ມາເຣຍ ເຈັບໄຫລ່ຂວາ ຖອນຕົວ ຈາກການແຂ່ງຂັນ ອິນດຽນ ເວລ
February 15, 2019 - 4:46 PM
ມາເຣຍ ຊາຣາໂປວາ ນັກເທັນນິສສາວມື 27 ຂອງໂລກຈາກຣັດເຊຍ ໄດ້ຕັດສິນໃຈຖອນຕົວອອກຈາກການແຂ່ງຂັນເທັນນິສລາຍການ ບີເອັນພີ ປາຣີບາສ ໂອເພັນ ຊີງເງິນລາງວັນ 9.035.428 ໂດລາສະຫະລັດ ລະຫວ່າງວັນທີ 4-11 ມີນາ 2019 ທີ່ເມືອງອິນດຽນ ເວລ ລັດແຄລິຟໍເນຍ ສະຫະລັດອາເມລິກາ.
ໂດຍ ຊາຣາໂປວາ ໄວ 31 ປີ ໄດ້ຮັບບາດເຈັບໄຫລ່ ແລະ ຖອນຕົວຈາກລາຍການ ເຊນ ປີເຕີສະເບີກ ເລດີ້ ໂອເພັນ ໃນທ້າຍເດືອນມັງກອນຜ່ານມາ. ການຖອນຕົວຄັ້ງນີ້ສົ່ງຜົນໃຫ້ ໂມນາ ບາເທລ ນັກເທັນນິສຊາວເຢຍລະມັນ ໄດ້ຮັບສິດລົງແຂ່ງຂັນໃນຮອບເມນດໍແທນຊາຣາໂປວາທັນທີ.
