ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ

ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ - advert banner 728 90 728x90 - ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ

ໂດຍ: ທິດກ່ຳ

ໃນເງື່ອນໄຂສະພາບ ການຂອງໂລກນັບມື້ມີການປ່ຽນແປງໄປຢ່າງບໍ່ຢຸດຢັ້ງ, ທັງດິນຟ້າອາກາດ ແລະ ການ ພັດທະນາຢ່າງກ້າວກະໂດດຂັ້ນ, ເສດຖະກິດຂອງໂລກກໍ ນັບມື້ຂະຫຍາຍຕົວ, ດ້ານເຕັກ ໂນໂລຊີກໍນັບມື້ທັນສະໄໝຈົນເຮັດໃຫ້ມີການຂັດແຍ່ງ ແຂ່ງຂັນມີເຖິງສອງຂົ້ວ, ສອງ ອຸດົມການ, ມີທັງດ້ານບວກ ແລະ ດ້ານລົບຄຽງຄູ່ກັນໄປ ໄດ້ເຮັດໃຫ້ຊິກໂລກຂອງ ພວກເຮົາບາງບ່ອນກໍມີ ຄວາມສັນຕິພາບ ແລະ ບາງ ບ່ອນກໍເຕັມໄປດ້ວຍການປະຫັດປະຫານຂ້າພັນລັນແທງ ກັນບໍ່ເລີກບໍ່ແລ້ວ.

ຕາມທິດກ່ຳຄິດ, ສິ່ງ ເຫລົ່ານີ້ມັນກໍ່ເກີດມາຈາກ ຜົນປະໂຫຍດລ້ວນໆ, ເກີດ ມາຈາກຄວາມໂລບມາກໂລ ພາຈົນກາຍມາເປັນຄວາມ ຮຸນແຮງແລ້ວກໍມີການຍົກ ທັບຈັບເສີກປະຫັດປະຫານ ຂ້າກັນຕາຍເປັນຮ້ອຍເປັນ ພັນດັ່ງທີ່ເຮົາເຫັນໃນແຫລ່ງ ຂ່າວຄາວຂອງບາງປະເທດ ໃນໂລກທີ່ພວມປະເຊີນ ແລະ ປະສົບບັນຢູ່ໃນປັດຈຸບັນ.

ນີ້ຄືທີ່ມາໃນການປ່ຽນ ແປງຂອງໂລກ ຫລື ເວົ້າຢ່າງ ໜຶ່ງຄືໂລກາພິວັດ 4.0 ຍຸກ ສະໄໝການປະຕິວັດ ອຸສາ    ຫະກຳຄັ້ງທີ 4 ໄປຕາມຮູບ ແບບການພັດທະນາໃໝ່   ແຫ່ງສັນຕິພາບມີລັກສະນະ ກວມລວມ ແລະ ພັດທະນາ ແບບຍືນຍົງໃຜເກັ່ງຜູ້ນັ້ນ   ຍ່ອມຊະນະ ແລະ ມີຄວາມ  ຍືນຍົງຕໍ່ໂລກຕໍ່ສັງຄົມຕໍ່ໄປ.

ກົງກັນຂ້າມ, ຖ້າໃຜບໍ່ເກັ່ງ ຫລື ຊ້ຳບໍ່ໜຳເດີນທາງຜິດພາດກໍຈະນຳພາຊາດ  ແລະ ປະຊາຊົນຕົກຫລຸມໄປ ພ້ອມກັບຄວາມຈິບທາຍວາຍວອດຂອງປະເທດຊາດຍ້ອນໃຜກໍເຫັນແກ່ຜົນປະ ໂຫຍດຂອງຕົນເອງບໍ່ເຫັນອະນາຄົດຂອງປະເທດຊາດ ແລະ ເພື່ອນມະນຸດຕາດຳໆດ້ວຍກັນ.

ສຳລັບສາທາລະນະລັດ ປະຊາທິປະໄຕ ປະຊາຊົນ ລາວ ຂອງພວກເຮົາພາຍ ຫລັງໄດ້ປ່ຽນແປງລະບອບ ການປົກຄອງຈາກສັກດີນາ ແລະ ລັດທິລ່າເມືອງຂຶ້ນມາ ແຕ່ປີ 1975 ພັກ ແລະ ລັດຖະ ບານລາວໄດ້ນຳພາປະເທດ ຊາດເດີນຕາມສັງຄົມນິຍົມ ອັນເປັນລະບອບທີ 5 ແຫ່ງ ການຂະຫຍາຍຕົວຂອງສັງ ຄົມມະນຸດ ເຊິ່ງເປັນລະບອບ ປະຊາທິປະໄຕ ປະຊາຊົນ ໄດ້ ນຳພາປະເທດຊາດກ້າວສູ່ ຍຸກໃໝ່, ປະເທດຊາດໄດ້ມີ ເອກະລາດ ແລະ ສິ້ນສຸດສົງ ຄາມທີ່ແກ່ຍາວມາຫລາຍສິບປີ, ປະຊາຊົນຍູທ່າງສ້າງສາ ພັດທະນາປະເທດຊາດກ້າວ ໄປຢ່າງບໍ່ຢຸດຢັ້ງ.

ນີ້ຄືສິ່ງທີ່ພິສູດໃຫ້ເຫັນທາດແທ້ ແລະ ຄວາມມຸ້ງ ຫວັງຂອງປະຊາຊົນລາວ ທັງຊາດທີ່ໄດ້ປົດແອກຈາກ ການເປັນຫົວເມືອງຂຶ້ນຂອງ ສັກດີນາຕ່າງຊາດ ແລະ ຈັກ ກະພັດຜູ້ຮຸກຮານ.

