້, ຊຶ່ງຖືວ່າເປັນປະກົດການຫຍໍ້ທໍ້ໜຶ່ງຂອງສັງຄົມ.

- Wave100S AD to Website 2020 0 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ
- WhatsApp Image 2020 05 27 at 5 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ
- WhatsApp Image 2020 05 27 at 5 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ
- WhatsApp Image 2020 05 27 at 5 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ
- WhatsApp Image 2020 05 27 at 5 - ການອອກບັດໃຫ້ຄົນຕ່າງປະເທດເຂົ້າເມືອງ ຜິດກົດໝາຍຍັງພົບບັນຫາຫຍຸ້ງຍາກ
error: Alert: Content is protected !!