ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ

ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ - PM Thongloun - ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ
ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ - Untitled design - ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ

      ​ໃນ​ໂອກາດ​ໂອ້​ລົມ​ຕໍ່​ກອງ​ປະຊຸມ​ຂະ​ແໜງ​ພາຍ​ໃນ​ທົ່ວ​ປະ​ເທດ​ທີ່​ໄດ້​ຈັດ​ຂຶ້ນ​ໃນ​ວັນ​ທີ 13 ກຸມພາ​ນີ້ ຢູ່​ນະຄອນຫລວງ​ວຽງ​ຈັນ, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ໄດ້​ແນະນຳ​ໃຫ້​ຂະ​ແໜງ​ການ​ດັ່ງກ່າວ​ເອົາ​ໃຈ​ໃສ່ 9 ວຽກ​ສຳຄັນ​ຄື: 1. ວຽກ​ງານ​ຈັດຕັ້ງບໍລິຫານ​ລັດ​ຕ້ອງ​ຍຶດໝັ້ນຕາມ​ທິດ​ກະທັດ​ຮັດ, ໜັກ​ແໜ້ນ, ​ເຂັ້ມ​ແຂງ ​ແລະ ມີ​ປະສິດທິ​ຜົນ​ຮັບ​ໃຊ້​ປະຊາຊົນ​ຢ່າງ​ແທ້​ຈິງ. 2. ຂົງ​ເຂດ​ວຽກ​ງານ​ລັດຖະກອນ ​ເຊິ່ງນັບ​ແຕ່​ນີ້​ໄປ​ຈົນ​ຮອດ​ປີ 2020 ລັດ​ຈະ​ສຸມ​ໃສ່​ຫລຸດ​ຈຳນວນ​ລັດຖະກອນ​ລົງ ​ແລະ ​ເດັດຂາດ​ບໍ່​ເພີ່ມ​ຈຳນວນ​ລັດຖະກອນ ​ແຕ່​ຕ້ອງ​ເນັ້ນ​ເລື່ອງ​ຄຸນ​ນະພາ​ບຂອງ​ພະນັກງານ-ລັດຖະກອນ​ໃຫ້​ເທົ່າ​ທຽມ​ກັບປະ​ເທດ​ອື່ນ, ການ​ຮັບ ​ແລະ ບັນຈຸ​ລັດຖະກອນ​ໃຫ້​ໄດ້​ຜູ້​ມີ​ຄວາມ​ຮູ້​ຄວາມ​ສາມາດ​ແຕ່​ຫົວ​ທີ່, ບໍ່​ໃຫ້​ມີ​ຄຳ​ວ່າ: ພະນັກງານ​ເຫລືອ​ບໍ່ພໍ. 3. ວຽກ​ງານ​ປົກຄອງ​ທ້ອງ​ຖິ່ນ​ຕ້ອງ​ຖື​ເອົາ​ປະຊາຊົນ​ເປັນ​ກົກ, ບ້ານ​ຕ້ອງ​ເປັນ​ຫົວໜ່ວຍ​ພັດທະນາ​ແທ້ ​ແລະ ການ​ບໍລິຫານ​ລັດ​ຢູ່​ທ້ອງ​ຖິ່ນ​ແມ່ນ​ໃຫ້​ສອດຄ່ອງ ​ແລະ ຕິດ​ພັນ​ກັບ​ວຽກ​ງານ​ສາມ​ສ້າງ ​ເພື່ອ​ໃຫ້​ທ້ອງ​ຖິ່ນ​ໄດ້​ເປັນ​ເຈົ້າການຄົ້ນຄວ້າ ​ແລະ ຕັດສິນ​ໃຈ​ກ່ຽວ​ກັບ​ແຜນ​ບູລິ​ມະ​ສິດ ​ເພື່ອ​ພັດທະນາ​ທ້ອງ​ຖິ່ນ​ຂອງ​ຕົນ. 4. ວຽກ​ງານ 3 ສ້າງ​ແມ່ນ​ບໍ່​ໃຫ້​ເປັນ​ການ​ທົດ​ລອງ​ອີກ ​ເຊິ່ງບ້ານ​ທີ່​ເຮັດ​ມາ​ແລ້ວ​ຕ້ອງ​ຖອດ​ຖອນ​ບົດຮຽນ​ໃຫ້​ບ້ານ​ອື່ນໆ​ຈັດຕັ້ງປະຕິບັດ​ຕາມ​ມາດຕະຖານ​ແນວ​ໃດ ​ແລະ ມີ​ຜົນສຳ​ເລັດ​ດ້ານ​ໃດ​ແດ່​ແມ່ນ​ໃຫ້​ສືບ​ຕໍ່​ຜັນ​ຂະຫຍາຍ ​ແລະ ປັບປຸງ​ໃຫ້​ດີ​ຂຶ້ນ​ເລື້ອຍໆ, ພິ​ເສດ​ແມ່ນ​ຕ້ອງ​ໄດ້​ຫັນ​ແບບ​ແຜນ​ທຳ​ມາ​ຫາ​ກິນ​ຂອງ​ປະຊາຊົນ​ໃຫ້​ມີ​ຮູບ​ແບບ​ໃໝ່​ທີ່​ມີ​ການ​ບຸກທະລຸ. 5. ວຽກ​ງນ​ຄຸ້ມ​ຄອງ​ພົນລະ​ເມືອງ​ຕ້ອງ​ໄດ້​ກຳ ​ແລະ ຂຶ້ນບັນຊີ​ຈຳນວນ​ພົນລະ​ເມືອງ​ຢ່າງ​ມີ​ວິທະຍາສາດ ​ເພື່ອ​ຄວາມ​ສະດວກ ​ແລະ ຊັດ​ເຈນ​ໃຫ້​ແກ່​ການ​ຄຸ້ມ​ຄອງ​ປະຊາຊົນ ​ເພື່ອ​ຮູ້​ວ່າ​ເຂົາ​ເຈົ້າ​ແມ່ນ​ໃຜ, ຢູ່​ໃສ, ມີ​ອາຊີບ​ຫຍັງ ​ແລະ ອື່ນໆ. 6. ວຽກ​ງານຊົນ​ເຜົ່າ ​ແລະ ສາສະໜາ ​ເຖິງ​ວ່າ​ພວກ​ເຮົາ​ມີ​ນະ​ໂຍບາຍ​ທີ່​ດີ​ແລ້ວ ​ແຕ່​ກໍ​ຈະ​ຕ້ອງ​ໄດ້​ເພີ່ມ​ທະວີ​ກະຕຸກ​ຊຸກຍູ້​ໃຫ້​ທຸກ​ຊົນ​ເຜົ່າ​ໄດ້​ເຂົ້າ​ເຖິງ​ການ​ສຶກສາ, ສາທາລະນະ​ສຸກ ​ແລະ ການ​ຜະລິດ​ກະສິກຳ​ທີ່​ໝັ້ນຄົງ ​ແລະ ​ເພີ່ມ​ທະວີ​ເອົາ​ໃຈ​ໃສ່​ສຶກສາ​ອົບຮົມ​ໃຫ້​ເຂົາ​ເຈົ້າມີ​ຄວາມ​ສາມັກຄີ​ຮັກ​ແພງ​ຊ່ວຍ​ເຫລືອ​ເຊິ່ງກັນ ​ແລະ ກັນ​ດີ​ຂຶ້ນ. 7. ວຽກ​ງານ​ຄຸ້ມ​ຄອງ​ອົງການ​ຈັດຕັ້ງສັງຄົມ, ຕ້ອງ​ເອົາ​ໃຈ​ໃສ່​ປະຕິບັດ​ຖືກຕ້ອງ​ຕາມ​ລະບຽບ​ກົດໝາຍ​ຢ່າງ​ເຄັ່ງ​ຂັດ ​ເພື່ອ​ການ​ຄຸ້ມ​ຄອງ​ອົງການ​ດັ່ງກ່າວ​ມີ​ປະສິດທິ​ຜົນ ​ແລະ ສາມາດ​ນຳ​ໃຊ້​ກຳລັງ​ແຮງ​ເຂົາ​ເຈົ້າ. ດັ່ງນັ້ນ ພວກ​ເຮົາ​ຕ້ອງ​ມີ​ວິທີ​ການ ​ແລະ ກົນ​ໄກ​ທີ່​ເໝາະ​ສົມ​ໃນ​ການ​ຕິດຕາມ​ກວດກາ​ຢ່າ​ງ​ເປັນ​ປົກກະຕິ, ມີ​ການ​ປະສານ​ງານ​ກັບ​ບັນດາ​ກະຊວງ ​ແລະ ອົງການ​ກ່ຽວຂ້ອງ​ຕ່າງໆ​ດີ​ຂຶ້ນ ທັງ​ຢູ່​ສູນ​ກາງ ​ແລະ ທ້ອງ​ຖິ່ນ. 8. ຂົງ​ເຂດ​ເຕັກນິກ​ດ້ານ​ການ​ບໍລິຫານ-ປົກຄອງ, ບັນຫາ​ສຳຄັນ​ໃນ​ທີ່​ນີ້​ແມ່ນ​ການ​ປັບປຸງ​ລະບົບ​ບໍລິຫານ​ລັດ​ໃຫ້​ດີ ມີ​ຄຸນ​ນະພາ​ບ ​ເພື່ອ​ເອື້ອອຳນວຍ​ຄວາມ​ສະດວກ​ໃຫ້​ແກ່​ປະຊາຊົນ​ໄດ້​ເຂົ້າ​ເຖິງ​ການ​ບໍລິຫານ​ລັດ​ດີ​ຂຶ້ນ ​ແລະ 9. ວຽກ​ງານ​ຮ່ວມ​ມື​ສາກົນ ​ແມ່ນ​ໃຫ້​ສືບ​ຕໍ່​ຂະຫຍາຍ​ມູນ​ເຊື້ອອັນ​ດີງາມ​ໃນ​ການ​ພົວພັນ​ຮ່ວມ​ມື​ຢູ່​ໃນ​ອົງຄະ​ນາ​ຍາດ​ສາກົນ ​ເພື່ອ​ປະຕິບັດ​ນະ​ໂຍບາຍ​ເພີ່ມ​ມິດ-ຜ່ອນ​ສັດຕູ ​ແລະ ລະດົມ​ກຳລັງ​ແຮງ​ຂອງ​ສາກົນ​ເຂົ້າ​ໃນ​ການ​ພັດທະນາ​ປະ​ເທດ​ຊາດ ​ໂດຍ​ສະ​ເພາະ​ແມ່ນ​ການ​ພົວພັນ​ຮ່ວມ​ມື​ກັບ​ບັນດາ​ປະ​ເທດ​ເພື່ອນ​ມິດ​ຍຸດ​ທະ​ສາດ​ໃຫ້​ນັບ​ມື້​ແໜ້ນ​ແຟ້ນຍິ່ງ​ຂຶ້ນ.

ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ - WhatsApp Image 2020 05 27 at 5 - ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ
ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ - WhatsApp Image 2020 05 27 at 5 - ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ
ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ - Wave100S AD to Website 2020 0 - ນາຍົກລັດຖະມົນຕີ​ ແນະນຳກະຊວງ​ພາຍ​ໃນ​ເອົາ​ໃຈ​ໃສ່ 9 ​ວຽກ​ຕົ້ນຕໍ
error: Alert: ເນື້ອຫາຂ່າວມີລິຂະສິດ !!