ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ

ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ - 32828424 1305624609580917 1349056503348199424 n - ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ
ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ - Untitled design - ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ

      ລັດຖະບານ​ຈະ​ເອົາ​ໃຈ​ໃສ່​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ສົກ​ປີ 2019 ຢ່າງ​ຮັດກຸມ ຕາມ​ຈຳນວນ​ທີ່​ອະນຸມັດ​ໄປ​ແລ້ວ, ພາຍຫລັງ​ເຫັນ​ວ່າ​ຕົວ​ເລກ​ລັດຖະກອນ​ສົກ​ປີ​ນີ້​ມີ​ຈຳນວນ​ຈຳກັດ, ຂະນະ​ທີ່​ມອບ​ໃຫ້​ກະຊວງ​ພາຍ​ໃນ​ສືບ​ຕໍ່​ຄົ້ນຄວ້າ​ຫລຸດຜ່ອນ​ຈຳນວນ​ລັດຖະກອນ​ໃຫ້​ຢູ່​ໃນ​ສັດສ່ວນ​ເໝາະ​ສົມ, ມີ​ຄຸນ​ນະພາ​ບທຽມ​ທັນ​ກັບປະ​ເທດ​ອື່ນ.

     ພາຍຫລັງ​ນາຍົກລັດຖະມົນຕີ ​ໄດ້​ອອກ​ຂໍ້​ຕົກລົງ​ວ່າ​ດ້ວຍ​ການ​ແບ່ງ​ຕົວ​ເລກ​ລັດຖະກອນ​ໃໝ່​ປີ 2019 ​ເມື່ອ​ບໍ່​ດົນ​ນີ້ ກໍ​ເປັນ​ທີ່​ສົນ​ໃຈ​ຂອງ​ສັງຄົມ​ບໍ່​ໜ້ອຍ ​ໂດຍ​ສະ​ເພາະ​ຜູ້​ທີ່​ເປັນ​ພະນັກງານ​ສັນຍາ​ຈ້າງ​ໃນ​ບັນດາ​ກະຊວງ, ກົມ​ກອງທັງ​ສູນ​ກາງ ​ແລະ ທ້ອງ​ຖິ່ນ ​ເຊິ່ງຈຸດ​ທີ່​ໜ້າ​ສົນ​ໃຈ​ໃນ​ຕົວ​ເລກ​ລັດຖະກອນ​ປີ​ນີ້​ແມ່ນ​ຈຳນວນ​ທີ່​ຫລຸດ​ຈາກ 3.000 ຄົນ ​ໃນ​ປີ 2018 ລົງ​ມາ​ເຫລືອ​ພຽງ 1.500 ຄົນ ​ໃນ​ປີ 2019 ​ໃນ​ນີ້​ກະຊວງ​ສຶກສາ​ທິການ ​ແລະ ກິລາ ​ໄດ້​ໄປ 936 ຄົນ ​ແລະ ກະຊວງ​ສາທາລະນະ​ສຸກ 220 ຄົນ. ສ່ວນ​ຂະ​ແໜງ​ການ ​ແລະ ທ້ອງ​ຖິ່ນ​ອື່ນໆ​ແມ່ນ​ໄດ້​ໄປ​ບ່ອນ​ລະ​ເລັກ​ລະ​ໜ້ອຍ ຍ້ອນ​ຕົວ​ເລກ​ລັດຖະກອນ​ມີ​ການ​ຈຳກັດຄື​ດັ່ງກ່າວ ສັງຄົມ​ຈຶ່ງ​ມີ​ຄວາມ​ເປັນ​ຫ່ວງ​ວ່າ​ອາດ​ຈະ​ເປັນ​ຊ່ອງ​ຫວ່າງ​ໃຫ້​ຂະ​ແໜງ​ການ ​ແລະ ທ້ອງ​ຖິ່ນ​ຈັດ​ສັນ​ໂກ​ຕ້າ​ບໍ່​ຖືກ​ຕາມ​ເປົ້າໝາຍ ​ແລະ ອາດ​ເກີດ​ສະພາບ​ການ​ຊື້ຈ້າງ​ເອົາ​ໂກ​ຕ້າ​ລັດຖະກອນ​ຕາ​ມມາ ​ເຊິ່ງລັດຖະບານ​ຈະ​ໄດ້​ເອົາ​ໃຈ​ໃສ່​ຕິດຕາມ​ຢ່າງ​ໃກ້ຊິດ.

