ອິນເຕີ ພ້ອມຫລຸດຄ່າຕົວ ອີກາຣດີ້

ອິນເຕີ ພ້ອມຫລຸດຄ່າຕົວ ອີກາຣດີ້ - news201902151209757 - ອິນເຕີ ພ້ອມຫລຸດຄ່າຕົວ ອີກາຣດີ້
ອິນເຕີ ພ້ອມຫລຸດຄ່າຕົວ ອີກາຣດີ້ - Untitled design - ອິນເຕີ ພ້ອມຫລຸດຄ່າຕົວ ອີກາຣດີ້

     ຄໍຣິ​ເອ​ເຣ່ ​ເດລລ່າ ​ເຊຣ່າ ສື່​ຂອງ​ອີ​ຕາ​ລີ ລະບຸ​ວ່າ: ອິນ​ເຕີ ​ບໍ່​ຄິດ​ຈະ​ເກັບ ​ເມົາ​ໂຣ ອີ​ກາຣດີ້ ຫົວ​ຫອກ​ຄົນ​ດັງ​ເອົາ​ໄວ້​ກັບ​ທີ​ມອີກ​ຕໍ່​ໄປ ​ແລະ ພ້ອມ​ຫລຸດ​ຄ່າ​ຕົວ​ເຫລືອ 80 ລ້ານ​ເອີ​ໂຣ ຫລັງ​ຈາກ​ກ່ອນ​ໜ້າ​ນີ້ ພວກ​ເຂົາ​ຮັກ​ນັກ​ເຕະ​ຄົນ​ນີ້​ຫລາຍ ຈົນຕັ້ງຄ່າ​ຈີກ​ສັນຍາ​ເອົາ​ໄວ້ 110 ລ້ານ​ເອີ​ໂຣ.

     ອິນ​ເຕີ ມິ​ລານ ສະ​ໂມ​ສອນ​ຊັ້ນນຳ​ແຫ່ງ ກັລ​ໂຊ່ ​ເຊ​ເຣຍ ອາ ອີ​ຕາ​ລີ ພ້ອມ​ຈະ​ຫລຸດ​ຄ່າ​ຕົວ​ຂອງ ​ເມົາ​ໂຣ ອີ​ກາຣດີ້ ກອງ​ໜ້າ​ຊາວ​ອາ​ເຈນ​ຕິ​ນາ​ເຫລືອ 80 ລ້ານ​ເອີ​ໂຣ.

     ອີ​ກາ​ດີ້ ສ້າງ​ຜົນງານ​ໄດ້​ໂດດ​ເດັ່ນ​ກັບ ອິນ​ເຕີ ຕະຫລອດ​ຫລາຍ​ລະດູ​ການ​ຜ່ານ​ມາ ​ໂດຍ​ສະ​ເພາະ​ລະດູ​ການ​ກ່ອນ​ທີ່​ລາວ​ສາມາດ​ຍິງ​ປະຕູ​​ໃນ​ລີກ​ໄດ້​ເຖິງ 29 ລູກ ຈົນ​ເຮັດ​ໃຫ້​ລາວ​ເປັນ​ດາວ​ຊັລ​ໂວ​ສູງ​ສຸດ​ຂອງ ​ເຊ​ເຣຍ ອາ ປະຈຳ​ລະດູ​ການ 2017-18 ຮ່ວມ​ກັບ ຊິ​ໂຣ່ ອິມ​ໂມ​ບິ​ເລ່.

       ​ເຖິງ​ຢ່າງ​ໃດ​ກໍ​ຕາມ, ​ໃນ​ລະດູ​ການ​ນີ້ຟອມຂອງ​ລາວ​ຫລຸດ​ລົງ​ຫລາຍ ​ຈົນ​ເຖິງ​ຕອນ​ນີ້​ລາວ​ຫາ​ກໍ​ຍິງ​ໃນ​ລີກ​ໄດ້​ພຽງ​ແຕ່ 9 ລູກ ​ແລະ ຕອນ​ນີ້​ອະນາຄົດ​ຂອງ​ລາວ​ກັບ​ທີ​ມ​ເຕັມ​ໄປ​ດ້ວຍ​ຄວາມ​ບໍ່​ແນ່ນອນ ຫລັງ​ຈາກ​ມີ​ບັນຫາ​ເລື່ອງ​ການ​ຕໍ່​ສັນຍາ​ຈົນ​ທາງ​ທີ​ມ​ເຖິງ​ຂັ້ນຖອດ​ເຂົາ​ອອກ​ຈາກ​ການ​ເປັນ​ກັບຕັນ​ທີ​ມ​ແລ້ວ ​ໂດຍ ອີ​ກາ​ຣດີ້ ບໍ່​ມີ​ຊື່​ກະທັ້ງ​ເປັນ​ຕົວ​ສຳຮອງ​ໃນ​ເກ​ມ ຢູຟາ ຢູ​ໂຣປາ ລີກ ຮອບ 32 ທີ​ມສຸດ​ທ້າຍ ນັດ​ທຳ​ອິດ ທີ່​ ອິນ​ເຕີ ບຸກ​ໄປ​ຊະນະ ຣາປິດ ວຽນ​ນາ 1-0 ​ໃນ​ວັນ​ທີ 14 ກຸມພາ​ຜ່ານ​ມາ.

ອິນເຕີ ພ້ອມຫລຸດຄ່າຕົວ ອີກາຣດີ້ - Wave100S AD to Website 2020 0 - ອິນເຕີ ພ້ອມຫລຸດຄ່າຕົວ ອີກາຣດີ້

      ຄວາມ​ຈິງ​ແລ້ວ ​ໃນ​ເດືອນ​ກໍລະ​ກົດ​ປີ​ກ່ອນ ອິນ​ເຕີ ຕັ້ງຄ່າ​ຈີກ​ສັນຍາ​ຂອງ ອີ​ກາຣດີ້ ​ເອົາ​ໄວ້ 110 ລ້ານ​ເອີ​ໂຣ ​ເຊິ່ງ​ເງື່ອນ​ໄຂ​ຄ່າ​ຈີກ​ສັນຍາ​ນີ້​ຈະ​ມີ​ຜົນ​ສະ​ເພາະ​ກັບ​ທີ​ມຈາກ​ຕ່າງ​ແດນ​ເທົ່າ​ນັ້ນ ​ແຕ່​ຫລ້າ​ສຸດ ຄໍຣິ​ເອ​ເຣ່ ​ເດລລ່າ ​ເຊຣ່າ ບອກ​ວ່າ​ທີ​ມຂອງ​ເທຣນ​ເນີ ລູຊາ​ໂນ່ ສະ​ປັລ​ເລັດ​ຕິ ພ້ອມ​ຈະ​ປ່ອຍ​ລາວ​​ແລ້ວ ​ແລະ ຈະ​ຫລຸດ​ຄ່າ​ຕົວ​ໃຫ້​ເຫລືອ 80 ລ້ານ​ເອີ​ໂຣ ​ໂດຍ​ນັກ​ເຕະ​ໄວ 25 ປີ ​ເຄີຍ​ມີ​ຂ່າວ​ກັບ​ທີ​ມຍັກ​ໃຫຍ່​ຫລາຍ​ທີ​ມ​ເຊັ່ນ: ​ເຊ​ລຊີ ​ແລະ ​ຣີລ ມາດຣິດ ​ເປັນຕົ້ນ.

ອິນເຕີ ພ້ອມຫລຸດຄ່າຕົວ ອີກາຣດີ້ - WhatsApp Image 2020 05 27 at 5 - ອິນເຕີ ພ້ອມຫລຸດຄ່າຕົວ ອີກາຣດີ້
ອິນເຕີ ພ້ອມຫລຸດຄ່າຕົວ ອີກາຣດີ້ - WhatsApp Image 2020 05 27 at 5 - ອິນເຕີ ພ້ອມຫລຸດຄ່າຕົວ ອີກາຣດີ້
error: Alert: ເນື້ອຫາຂ່າວມີລິຂະສິດ !!