ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs

ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ smes - bcel - ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs
ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ smes - Untitled design - ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs

ໃນ​ວັນ​ທີ 13 ກຸມພາ​ນີ້ ທີ່​ນະຄອນຫລວງ​ວຽງ​ຈັນ, ທະນາຄານພັດທະນາລາວ (ທພລ) ແລະ ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ໄດ້ຕົກລົງກັນຢ່າງເປັນທາງການ​​ແລ້ວ ​ເພື່ອ​ເປີດ​ໂຕະ​ບໍລິການ​ແຫ​ລ່ງທຶນໃຫ້ແກ່ຜູ້ປະກອບການທຸລະກິດຂະໜາດນ້ອຍ ແລະ ກາງ (SMEs) ​ເພື່ອ​ຄວາມສະດວກ, ງ່າຍດາຍ ແລະ ວ່ອງໄວຂຶ້ນກວ່າ​ເກົ່າ​ຕາມນະໂຍບາຍຂອງລັດຖະບານວາງ​ອອກ ​ເພື່ອ​ແນ​ໃສ່ເຮັດໃຫ້ຜູ້ປະກອບການ SMEs ສາມາດເຂົ້າເຖິງແຫຼ່ງທຶນ​ໄດ້​ທົ່ວ​ເຖິງ.

ການພົບລະຫວ່າງ 2 ພາກສ່ວນດັ່ງກ່າວ​ແມ່ນປະຕິບັດຕາມບົດບັນທຶກຊ່ວຍຈຳ (MOU) ທີ່ທັງສອງຝ່າຍ​ໄດ້​ຮ່ວມ​ລົງ​ນາມໃນເດືອນພຶດສະພາ 2018 ຜ່ານ​ມາເຊັ່ນ: ການຈັດສຳມະນາໃນຫົວຂໍ້:  “ການເຂົ້າຫາແຫຼ່ງທຶນ” ແລະ ການເປີດໂຕະໃຫ້ຄໍາປຶກສາແກ່ຜູ້ປະກອບການທຸລະກິດຂະໜາດນ້ອຍ ແລະ ກາງ (SMEs) ທັງໃນນະຄອນຫຼວງວຽງຈັນ, ແຂວງຫຼວງພະບາງ ແລະ ຈະຂະຫຍາຍໄປສະຫວັນນະເຂດ, ຈໍາປາສັກ ແລະ ແຂວງອື່ນໆຕື່ມອີກ ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ບັນດາ​ຫົວໜ່ວຍ​ທຸລະ​ກິດ​ຂະໜາດ​ນ້ອຍ ​ແລະ ກາງ ສາມາດ​ເຂົ້າ​ເຖິງ​ແຫ​ລ່ງທຶນ​ໄດ້​ສະດວກ​ດີ​ຂຶ້ນ.

ການເປີດໂຕະໃຫ້ຄຳປຶກສາດັ່ງກ່າວ ໄດ້ເລີ່ມຈັດຕັ້ງປະຕິບັດທົດ​ລອງ​ມາ 3 ຄັ້ງ​ແລ້ວຄື: ເດືອນກັນຍາ, ຕຸລາ, ພະຈິກ 2018 ລວມມີ 13 ຫົວໜ່ວຍທຸລະກິດເຂົ້າຮ່ວມ ແລະ ປັດຈຸບັນ ທພລ ໄດ້ອະນຸມັດເງິນກູ້ຢືມໃຫ້ລູກຄ້າແລ້ວ 1 ລາຍ ສ່ວນທີ່ເຫຼືອກໍຍັງຢູ່ໃນຂັ້ນຕອນພິຈາລະນາ. ສໍາລັບການເປີດໂຕະໃຫ້ຄຳປຶກສາແກ່ຜູ້ປະກອບການດັ່ງກ່າວ ກໍເພື່ອເປີດໂອກາດໃຫ້ຜູ້ປະກອບການທຸລະກິດ SMEs ສາມາດ​ເຂົ້າຫາ​ແຫ​ລ່ງທຶນ​ແລ້ວຍັງ​ສາມາດ​ປຶກສາ​ຫາລື​ດ້ານການຕະຫຼາດ, ການຄ້າອື່ນໆ​ອີກ.

ໂຄງການຮ່ວມມືດັ່ງກ່າວແມ່ນໜື່ງໃນໂຄງການພາຍໃຕ້ການຮ່ວມມືຂອງອົງການໄຈກ້າ (JICA) ໃນການຊຸກຍູ້ສົ່ງເສີມຂະແໜງການທຸລະກິດລະກິດ SMEs ໃນລາວ ແລະ ທັງເປັນການສ້າງຄວາມເຂັ້ມ ແຂງໃຫ້ຜູ້ປະກອບການທຸລະກິດໄດ້ມີທຶນເຂົ້າໃນການຜະລິດ ແລະ ທຸລະກິດ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມແຫ່ງຊາດມີ​ປະສິດທິ​ຜົນ​ດີ​ຂຶ້ນ.

ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ smes - Wave100S AD to Website 2020 0 - ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs

                  # ຂ່າວ: ຣັດສະໝີ ດວງສັດຈະ

ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ smes - WhatsApp Image 2020 05 27 at 5 - ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs
ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ smes - WhatsApp Image 2020 05 27 at 5 - ທພລ-ສຄອຊ ກຽມ​ເປີດ​ໂຕະ​ບໍລິການແຫຼ່ງທຶນ SMEs
error: Alert: ເນື້ອຫາຂ່າວມີລິຂະສິດ !!