ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ

ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ - advert banner 728 90 728x90 - ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ

       ສາຍ​ການບິນ​ຂອງ​ຫວຽດນາມຈະ​ໄດ້​ເຂົ້ານ່ານຟ້າ​ອາ​ເມ​ລິ​ກາ ​ແລະ ​ໃຊ້​ລະຫັດ​ຖ້ຽວ​ບິນ​ຮ່ວມ​ກັບ​ສາຍ​ການບິນ​ຂອງ​ອາ​ເມ​ລິ​ກາ​ເປັນຄັ້ງທຳ​ອິດ, ພາຍຫລັງ​ສຳນັກງານ​ການບິນ​ແຫ່ງ​ຊາດ​ອາ​ເມ​ລິ​ກາ ຫລື FAA ປະກາດ​ວ່າ: ຫວຽດນາມ​ໄດ້​ມາດຕະຖານ​ສາກົນ​ແລ້ວ.

       ທ່ານ ຫງວຽນ ກັກ​ດົງ ຮອງລັດຖະມົນຕີຄົມມະນາຄົມ​ຫວຽດນາມ ​ເປີດ​ເຜີຍ​ໃນ​ວັນ​ທີ 15 ກຸມພາ​ນີ້​ວ່າ: FAA ປະກາດ​ໃນ​ວັນ​ທີ 14 ກຸມພາ ຕາມ​ເວລາ​ອາ​ເມ​ລິ​ກາ​ວ່າ: ​ໄດ້​ຈັດ​ອັນ​ດັບ​ຄວາມ​ປອດ​ໄພ​ຂອງ​ສາຍ​ການບິນ​ຫວຽດນາມ​ເປັນ​ປະ​ເພດ 1 ​ເຮັດ​ໃຫ້​ສາມາດ​ໃຫ້​ບໍລິການ​ຖ້ຽວ​ບິນ​ໄປ​ອາ​ເມ​ລິ​ກາ ​ແລະ ​ໃຊ້​ລະຫັດ​ຖ້ຽວ​ບິນ​ຮ່ວມ​ກັບ​ສາຍ​ການບິນ​ຂອງ​ອາ​ເມ​ລິ​ກາ. ທ່ານ ຫງວຽນ ກັກ​ດົງ ລະບຸ​ວ່າ: ​ເປັນ​ການ​ຮັບຮອງ​ໂດຍ​ໜ່ວຍ​ງານ​ການບິນ​ຂອງ​ປະ​ເທດ​ພັດທະນາ​ແລ້ວ​ທີ່​ມີ​ມາດຕະຖານ​ຄວາມ​ປອດ​ໄພ​ສູງ​. FAA ສົ່ງ​ຄະນະ​ມາຕີ​ລາຄາ​ຄວາມ​ປອດ​ໄພ​ດ້ານ​ການບິນ​ຂອງ​ຫວຽດນາມ​ນັບ​ແຕ່​ປີ​ກ່ອນ.