      ​ແນວ​ໃດ​ກໍ​ຕາມ, ​ໃນ​ແຈ້ງການ​ດັ່ງກ່າວ​ໄດ້​ກຳນົດ​ຊັດ​ເຈນ​ວ່າ: ການ​ບັນຈຸ​ລັດຖະກອນ​ໃໝ່​ຕ້ອງ​ບົນ​ພື້ນຖານ​ຫລັກການ​ສະ​ເໝີ​ພາບ, ​ເປີດ​ເຜີຍ, ພາວະ​ວິ​ໄສ ​ແລະ ​ເປັນ​ທຳ, ຜູ້​ທີ່​ຖືກ​ບັນຈຸ​ເຂົ້າ​ເປັນ​ລັດຖະກອນ​ຕ້ອງ​ຜ່ານ​ລະບົບ​ການ​ສອບ​ເສັງ​ເຂົ້າ​ເປັນ​ລັດຖະກອນ. ຂະນະ​ດຽວ​ກັນ ກໍ​ໄດ້​ຫ້າມ​ຮັບ​ເອົາ​ອາສາ​ສະໝັກ​ເຂົ້າ​ເປັນ​ລັດຖະກອນ ​ໂດຍ​ບໍ່​ໄດ້​ຜ່ານ​ການ​ສອບ​ເສັງ ​ແລະ ການ​ສັບ​ຊ້ອນ​ລັດຖະກອນ​ໃໝ່​ຕ້ອງ​ໃຫ້​ສຳ​ເລັດ​ກ່ອນ​ວັນ​ທີ 1 ກໍລະກົດ 2019.

ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ - Wave100S AD to Website 2020 0 - ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ

       ຕາມ​ການ​ລາຍ​ງານ​ຂອງ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕໍ່​ກອງ​ປະຊຸມ​ສະພາ​ສະ​ໄໝ​ສາມັນ​ເທື່ອ​ທີ 6 ຂອງ​ສະພາ​ແຫ່ງ​ຊາດ ຊຸດ​ທີ VIII ​ເມື່ອ​ບໍ່​ດົນ​ນີ້​ວ່າ: ປະ​ເທດ​ເຮົາ​ມີ​ອັດຕາ​ລັດຖະກອນ​ຕໍ່​ພົນລະ​ເມືອງ​ສູງ​ຫລາຍ ຈັດ​ຢູ່​ໃນ​ອັນ​ດັບ​ທີ 3 ​ໃນ​ອາ​ຊຽນ. ນອກ​ນີ້ ງົບປະມານ​ຈັດ​ສັນ​ສຳລັບ​ເງິນ​ເດືອນ​ກວມ​ປະມານ 50% ຂອງ​ລາຍ​ຮັບ​ພາຍ​ໃນ. ​ແນວ​ໃດ​ກໍ​ຕາມ, ລັດຖະບານ​ຮັບ​ຮູ້​ຄວາມ​ຕ້ອງການ​ໂກ​ຕ້າ​ລັດຖະກອນ​ໃນ​ຫລາຍ​ຂະ​ແໜງ​ ທັງ​ສູນ​ກາງ ​ແລະ ທ້ອງ​ຖິ່ນ. ສະນັ້ນ ລັດຖະບານ​ຈະ​ສືບ​ຕໍ່​ຕິດຕາມ​ກວດກາ ​ເພື່ອ​ແກ້​ໄຂ​ປາກົດການ​ຫຍໍ້​ທໍ້​ໃນ​ການຈັດ​ແບ່ງ​ໂກ​ຕ້າ​ໃຫ້​ໄປ​ເຖິງ​ເປົ້າໝາຍ​ຈຳ​ເປັນ​ແທ້.

ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ - WhatsApp Image 2020 05 27 at 5 - ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ
ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ - WhatsApp Image 2020 05 27 at 5 - ລັດຖະບານ​ຈະ​ຕິດຕາມ​ການຈັດ​ແບ່ງ​ໂກ​ຕ້າ​ລັດຖະກອນ​ຢ່າງ​ຮັດກຸມ
error: Alert: ເນື້ອຫາຂ່າວມີລິຂະສິດ !!