ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ

ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ - advert banner 728 90 728x90 - ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ

ໃນຕອນເຊົ້າວັນທີ່ 15/02/2019, ທະນາຄານ ໄຊງ່ອນເທືອງຕິ່ນ ລາວ ຈໍາກັດ (ຊາຄອມແບັງ ລາວ), ໄດ້ຈັດພິທີເປີດ ສາຂາ ລ້ານຊ້າງ ຢ່າງເປັນທາງການ ທີ່ ອາຄານ ເລກທີ່ 044 ຖະໜົນ ແຫ່ງບຸນ, ບ້ານ ຫາຍໂສກ, ເມືອງ ຈັນທະບູລີ, ນະຄອນຫຼວງວຽງຈັນ.

ການເຂົ້າຮ່ວມງານໃນຄັ້ງນີ້ປະກອບດ້ວຍ: ຄະນະການນຳຈາກ ທະນາຄານ ແຫ່ງ ສປປ ລາວ ແລະ ພ້ອມດ້ວຍບັນດາລູກຄ້າທີ່ມີກຽດ.

ທະນາຄານ ຊາຄອມແບັງ ລາວ ໄດ້ຂະຫຍາຍຕົວຢ່າງບໍ່ຢຸດຢັ້ງ ແລະ ນັບມື້ນັບໄດ້ຮັບຄວາມໄວ້ວາງໃຈຈາກອົງກອນຕ່າງໆ, ບັນດາວິສາຫະກິດ, ລູກຄ້າສ່ວນບຸກຄົນ ກໍ່ຄືສັງຄົມລາວ. ເຄືອຂ່າຍສາຂາຂອງ ທະນາຄານປະກອບມີ: 1 ສຳນັກງານໃຫຍ່ ແລະ 5 ສາຂາ: ສາຂາ ນະຄອນຫຼວງວຽງຈັນ, ສາຂາ ທາດຫຼວງ, ສາຂາ ຈຳປາສັກ, ສາຂາ ສະຫວັນນະເຂດ ແລະ ສາຂາ ລ້ານຊ້າງ.

ຕະຫຼອດໄລຍະເວລາ 10 ປີ ແຫ່ງການຂະຫຍາຍຕົວ ແລະ ພັດທະນາ, ທະນາຄານ ຊາຄອມແບັງ ລາວ ໄດ້ໃຫ້ບໍລິການທາງດ້ານການເງິນທີ່ຄົບວົງຈອນ ດ້ວຍຜະລິດຕະພັນ ແລະ ການບໍລິການ ທີ່ທັນສະໄໝໃຫ້ແກ່ລູກຄ້າ. ເນື່ອງໃນໂອກາດສະເຫຼີມສະຫຼອງພິທິເປີດສາຂາ ລ້ານຊ້າງ ຢ່າງເປັນທາງການ, ທາງ ທະນາຄານ ໄດ້ຈັດໂປຣໂມຊັ່ນພິເສດເປີດບັດ ATM ຟຣີ ໃຫ້ກັບລູກຄ້າ ທີ່ມາໃຊ້ບໍລິການກັບ ທະນາຄານ ຊາຄອມແບັງ ລາວ ທຸກສາຂາ, ຕັ້ງແຕ່ວັນທີ່: 15/02/2019 – 30/03/2019.

ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ - 1 1 - ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ
ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ - lattana 1 - ພິທີເປີດ ສາຂາ ລ້ານຊ້າງ ທະນາຄານ ຊາຄອມແບັງ ລາວ ຢ່າງເປັນທາງ ການ

ການທີ່ສາຂາລ້ານຊ້າງ ມີທີ່ຕັ້ງສຳນັກງາານຢູ່ຈຸດດຽວກັນສຳນັກງາານໃຫຍ່ນັ້ນ ແມ່ນເພື່ອແຍກໜ້າທີ່ໃນການຄຸ້ມຄອງບໍລິຫານ ກັບການດຳເນີນທຸລະກິດໃຫ້ມີຄວາມຊັດເຈນຂື້ນກ່ວາເກົ່າ. ສຳນັກງານໃຫຍ່ຈະມີໜ້າທີ່ຫຼັກໃນການ ວາງແນວ ທາງນະໂຍບາຍ ແລະ ຄຸ້ມຄອງບັນດາສາຂາ, ບັນດາພະແນກຕ່າງໆ ທີ່ຂື້ນກັບສຳນັກງານໃຫຍ່ ແລະ ຈະສຸມໃສ່ໃນການຍົກລະດັບຄຸນນະພາບໃນການບໍລິການ, ພັດທະນາລະບົບຂັ້ນຕອນດຳເນີນງານ ເພື່ອແນໃສ່ ເພີ່ມຄຸນປະ ໂຫຍດຕ່າງໆໃຫ້ກັບລູກຄ້າ, ສ່ວນບັນດາສາຂາ ຈະສຸມໃສ່ໃນການດຳເນີນທຸລະກິດ, ຮັບໃຊ້ບໍລິການລູກຄ້າເປັນຫຼັກ. ເຊີ່ງຮູບແບບດັ່ງກ່າວ ກໍ່ເປັນຮູບແບບການຈັດຕັ້ງ ທີ່ທັນສະໄໝສຳລັບທະນາຄານ, ເພື່ອຮັບປະກັນໃຫ້ກັບການຄຸ້ມຄອງບໍລິຫານ ໃຫ້ຖືກກັບທິດທາງລວມ, ມີການບໍລິຫານຄວາມສ່ຽງທີ່ໄດ້ມາດຕະຖານ ແລະ ຖືເອົາ “ລູກຄ້າເປັນໃຈກາງ” ເພື່ອສຸມ ໃສ່ການບໍລິການລູກຄ້າໃຫ້ດີຂຶ້ນ. ເຊິ່ງທະນາຄານ ຊາຄອມແບັງລາວ ເປັນທະນາຄານແຫ່ງດຽວທີ່ນຳໃຊ້ຮູບແບບ ດັ່ງກ່າວຢູ່ ສປປ ລາວ.

ສາຂາລ້ານຊ້າງ ປະກອບດ້ວຍບັນດາພະນັກງານທີ່ມີຄວາມຮູ້ຄວາມສາມາດ, ຫ້າວຫັນ ແລະ ເອົາໃຈ ໃສ່ໃນການບໍລິການລູກຄ້າ, ພ້ອມທີ່ຈະດຳເນີນ ການໃຫ້ບໍລິການ ແລະ ອໍານວຍຄວາມສະດວກ ກ່ຽວກັບຜະລິດຕະພັນ ທາງດ້ານການເງິນຢ່າງຮອບດ້ານ.

ນອກຈາກການເຄື່ອນໄຫວທາງທຸລະກິດ, ທະນາຄານຊາຄອມແບັງ ລາວ ຍັງໄດ້ເປັນສ່ວນໜຶ່ງໃນການຊຸກຍູ້ເສດຖະກິດລາວໃຫ້ມີການພັດທະນາ ແລະ ຂະຫຍາຍຕົວ, ພ້ອມທັງປະກອບສ່ວນໃນການຊ່ວຍເຫຼືອສັງຄົມອີກດ້ວຍ.

error: Content is protected !!