      ປັດຈຸບັນ ຫວຽດນາມ ​ແລະ ອາ​ເມ​ລິ​ກາ ຍັງ​ບໍ່​ມີ​ຖ້ຽວ​ບິນ​ຕົງ​ລະຫວ່າງ​ກັນ, ​ເຖິງ​ວ່າ​ມີ​ການ​ເດີນທາງ​ລະຫວ່າງ​ສອງ​ປະ​ເທດ​ສູງ ທັງ​ນັກ​ທ່ອງ​ທ່ຽວ ​ແລະ ຜູ້​ທີ່​ກັບ​ໄປ​ຢາມ​ຄອບຄົວ​ໝູ່​ເພື່ອນ. ຂໍ້​ມູນ​ຂອງ​ລັດຖະບານ​ຫວຽດນາມ ລະບຸ​ວ່າ: ການ​ສັນຈອນ​ທາງ​ອາກາດ​ຂະຫຍາຍຕົວ​ສະ​ເລ່ຍ 16% ຕໍ່​ປີ ລະຫວ່າງ​ປີ 2010-2017, ດ້ານ​ສາຍ​ການບິນ​ຫວຽດນາມ​ແອ​ລາຍ ​ແລະ ສາຍ​ການ​ບິນ​ແບມບູ​ແອ​ເວຂອງ​ຫວຽດນາມ ຕ່າງ​ສະ​ແດງ​​ເຈດ​ຈຳນົງ​ຈະ​ເປີດ​ຖ້ຽວ​ບິນ​ໄປ​ອາ​ເມ​ລິ​ກາ. ປະທານ​ແບມບູ​ແອ​ເວ ​ເປີດ​ເຜີຍ​ວ່າ: ກຳລັງ​ພິຈາລະນາ​ຈຸດໝາຍ​ ຄື​ນະຄອນ​ຊີ​ແອດ​ເທິ​ລ, ນະຄອນ​ລອສ​ແອນ​ເຈ​ລິ​ສ ​ແລະ ນະຄອນ​ຊານ​ຟຣານຊິ​ສ​ໂກ, ຄາດ​ວ່າ​ຈະ​ເປີດ​ເສັ້ນທາງ​ທຳ​ອິດ​ໄດ້​ໃນ​ທ້າຍ​ປີ 2020 ຫລື ຕົ້ນປີ 2021. ປັດຈຸບັນ​ໄດ້​ສັ່ງ​ເຮືອບິນ​ໂບອິ້ງ 787 ສຳລັບ​ໃຫ້​ບໍລິການ​ຖ້ຽວ​ບິນ​ໄລຍະ​ໄກ​ແລ້ວ, ຂະນະ​ທີ່​ປະທານ​ກຳມະການ​ບໍລິການ (CEO) ຫວຽດນາມ​ແອ​ລາຍ ​ເປີດ​ເຜີຍ​ແຕ່​ປີ​ກ່ອນ​ວ່າ: ອາດ​ເປີດ​ເສັ້ນທາງ​ໄປ​ອາ​ເມ​ລິ​ກາ ​ເຖິງ​ວ່າ​ມີ​ຂໍ້​ຈຳກັດ​ທາງ​ການ​ຄ້າ ​ເພາະ​ໃນ​ຖານະ​ສາຍ​ການບິນ​ແຫ່ງ​ຊາດ​ທີ່​ເປັນ​ຂອງ​ລັດ​ມີໜ້າ​ທີ່​ຕ້ອງ​ຊ່ວຍ​ກະ​ຕຸ້ນ​ເສດຖະກິດ​ໃຫ້​ເຕີບ​ໃຫຍ່.

ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ - lattana 1 - ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ
ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ - 1 1 - ສາຍການບິນຫວຽດນາມຈະເຂົ້າ ນ່ານຟ້າອາເມລິກາໄດ້ເປັນຄັ້ງທຳອິດ

      ນັກວິ​ເຄາະ​ຂອງ CAPA ສູນ​ເພື່ອ​ການ​ເບິນ ​ເບິ່ງ​ວ່າ: ການ​ໃຫ້​ອັນ​ດັບ​ປະ​ເພດ 1 ຂອງ FAA ມີ​ຄວາມ​ໝາຍ​ຢ່າງ​ຍິ່ງ​ຕໍ່​ຫວຽດນາມ ທັງ​ໃນ​ທາງ​ສັນຍາ​ລັກ ​ແລະ ການ​ເມືອງ, ​ແຕ່​ສາຍ​ການບິນ​ຫວຽດນາມ​ຍັງ​ຕ້ອງ​ພະຍາຍາມ​ຢ່າງ​ໜັກ​ຖ້າ​ຕ້ອງການ​ມີ​ກຳ​ໄລ​ຈາກ​ຖ້ຽວ​ບິນ​ອາ​ເມ​ລິ​ກາ ​ເພາະ​ຍັງ​ຂາດ​ເຂີນ​ລູກ​ຄ້າ​ທີ່​ເປັນ​ນັກທຸລະກິດ.

error: Content is protected !!