ຕະຫລອດໄລຍະ 40 ກວ່າປີແຫ່ງການປົກປັກ ຮັກສາ ແລະ ພັດທະນາປະ ເທດຊາດ, ບ້ານເມືອງ ຂອງ ພວກ ເຮົາກໍນັບມື້ມີຄວາມ ສະຫງົບປອດໄພ, ການເມືອງ ມີສະເຖຍລະພາບໝັ້ນຄົງ ແລະ ໜັກແໜ້ນ.

ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ - 1 1 - ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ
ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ - lattana 1 - ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ

ເສດຖະກິດ-ສັງຄົມນັບ  ມື້ ຂະຫຍາຍຕົວ ແລະ ຈະເລີນຮຸ່ງເຮືອງອັນເປັນຕົວຊີ້ ວັດເຖິງໝາກຜົນແຫ່ງການ ຊີ້ນຳ-ນຳພາຂອງພັກ ແລະ ລັດຖະບານຕະຫລອດໄລ  ຍະເລີ່ມຕົ້ນເຖິງປັດຈຸບັນແຕ່ ແນວໃດກໍດີ, ມາຮອດປັດ ຈຸບັນອີງຕາມການຕີລາຄາ ຂອງຄະນະບໍລິຫານງານສູນ ກາງພັກໃນກອງປະຊຸມຄົບ ຄະນະຄັ້ງທີ 7 ສະໄໝທີ X ຂອງພັກພວກເຮົາຕ້ອງໄດ້ ພ້ອມກັນສຸມ ໃສ່ແກ້ສອງ ຂອດໃຫຍ່ໆຄື: ດ້ານເສດຖະກິດ-ການເງິນ ແລະ ດ້ານ ວຽກງານປັບປຸງຮາກຖານ ການເມືອງໃຫ້ໜັກແໜ້ນໝັ້ນ ຄົງດີຂຶ້ນເລື້ອຍໆ.

ຕົວຢ່າງດ້ານເສດຖະກິດ-ການເງິນ ກໍຕ້ອງເລັ່ງລັດ ໃຫ້ອີ່ມປາກອີ່ມທ້ອງ, ທັງເຫລືອຢູ່ເຫລືອກິນ, ປະຊາຊົນຜະລິດສິນຄ້າໃຫ້ໄດ້ຫລາຍ, ເກັບລາຍຮັບແຕ່ລະ ປີໃຫ້ໄດ້ເກີນແຜນທີ່ວາງໄວ້, ບໍ່ມີການສໍ້ລາດບັງຫລວງ, ບໍ່ມີຄົນຄ້າຂາຍຢາເສບຕິດກິນຢາບ້າ, ບ້ານ ເມືອງເຮົາບໍ່ມີຄົນຂີ້ລັກມັກຈົກ, ສັງຄົມໂດຍລວມມີຄວາມສະຫງົບປອດໄພໄປມາທາງໃດບໍ່ມີຄົນຈີ້ ແລະ ອື່ນໆ.

ສ່ວນວ່າວຽກປັບປຸງ ຮາກຖານການ ເມືອງນັ້ນຕ້ອງສ້າງບ້ານໃຫ້ເປັນບ້ານພັດທະນາຢ່າງແທ້ຈິງ, ທຸກບ້ານທຸກເມືອງໃຫ້ໄດ້ລົບລ້າງ ຈາກຄວາມທຸກຍາກກ້າວ ໄປເຖິງຄວາມຮັ່ງມີ, ຖືເອົາປະຊາຊົນເປັນກົກ, ເປັນກຳລັງແຮງຂອງປະເທດຊາດ ບ້ານເມືອງຢ່າງໜັກແໜ້ນ ອີ່ຫລີ, ສ້າງຄວາມເຂັ້ມແຂງຂອງລະບອບ ປະຊາທິປະໄຕ ປະຊາຊົນແຕ່ຮາກຖານຂຶ້ນ ມາໃຫ້ແໜ້ນແກ່ນເຂັ້ມແຂງ.

ຢາກເຮັດໄດ້ຕາມທີ່ວ່າ ມານີ້, ຄະນະພັກ-ພະນັກງານ ແລະ ການນຳທຸກຂັ້ນຕ້ອງພ້ອມກັນເຮັດຢ່າງຈິງຈັງ ທັງນຳພາເຮັດນຳພາສ້າງ, ສັດຊື່ບໍລິສຸດບໍ່ສໍ້ລາດບັງ ຫລວງ, ປະຊາຊົນຖະນຸຖະໜອມຮັກຫອມຮັກປະເທດ, ຢູ່ອ້ອມຂ້າງພັກໃຕ້ທຸງກາວົງເດືອນອັນເປັນທີ່ຮັກ ແລະ ຫວງແຫນຂອງຊາດລາວ, ຄົນລາວແລ້ວຈະບໍ່ມີສັດຕູ ຕົວໃດທີ່ຈະມາບຸກລຸກທຳ ລາຍຄວາມສະຫງົບສຸກ ຂອງບ້ານເມືອງ.

ນີ້ລະຄືຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ. ສ່ວນວ່າຢູ່ໃສບ່ອນໃດ ຂອງຊິກໂລກຈະມີໃຜຕາຍໃຜຍັງຂໍໃຫ້ຄ່ອຍເບິ່ງຂ່າວ ຄາວເພາະສະພາບການ ຂອງໂລກມີການປ່ຽນແປງ ໄປໃນແຕ່ລະມື້ຕາມທິດກ່ຳວ່າ./.

ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ - 22254 1 - ຍຸກໂລກາພິວັດ 4.0 ໃຜເກັ່ງແມ່ນຜູ້ນັ້ນຊະນະ
(ພາບປະກອບ)

error: Content is protected !!