ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ

ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ - khammuan - ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ
ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ - Untitled design - ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ

ກອງປະຊຸມ​ຜູ້​ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ​ປະ​ຈໍາປີ 2018 ​ໄດ້​ຈັດ​ຂຶ້ນ​ໃນ​ຕອນ​ເຊົ້າ​ຂອງ​ວັນ​ທີ 13 ກຸ​ມພານີ້ ທີ່​ສະ​ໂມ​ສອນ 21 ມີນາ ​ເທສະ​ບານ​ເມືອງ​ທ່າ​ແຂກ ​ແຂວງ​ຄໍາ​ມ່ວນ​ໂດຍ​ການ​ເປັນ​ປະທານ​ຂອງ​ທ່ານ ສະ​ໄໝ​ຈັນ ບຸບຜາ ຮອງ​ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ, ຫົວໜ້າ​ສູນ​ສະຖິຕິ​ແຫ່ງ​ຊາດ, ມີ​ບັນດາ​ຫົວໜ້າ-ຮອງຫົວໜ້າ​ສູນ​ສະຖິຕິຈາກ 17 ​ແຂວງ​ໃນ​ທົ່ວ​ປະ​ເທດ​ເຂົ້າ​ຮ່ວມຢ່າງ​ພ້ອມພຽງ.

ທ່ານ ສະ​ໄໝ​ຈັນ ບຸບຜາ ​ໄດ້​ມີ​ຄໍາ​ເຫັນກ່າວ​ເປີດ​ກອງ​ປະຊຸມ​ວ່າ: ການ​ພັດທະນາ​ວຽກ​ງານ​ສະຖິຕິ​ແມ່ນ​ວຽກ​ງານ​ໜຶ່ງ​ທີ່​ສໍາຄັນ​ໃນ​ການ​ຮັບ​ໃຊ້ ​ແລະ ຕອບ​ສະໜອງ​ຂໍ້​ມູນ​ດ້ານ​ເສດຖະກິດ-ສັງຄົມ, ສິ່ງ​ແວດ​ລ້ອມ, ຊັບພະຍາກອນ​ທໍາ​ມະ​ຊາດ​ ນັບ​ທັງ​ສະຖິຕິ​ຄວາມ​ໝັ້ນຄົງ​ໃຫ້​ແກ່​ການ​ກໍານົດ​ນະ​ໂຍບາຍ, ການວາງ​ແຜນ, ການ​ຄົ້ນຄວ້າ​ວິ​ໄຈ ​ແລະ ຜູ້​ຊົມ​ໃຊ້​ທົ່ວ​ໄປ​ທັງ​ພາກ​ລັດ-​ເອກະ​ຊົນ ​ແຕ່​ທຽບ​ໃສ່​ຄວາມ​ຕ້ອງການ​ຕົວ​ຈິງ​ເຫັນ​ວ່າ​ຍັງ​ມີ​ຫຼາຍ​ຂໍ້​ມູນ​ທີ່​ບໍ່​ທັນ​ຕອບ​ສະໜອງ​ຕາມ​ຄວາມ​ຕ້ອງການ​ໃຫ້​ແກ່​ສັງຄົມ​ໄດ້. ສະ​ນັ້ນ ຈິ່ງ​ເຮັດ​ໃຫ້​ວຽກ​ງານ​ສະຖິຕິ​ຈໍາ​ເປັນ​ຕ້ອງ​ໄດ້​ມີ​ການ​ປັບປຸງ ​ແລະ​ ພັດທະນາ​ຂຶ້ນ​ເລື້ອຍໆ ​ໂດຍ​ສະ​ເພາະ​ແມ່ນ​ການ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ ​ແລະ ມາດຕະຖານ​ສາກົນ​ນັ້ນ ຍິ່ງ​ເຮັດ​ໃຫ້​ວຽກ​ງານ​ສະຖິຕິ​ຕ້ອງ​ໄດ້​ພັດທະນາ​ໃຫ້​ເປັນ​ລະບົບ​ທີ່​ດີ, ມີ​ປະສິດທິພາບ ​ແລະ ປະສິດທິ​ຜົນ​ ເຊິ່ງ​ແມ່ນ​ຄວາມ​ຈໍາ​ເປັນ​ຢ່າງ​ພາວະ​ວິ​ໄສ ​ແລະ ອັດຕະວິ​ໄສ​ຂອງ​ປະ​ເທດ​ເຮົາ ​ເພື່ອ​ເຮັດ​ໃຫ້​ວຽກ​ງານ​ສະຖິຕິ ​ແລະ ຜ່ານ​ບັນດາ​ຂະ​ບວນການ​ຜະລິດ, ການ​ນໍາ​ສະ​ເໜີ, ​ເຜີຍ​ແຜ່ ​ແລະ ນໍາ​ໃຊ້​ທີ່​ເໝາະ​ສົມ​ ໂດຍ​ສະ​ເພາະ​ການຈັດ​ຕັ້ງ​ປະຕິບັດ​ການ​ຜະລິດ​ຕົວ​ຊີ້​ບອກ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ (SDGIs) ກໍຄື​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ. ​ເພື່ອ​ຮັບປະກັນ​ໃຫ້​ບັນດາ​ໜ້າ​ວຽກ​ທີ່​ໄດ້​ກໍານົດ​ໃນ​ແຜນ​ຍຸດ​ທະ​ສາດ​ພັດທະນາ​ລະບົບ​ສະຖິຕິ​ແຫ່ງ​ຊາດ​ແບບ​ຍືນ​ຍົງ 2016–2025 ​ແລະ ສິ​ໄສ​ທັດ​ຮອດ​ປີ 2030 ​ໃຫ້​ສາມາດ​ຈັດ​ຕັ້ງ​ປະຕິບັດ​ສໍາ​ເລັດ​ຜົນ. ຖ້າ​ປາສະຈາກ​ຄວາມ​ພໍ​ພຽງ​ທີ່​ເໝາະ​ສົມ​ທາງ​ດ້ານ​ບຸກຄະລາ​ກອນ, ວິຊາ​ການ, ​ແຜນ​ດໍາ​ເນີນ​ງານ ​ແລະ ງົບປະມານ​ໃນ​ຂົງ​ເຂດ​ສະຖິຕິ​ກໍຈະ​ເປັນ​ໄປ​ໄດ້​ຍາກ​ທີ່​ພວກ​ເຮົາ​ຈະ​ບັນລຸ​ເປົ້າ​ໝາຍ​ການ​ຜະລິດ​ຂໍ້​ມູນ​ສະຖິຕິ​ທີ່​ຄົບ​ຖ້ວນ, ຊັດ​ເຈນ ​ແລະ ທັນ​ເວລາ. ສະ​ນັ້ນ ​ຕ້ອງ​ໄດ້​ເອົາ​ໃຈ​ໃສ່ ​ແລະ ພ້ອມ​ກັນ​ຈັດ​ຕັ້ງ​ປະຕິບັດ ​ໂດຍ​ສະ​ເພາະ​ແມ່ນ​ການ​ເຊື່ອມ​ສານ​ເຂົ້າ​ໃນ​ຂອບ​ການ​ຕິດຕາມ​ປະ​ເມີນ​ຜົນ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ​ຂອງ​ປະ​ເທດ​ເຮົາ​ແຕ່​ໄລຍະ​ແຕ່​ນີ້​ຮອດ​ປີ 2030 ​ໃຫ້​ໄດ້​ຮັບ​ໝາກຜົນ ​ແລະ ສອດຄ່ອງ​ກັບ​ສະພາບ​ເງື່ອນ​ໄຂ​ດ້ານ​ການ​ພັດທະນາ​ຕົວ​ຈິງ​ຂອງ​ປະ​ເທດ​ເຮົາ ​ແລະ ຮັບປະກັນ​ໃຫ້​ມີ​ຂໍ້​ມູນ​ສະຖິຕິ​ທີ່​ມີ​ຄຸນ​ນະພາ​ບ ​ເພື່ອ​ປະຕິບັດ​ຕາມ​ຄໍາ​ໝັ້ນ​ສັນຍາ​ການ​ສະໜອງ​ຂໍ້​ມູນ​ຂ່າວສານ​ສະຖິຕິ​ໃຫ້​ມີ​ຄຸນ​ນະພາ​ບ​ໃນ​ລະດັບ​ຊາດ, ລະດັບ​ພາກ​ພື້ນ ​ແລະ ສາກົນ.

ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ - Wave100S AD to Website 2020 0 - ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ
ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ - WhatsApp Image 2020 05 27 at 5 - ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ
ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ - WhatsApp Image 2020 05 27 at 5 - ຄໍາ​ມ່ວນ​​ເປັນ​ເຈົ້າພາບຈັດກອງ​ປະຊຸມ​ຜູ້ບໍລິຫານ​ວຽກ​ງານ​ສະຖິຕິ​ທົ່ວ​ປະ​ເທດ
error: Alert: ເນື້ອຫາຂ່າວມີລິຂະສິດ !!