10 ເຫດຜົນຢັ້ງຢືນວ່າຄົນມັກອ່ານໜັງສືຈະເປັນຜູ້ນຳທີ່ດີກວ່າ

- advert banner 728 90 728x90 - 10 ເຫດຜົນຢັ້ງຢືນວ່າຄົນມັກອ່ານໜັງສືຈະເປັນຜູ້ນຳທີ່ດີກວ່າ

- 021705 - 10 ເຫດຜົນຢັ້ງຢືນວ່າຄົນມັກອ່ານໜັງສືຈະເປັນຜູ້ນຳທີ່ດີກວ່າ     ການອ່ານໜັງສືເປັນກິດຈະກຳທີ່ຜູ້ຄົນທົ່ວໂລກໃຫ້ຄວາມສົນໃຈໜ້ອຍລົງ ຈາກຜົນການສຳຫລວດ ແລະ ສະຖິຕິຕ່າງໆສະ ແດງໃຫ້ເຫັນວ່າການຫລຸດລົງນີ້ຖືເປັນພຶດຕິກຳທີ່ໜ້າເປັນຫ່ວງອ່າວຫລາຍ ເພາະການຂາດແຄນນັກອ່ານເທົ່າກັບການຂາດແຄນຜູ້ນຳ ເລື່ອງນີ້ເປັນເລື່ອງທີ່ປະຕິເສດບໍ່ໄດ້ເລີຍ ເພາະການອ່ານໜັງສືຈະຊ່ວຍໃຫ້ທ່ານຄົ້ນພົບຫົນທາງໃນການເປັນຜູ້ນຳທີ່ດີໄດ້.

– ພວກເຂົາມີທັກສະໃນການຜູກມິດຕະພາບທີ່ດີກ່ວາ : ນັກວິໄຈຫລາຍທ່ານກ່າວວ່າການອ່ານໜັງສືສົ່ງເສີມໃຫ້ສະໝອງພະຍາຍາມທີ່ຈະເຊື່ອມໂຍງຜູ້ອ່ານກັບບັນດາໂຕລະຄອນໃນໜັງສື ເຖິງຈະຫ່າງຈາກການອ່ານໜັງສືໄປຫລາຍມື້ ແຕ່ສະໝອງຂອງເຮົາກໍຍັງຄົງເຮັດໜ້າທີ່ເປັນສື່ກາງໃນການເຊື່ອມໂຍງໂຕເຮົາກັບປະສົບການ ແລະ ພຶດຕິກຳຂອງໂຕລະຄອນເຫລົ່ານັ້ນຢູ່ ການທີ່ເຮົາເຊື່ອມໂຍງກັບໂຕລະຄອນຕ່າງໆໃນໜັງສື ຈະເຮັດໃຫ້ເຮົາໄດ້ພັດທະນາຄວາມສະຫລາດທາງອາລົມ ແລະ ກາຍເປັນຄົນທີ່ຜູກມິດກັບຄົນອື່ນໆໄດ້ເກັ່ງຂຶ້ນ.

– ພວກເຂົາມີຄັງຄຳສັບໃນສະໝອງ : ຄົນທີ່ມັກອ່ານໜັງສືຈະມີໂອກາດພັດທະນາຄຳສັບທີ່ພວກເຂົາຮູ້ຈັກທີ່ບົ່ງບອກເຖິງອາລົມຕ່າງໆໄດ້ຫລາຍຂຶ້ນ. ການອ່ານໜັງສືໃຫ້ຫລາຍຂຶ້ນຈະຊ່ວຍເປີດກ້ວາງຄຳສັບຕ່າງໆຕໍ່ຜູ້ອ່ານໄດ້ຫລາຍຂຶ້ນ ແລະ ຍ້ອນຄວາມສາມາດດ້ານຄຳສັບທີ່ດີຂຶ້ນນີ້ເອງຄົນ  ຜູ້ນັ້ນຈະມີທັກສະການສື່ສານທີ່ດີຂຶ້ນໄປນຳ ເຊິ່ງຊ່ວຍໄດ້ຫລາຍໃນການສະແດງອອກທາງຄວາມຄິດ ແລະ ຄວາມຕ້ອງການ ສິ່ງນີ້ຈະເຮັດໃຫ້ທ່ານສາມາດສະແດງຄວາມຕ້ອງການໄດ້ຢ່າງຈະແຈ້ງ ນຳໄປສູ່ການມີທັກສະຜູ້ນຳທ່ີດີໄດ້.

