ການບໍລິການຂອງແພດໝໍລາວ ເຖິງຄາວໄດ້ຜ່າຕັດ

ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - 3687747 - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ
ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - Untitled design - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ

ໂດຍ: ທ່ຽງທຳ

ສະບາຍດີເພື່ອນຜູ້ອ່ານທີ່ຮັກແພງ, ໃນຜ່ານມານີ້ມີຫລາຍທ່ານຫລາຍສະຫາຍກໍຈະໄດ້ປະສົບພົບພໍ້ກັບຄວາມບໍ່ຄ່ອງແຄ້ວ ແລະ ຂາດຄຸນນະພາບຂອງການບໍລິການຂອງແພດໝໍລາວເຮົາ.ນັບທັງກິລິຍາມາລະຍາດ, ການເວົ້າຈາເບິ່ງບໍ່ຄອຍສຸພາບ ແລະ ບໍ່ເປັນທີ່ເພິ່ງພໍໃຈຂອງຜູ້ມາໃຊ້ບໍລິການກໍໃຫ້ເກີດມີ ຫາງສຽງຈົ່ມວ່າຕ່າງໆນານາ ຂອງສັງຄົມ.

ສຳລັບຄຸນນະພາບການປິ່ນປົວເບິ່ງແຍງຮັກສາສຸຂະພາບຂອງຄົນເຈັບກໍຍັງຢູ່ໃນລະດັບອ່ອນ ເມື່ອທຽບກັບຄວາມອາດສສາມາດ ຂອງບັນດາແພດໝໍປະເທດ ໃກ້ຄຽງເຮົາ, ຈຶ່ງສົ່ງຜົນໃຫ້ ປະຊາຊົນລາວຜູ້ມີເງື່ອນ ໄຂຈຳນວນໜຶ່ງຫລັ່ງໄຫລ ອອກໄປໃຊ້ບໍລິການຢູ່ຕ່າງ ປະເທດນັບມື້ຫລາຍຂຶ້ນຍ້ອນເຂົາເຈົ້າຂາດຄວາມ ເຊື່ອໝັ້ນຕໍ່ພະນັກງານແພດ ໝໍເຮົາ ນັບທັງລະບົບເຄື່ອງມືທີ່ທັນສະໄໝໃນວຽກງານສາ ທາລະນາສຸກນີ້ກໍຍັງຈຳກັດ.

ຕໍ່ສະພາບດັ່ງກ່າວ, ກະໂຕຂະແໜງສາທາລະນາສຸກເອງກໍເຫັນບັນຫາແຕ່ຂອດ ການແກ້ໄຂຍັງດຳເນີນໄປໄດ້ຍາກອັນຕົ້ນຕໍແມ່ນຍັງຂາດເຂີນທຶນຮອນເຂົ້າມາພັດທະນາ ແລະ ອັນທີສອງແມ່ນ ຄວາມຮູ້ຄວາມສາມາດຂອງແພດໝໍເຮົາກໍຍັງຈຳກັດ,  ເນື່ອງຈາກຂາດໂອກາດໄປ ສຶກສາຮ່ຳຮຽນ ແລະ ຝຶກອົບຮົມຢູ່ບັນດາປະເທດທີ່ມີ ຄວາມກ້າວໜ້າກວ່າ, ພ້ອມ ນັ້ນກໍແມ່ນລະບົບບໍລິການ ຂອງແພດໝໍເຮົາກໍຍັງຕິດພັນກັບແບບບໍລິການເກື້ອກູນຢູ່.

ເຮັດໜ້ອຍ-ເຮັດຫລາຍປານໃດແຕ່ຜົນໄດ້ມາກໍຄືກັນ,  ດັ່ງນັ້ນ, ຈິ່ງເຮັດໃຫ້ຂອດການ ແກ້ງແຍ່ງແຂ່ງຂັນໃນວຽກ ງານມີໜ້ອຍ, ຖ້າແພດໝໍ ທ່ານໃດອ່າວເກັ່ງແດ່ເພິ່ນພັດໄປເປີດຄລີນິກຂອງຕົນ.

ດັ່ງນັ້ນຈິ່ງເຮັດໃຫ້ການເສຍສະຫລະໃນອົງກອນ  ແລະ ວຽກງານລວມມີຄວາມຈຳກັດ.

ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - Wave100S AD to Website 2020 0 - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ

ໃນຂະນະທີ່ຂະແໜງການກ່ຽວຂ້ອງກໍພວມເລັ່ງປະຕິຮູບຄຸນນະພາບການບໍ ລິການຂອງຕົນດ້ວຍການວາງຄຳຂວັນໄວ້ວ່າ: 5 ດີ ແລະ 1 ພໍໃຈຄື: ຕ້ອນຮັບດີ, ສະອາດດີ, ສະດວກດີ, ບົ່ງມະຕິດີ, ປິ່ນປົວດີ ແລະ ເຮັດໃຫ້ຜູ້ມາໃຊ້ບໍລິການພໍໃຈ.

ແຕ່ໃນຕົວຈິງແລ້ວເບິ່ງຄື ວ່າການຈັດຕັ້ງປະຕິບັດຄຳຂວັນດັ່ງກ່າວກໍຍັງບໍ່ທັນເປັນຮູບປະທຳປານໃດ, ສິ່ງນີ້ກໍອາດເນື່ອງມາຈາກຂາດການກວດກາ ແລະ ປະເມີນຜົນ, ເອົາແຕ່ຜູ້ຈະເຮັດ ຫລື  ບໍ່ເຮັດກໍຄືກັນ, ໃນທີ່ສຸດການປະຕິຮູບຄຸນນະພາບນັ້ນກໍຍັງໃຊ້ເວລາຍາວຢູ່.

ດັ່ງນັ້ນ, ມັນເຖິງຄາວ ແລ້ວທີ່ຂະແໜງການດັ່ງກ່າວຈະຕ້ອງໄດ້ມີຄວາມ ພະຍາຍາມສູງໃນການປັບປຸງຕົນເອງຕາມຄຳຂວັນ ທີ່ວາງໄວ້ໃຫ້ເປັນຈິງ, ນັບທັງການລົງທຶນພັດທະນາ ບຸກຄະລາກອນ ແລະ ພື້ນຖານໂຄງລ່າງຂອງໂຮງໝໍ, ສຸກ ສາລາຕ່າງໆໃຫ້ກ້າວໜ້າທັນສະໄໝ, ສາມາດຕອບ ສະໜອງໄດ້ຄວາມຮຽກຮ້ອງຕ້ອງການຂອງສັງຄົມ ແລະ ສ້າງໃຫ້ແພດໝໍເຮົາ ເປັນທີ່ເຊື່ອໝັ້ນ ແລະ ໄວ້ວາງໃຈໄດ້./.

ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - 3687747 - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ
(ພາບປະກອບ)
ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - WhatsApp Image 2020 05 27 at 5 - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ
ການບໍລິການຂອງແພດໝໍລາວ ເຖິງຄາວໄດ້ຜ່າຕັດ - WhatsApp Image 2020 05 27 at 5 - ການບໍລິການຂອງແພດໝໍລາວ ເຖິງຄາວໄດ້ຜ່າຕັດ
error: Alert: ເນື້ອຫາຂ່າວມີລິຂະສິດ !!