ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ

ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ - Laos China - ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ
ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ - Untitled design - ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ

ພິທີລົງນາມເຊັນສັນຍາ ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ ປະຈໍາປີ 2018 ລະຫວ່າງລັດຖະບານລາວ ແລະ ລັດຖະບານຈີນ, ໄດ້ມີຂຶ້ນໃນວັນທີ 15 ກຸມພານີ້, ຢູ່ນະຄອນຫຼວງວຽງຈັນ,​ ລະຫວ່າງທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ຈຽງຈາຍຕົງ ເອກອັກຄະລັດຖະທູດແຫ່ງ ສປ ຈີນ ປະຈໍາລາວ, ມີຜູ້ຕາງໜ້າຈາກກະຊວງ ແລະ ຂະແໜງການກ່ຽວຂ້ອງຕ່າງໆເຂົ້າຮ່ວມເປັນສັກຂີພະຍານນໍາດ້ວຍ. ເພື່ອເປັນການຈັດຕັ້ງ ຜັນຂະຫຍາຍຜົນກອງ ປະຊຸມລັດຖະມົນຕີຕ່າງ ປະເທດ ແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ທີ່ໄດ້ຈັດຂຶ້ນຢູ່ ແຂວງ ຫຼວງພະບາງ ໃນເດືອນ ທັນວາ 2018 ຜ່ານມາ, ຊຶ່ງກອງປະຊຸມດັ່ງກ່າວ, ໄດ້ຮັບຮອງເອົາທັງໝົດ 138 ໂຄງການ ຂອງ 6 ປະເທດສະມາຊິກ (ກຳປູເຈຍ, ສປ ຈີນ, ສປປ ລາວ, ມຽນມາ, ໄທ ແລະ ຫວຽດນາມ), ໃນນັ້ນ, ລາວໄດ້ຮັບຈຳນວນ 21 ໂຄງການ ລວມມູນຄ່າ 4.551.100 ໂດລາສະຫະລັດ, ຊຶ່ງປະກອບມີ 7 ກະຊວງ/ຂະແໜງການ ຄື: ກະຊວງການຕ່າງປະເທດ, ກະຊວງ ສຶກສາທິການ ແລະ ກິລາ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ກະຊວງໂຍທາທິການ ແລະ ຂົນສົ່ງ, ກະຊວງວິທະຍາສາດ ແລະ ເຕັກໂນໂລຊີ, ກະຊວງຊັບພະຍາກອນທຳມະຊາດ ແລະ ສິ່ງແວດ ລ້ອມ ແລະ ກະຊວງກະສິກຳ ແລະ ປ່າໄມ້  ເພື່ອໃຫ້ແຕ່ລະພາກສ່ວນ ທີ່ໄດ້ຮັບໂຄງການ ນຳໄປສືບຕໍ່ຈັດຕັ້ງປະຕິບັດໃຫ້ເກີດຜົນ.

ໂຄງການກອງທຶນພິເສດແມ່ນໍ້າຂອງ-ແມ່ນ້ຳລ້ານຊ້າງ ເປັນໂຄງ ການຢູ່ພາຍໃຕ້ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ, ຊຶ່ງກອງທຶນດັ່ງກ່າວ,  ໄດ້ຮັບການສ້າງຕັ້ງຂຶ້ນໃນໂອກາດກອງປະຊຸມ ຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ I ໃນປີ 2016 ທີ່ເມືອງຊັນຢາ  ແຂວງໄຫໜານ ສປ ຈີນ. ໃນປີ 2017, ລາວໄດ້ຮັບທັງໝົດ ຈຳນວນ 13 ໂຄງການ ຊຶ່ງປະກອບມີ 5 ກະຊວງ/ຂະແໜງການ ລວມມູນ ຄ່າຫຼາຍກວ່າ 3 ລ້ານໂດລາສະຫະລັດ ແລະ ປະຈຸບັນກຳລັງຢູ່ໃນຂັ້ນ ຕອນການຈັດຕັ້ງປະຕິບັດຕາມແຜນການທີ່ໄດ້ວາງໄວ້. ສ່ວນໂຄງການ ທີ່ໄດ້ຮັບອະນຸມັດໃນປີ 2018 ຈຳນວນ 21 ໂຄງການນັ້ນ ຈະໄດ້ ຈັດຕັ້ງປະຕິບັດໃນປີ 2019 ນີ້ເປັນຕົ້ນໄປ.

ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ - Wave100S AD to Website 2020 0 - ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ
ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ - WhatsApp Image 2020 05 27 at 5 - ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ
ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ - WhatsApp Image 2020 05 27 at 5 - ລາວ-ຈີນ ສືບຕໍ່ຮ່ວມມືໂຄງການກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ
error: Alert: ເນື້ອຫາຂ່າວມີລິຂະສິດ !!