– ພວກເຂົາມີມຸມມອງທ່ີກ້ວາງໄກ : ແທນທີ່ຈະເບິ່ງໂລກພຽງແຕ່ໃນມຸມທີ່ເຮົາຕ້ອງການຈະຮັບຮູ້ ນັກອ່ານຈະເບິ່ງໂລກໃນແບບພາບລວມ. ການອ່ານຈະຊ່ວຍໃຫ້ທ່ານໄດ້ທ່ອງໄປໃນບ່ອນໃໝ່ໆ, ມີສ່ວນຮ່ວມໃນຫົວຂໍ້ສົນທະນາຕ່າງໆ ແລະ ກາຍເປັນສ່ວນໜຶ່ງຂອງເລື່ອງລາວທີ່ຫລາກຫລາຍ ການມີມຸມມອງທີ່ກ້ວາງໄກຈະເຮັດໃຫ້ທ່ານບໍ່ຕິດຢູ່ກັບເລື່ອງລາວເກົ່າໆຊຳ້ໆ ຫລື ຄວາມຈິງພຽງດ້ານດຽວ ໃນທາງກົງກັນຂ້າມທ່ານຈະໄດ້ເຫັນໂລກປຽບດັ່ງເປັນສະຖານທີ່ໆເຕັມໄປດ້ວຍຄວາມທ້າທາຍ ແລະ ຄວາມເປັນໄປໄດ້ທີ່ບໍ່ມີມື້ສິ້ນສຸດ.

– ພວກເຂົາຮູ້ຈັກກັບຜູ້ຄົນຫລວງຫລາຍ : ຜູ້ຄົນມັກສື່ສານ ແລະ ຕິດຕໍ່ພົວພັນກັບບັນດານັກອ່ານ ເພາະວ່າພວກເຂົາມີຄວາມ ສາມາດທີ່ດີໃນການຮຽບຮຽງປະໂຫຍກສົນທະນາດ້ວຍຄຳສັບທີ່ຫລາກຫລາຍ ພວກເຂົາມີຄວາມເຂົ້າໃຈທີ່ສະຫລາດຫລັກແຫລມ ແລະ ເບິ່ງເປັນຄົນທີ່ມີຄວາມຮູ້ເມື່ອຕ້ອງສົນທະນານຳ ເຊິ່ງການແລກປ່ຽນຄວາມຮູ້ ແລະ ການສື່ສານ ກັບຜູ້ຄົນທີ່ມີຄວາມສົນໃຈຄ້າຍກັນຈະປຽບດັ່ງການກະຕຸ້ນ ແລະ ຊຸກຍູ້ບັນດານັກອ່ານໄປສູ່ການມີທັກສະຜູ້ນຳຫລາຍຂຶ້ນໄປນຳ.

– ພວກເຂົາຜ່ອນຄາຍ : ຜົນການສຶກສາພົບວ່າການອ່ານໜັງສື ຊ່ວຍຫລຸດຄວາມເຄັ່ງຄຽດໄດ້  ປຽບດັ່ງກິດຈະກຳຫລຸດຄວາມ ເຄັ່ງຄຽດຢ່າງອື່ນ ເຊັ່ນ : ຟັງເພງມັກ ຫລື ດື່ມຊາ – ກາເຟຈັກຈອກ. ການອ່ານໜັງສືເບິ່ງຈະເປັນວິທີທີ່ໃຫ້ຜົນດີທີ່ສຸດ ເພາະມັນຊ່ວຍຫລຸດອັດຕາການເຕັ້ນຂອງຫົວໃຈ ແລະ ປົດປ່ອຍຄວາມເຄັ່ງຄຽດພາຍໃນເວລາບໍ່ເທົ່າໃດນາທີ ແລະ ຍ້ອນລັກສະນະນິໄສທີ່ສະຫງົບ ນັກອ່ານຈະເປັນຄົນຄິດບວກ ແລະ ມີສະມາທິຈົດຈໍ່ກັບສິ່ງຕ່າງໆ ເຊິ່ງເໝາະສົມທີ່ຈະເປັນຜູ້ນຳໄດ້ດີກ່ວາໃຜ.

- 1 1 - 10 ເຫດຜົນຢັ້ງຢືນວ່າຄົນມັກອ່ານໜັງສືຈະເປັນຜູ້ນຳທີ່ດີກວ່າ
- Tiger Head 728x90 - 10 ເຫດຜົນຢັ້ງຢືນວ່າຄົນມັກອ່ານໜັງສືຈະເປັນຜູ້ນຳທີ່ດີກວ່າ

– ພວກເຂົາມີເລື່ອງໃຫ້ທ້າທາຍຄວາມຄິດສະເໝີ : ຜົນການວິໄຈພົບວ່ານັກອ່ານແມ່ນບັນດາຄົນທີ່ເປັນນັກຄິດ ນັ້ນກໍຍ້ອນວ່າການອ່ານຊ່ວຍເສີມສ້າງຄວາມສາມາດທາງສະຕິປັນຍາ ເຊິ່ງເຮັດໃຫ້ເປັນຄົນມີເຫດຜົນ ແລະ ແກ້ໄຂບັນຫາໄດ້ດີ. ນອກຈາກນີ້ ຍັງເປັນທີ່ສັງເກດໄດ້ວ່າການອ່ານເລື່ອງລາວບາງເລື່ອງທີ່ບໍ່ກົງກັນກັບຄວາມຄິດເຫັນຂອງເຮົາ ຈະຊ່ວຍສົ່ງຜົນຕໍ່ວິທີການຄິດທັງໃນດ້ານສ້າງສັນ ແລະ ຄວາມເປັນເຫດເປັນຜົນນຳ.

