ສະເປີ ພ້ອມໃຫ້ສັນຍາໃໝ່ ຊົນ

ສະເປີ ພ້ອມໃຫ້ສັນຍາໃໝ່ ຊົນ - news201902151109226 - ສະເປີ ພ້ອມໃຫ້ສັນຍາໃໝ່ ຊົນ
ສະເປີ ພ້ອມໃຫ້ສັນຍາໃໝ່ ຊົນ - Untitled design - ສະເປີ ພ້ອມໃຫ້ສັນຍາໃໝ່ ຊົນ

     ​ເດ​ລີ ​ເມລ ສື່​ຂອງ​ອັງກິດ ລາຍ​ງານ​ວ່າ: ສະ​ເປີ ພ້ອມ​ຈະ​ໃຫ້​ສັນຍາ​ສະບັບ​ໃໝ່​ກັບ ຊົນ ​ເຖິງ​ວ່າ​ຈະ​ຫາ​ກໍ​ມີ​ການ​ຕໍ່​ສັນຍາ​ກັນ​ໃນ​ໄລຍະ​ເດືອນ​ກໍລະກົດປີ​ກ່ອນ​ກໍ​ຕາມ ​ໂດຍ​ຈະ​ເຮັດ​ໃຫ້​ລາວ​ໄດ້​ຄ່າ​ເມື່ອຍ​ໃກ້​ກັບ ​ເດ​ເລ່ ອັລລີ.

     ທ໊ອດ​ແນ່​ມ ຮ໊ອດສະ​ເປີ ສະ​ໂມ​ສອນ​ຊັ້ນນຳ​ແຫ່ງ ພຣີ​ເມຍ​ລີກ ອັງກິດ ພ້ອມ​ຈະ​ມອບ​ສັນຍາ​ສະບັບ​ໃໝ່​ໃຫ້ ຊົນ ຮິງ​ມິນ ກອງ​ໜ້າ​ຊາວ​ ສ.​ເກົາຫລີ ​ເພື່ອ​ເປັນ​ລາງວັນ​ທີ່​ລາວ​ສ້າງ​ຜົນງານ​​ໄດ້​ຢ່າງ​ໂດດ​ເດັ່ນ.

      ຊົນ ຢູ່​ໃນ​ໄລຍະ​ຟອມຮ້ອນ​ແຮງ​ສຸດໆ ​ໂດຍ​ນັບ​ແຕ່​ກັບ​ມາ​ຈາກ​ການ​ຮັບ​ໃຊ້​ທີ​ມຊາດ ສ.​ເກົາຫລີ ​ໃນ​ການ​ແຂ່ງຂັນ ​ເອຊຽນຄັບ 2019 ລາວ​ກໍ​ໄດ້​ລົງ​ຫລິ້ນ​ເປັນ​ຕົວ​ຈິງ​ຄົບ​ທັງ 4 ​ເກ​ມຈາກ​ທຸກ​ລາຍການ ​ແລະ ​ຍິງ​ປະຕູ​ໄດ້​ທຸກ​ນັດ ສົ່ງ​ຜົນ​ໃຫ້​ໃນ​ລະດູ​ການ 2018-19 ລາວ​ຍິງ​ໄປ​ແລ້ວ 16 ປະຕູ​ຈາກ​ການ​ລົງ​ຫລິ້ນ​ໃນທຸກ​ລາຍການ 32 ​ເກ​ມ.

ສະເປີ ພ້ອມໃຫ້ສັນຍາໃໝ່ ຊົນ - Wave100S AD to Website 2020 0 - ສະເປີ ພ້ອມໃຫ້ສັນຍາໃໝ່ ຊົນ

      ຄວາມ​ຈິງ ຊົນ ຫາ​ກໍ​ເຊັນ​ສັນຍາ​ສະບັບ​ໃໝ່​ທີ່​ມີ​ໄລຍະ​ເວລາ 5 ປີ​ກັບ ສະ​ເປີ ​ໃນ​ໄລຍະ​ເດືອນ​ກໍລະກົດ​ປີ​ກ່ອນ ຈົນ​ເຮັດ​ໃຫ້​ລາວ​ຈະ​ໄດ້​ຢູ່​ກັບ​ທີ​ມ​ເຖິງ​ຊຳ​ເມີ້​ປີ 2023 ພ້ອມ​ຮັບ​ຄ່​າ​ເມື່ອຍ​ອາທິດ​ລະ 110.000 ປອນ ​ແຕ່​ການ​ທີ່​ລາວ​ໂຊ​ຟອມ​ໄດ້​ສຸດ​ຍອດ​ເຮັດ​ໃຫ້ ​​ແດ​ນຽວ ​ເລ​ວີ່ ປະທານ​ຂອງ​ສະ​ເປີ ຢາກ​ເພີ່ມ​ຄ່າ​ເມື່ອຍ​ໃຫ້​ລາວ ​ໂດຍ​ຄາດ​ວ່າການ​ເຈລະຈາ​ຈະ​ເລີ່​ມຂຶ້ນ​ໃນ​ຊ່ວງ​ຊຳ​ເມີ້​ນີ້.

      ​ເດ​ລີ ​ເມ​ວ ກ່າວ​ອີກ​ວ່າ: ​ໃນ​ສັນຍາ​ສະບັບ​ໃໝ່​ນີ້​ຈະ​ເຮັດ​ໃຫ້ ຊົນ ​ໄດ້​ຮັບ​ຄ່າ​ເມື່ອຍ​ໃນ​ລະດັບ​ໃກ້​ຄຽງ​ກັບ ​ເດ​ເລ່ ອັລລີ່ ກອງ​ກາງຄົນ​ເກັ່ງ​ຂອງ​ທີ​ມ ​ເຊິ່ງປັດຈຸບັນ ອັລລີ່ ຮັບ​ຄ່າ​ເມື່ອຍ 150.000 ປອນ​ຕໍ່​ອາທິດ ​ແຕ່​ບໍ່​​ແນ່ນອນ​ວ່າ​ຈະ​ມີ​ການ​ຂະຫຍາຍ​ໄລຍະ​ເວລາ​ຂອງ​ສັນຍາ ຫລື ບໍ່.

ສະເປີ ພ້ອມໃຫ້ສັນຍາໃໝ່ ຊົນ - WhatsApp Image 2020 05 27 at 5 - ສະເປີ ພ້ອມໃຫ້ສັນຍາໃໝ່ ຊົນ
ສະເປີ ພ້ອມໃຫ້ສັນຍາໃໝ່ ຊົນ - WhatsApp Image 2020 05 27 at 5 - ສະເປີ ພ້ອມໃຫ້ສັນຍາໃໝ່ ຊົນ
error: Alert: ເນື້ອຫາຂ່າວມີລິຂະສິດ !!