– ພວກເຂົາມີສິ່ງທີ່ຊ່ວຍໃຫ້ລະນຶກເຖິງຄວາມຫລັງ : ບາງເທື່ອການອ່ານໜັງສືກໍປຽບດັ່ງການໄດ້ແຍງແວ່ນເບິ່ງໂຕເຮົາເອງ ໜັງສືບາງເຫລັ້ມຊ່ວຍໃຫ້ທ່ານລະນຶກເຖິງສິ່ງທີ່ທ່ານເອງກໍຮູ້ຢູ່ແລ້ວ ການອ່ານໜັງສືຊ່ວຍກອງຄວາມຄິດ ແລະ ການສັງເກດສິ່ງຕ່າງໆ ທັງຍັງເຮັດໃຫ້ທ່ານສາມາດທີ່ຈະເກັບກ່ຽວແຕ່ຂໍ້ມູນທີ່ສຳຄັນໆໄວ້ໄດ້ຢ່າງໝັ້ນຄົງສະເໝີ.

– ພວກເຂົາມີພະລັງທີ່ຈະຂັບເຄື່ອນຕົນເອງໄປສູ່ເປົ້າໝາຍໄດ້ຫລາຍກ່ວາ : ການອ່ານໜັງສືເຮັດໃຫ້ທ່ານຮູ້ສຶກຫ້າວຫັນ, ຄິດບວກ ແລະ ມີຄວາມໝັ້ນໃຈຫລາຍຂຶ້ນ. ນັກອ່ານມັກຈະເປັນຄົນທີ່ມີຊີວິດຊີວາ ແລະ ມີການຄຳນຶງຮູ້ທີ່ດີກ່ວາໃນການທີ່ຈະຄົ້ນພົບຫົນທາງຕ່າງໆທີ່ຈະນຳໄປສູ່ຄວາມສຳເລັດ ເຊິ່ງການອ່ານໜັງສືຈະເຮັດໃຫ້ກາຍເປັນຄົນທີ່ມີຈິດໃຈໝັ້ນຄົງ, ສະຫລາດຫລັກແຫລມ ແລະ ມີຄວາມຫ້າວຫັນຫລາຍຂຶ້ນໄດ້. ຄົນທີ່ອ່ານໜັງສືຢ່າງສະໝໍ່າສະເໝີ ຈະສາມາດມີສະມາທິຈົດຈໍ່ກັບວຽກໃນ ໄລຍະຍາວໄດ້ ບັນດານັກອ່ານເກັ່ງໆຈະບໍ່ມັກຫລາຍເມື່ອມີສິ່ງໃດມາລົບກວນ ຫລື ເມື່ອງຕ້ອງອ່ານໜັງສືໜ້ອຍລົງ ເຊິ່ງນີ້ກໍເປັນອີກໜຶ່ງອົງປະກອບຂອງການເປັນນັກອ່ານທີ່ດີ.

– ພວກເຂົາເປັນນັກຈັດການເວລາທີ່ດີ : ການອ່ານໜັງສືເຮັດໄດ້ທຸກບ່ອນທຸກເວລາ ຊ່ວຍໃຫ້ເຮົາຈັດການເວລາ ແລະ ເຮັດສິ່ງຕ່າງໆໄດ້ລຸລ່ວງຫລາຍຂຶ້ນ ເພາະທຸກໆນາທີທີ່ເສຍໄປສາມາດເອົາມາໃຊ້ກັບການອ່ານໜັງສືໄດ້ຢ່າງກຸ້ມຄ່າການຮູ້ຊຶ້ງເຖິງຄຸນຄ່າຂອງເວລານັ້ນມັກພົບໄດ້ຫລາຍໃນບັນດາຜູ້ນຳ ເພາະຜູ້ນຳທຸກຄົນຮູ້ດີວ່າເວລາເປັນສິ່ງມີຄ່າທີ່ສຸດໃນຊີວິດທີ່ຈະນຳພາພວກເຂົາບັນລຸເປົ້າໝາຍໄດ້.

error: Content is protected !!