ພີແອນພີ (P&P) ຈຳໜ່າຍອຸປະ ກອນນ້ຳປະປາ ແລະ ເຄື່ອງໃຊ້ໄຟຟ້າທີ່ມີຄຸນນະພາບ ແລະ ມາດຕະຖານສາກົນ
ບໍລິສັດ ພີແອນພີ ອິນເຕີ ເທຣດດິ້ງ ຈໍາກັດ (P&P) ເປັນຕົວແທນຈໍາໜ່າຍທໍ່ນໍ້າ, ອຸປະກອນ PVC ຍີ່ຫໍ້ກາຊ້າງ, ເຄື່ອງໃຊ້ສຳລັບຕໍ່ນໍ້າປະປາທຸກຊະນິດ, ເຄື່ອງກໍ່ສ້າງ ແລະ ເຄື່ອງໃຊ້ໄຟຟ້າ ທີ່ໄດ້ມາດຕະຖານລະດັບສາກົນ ເຊິ່ງມີຫຼາຍປະເພດ ແລະ ຫຼາຍຮຸ່ນທີ່ໄດ້ຮັບຄວາມນິຍົມຢູ່ໃນສັງຄົມລາວປັດຈຸບັນ ເຊັ່ນ: ຕູ້ເຢັນ, ຈັກຊັກຜ້າ, ເຕົາໄມໂຄຼເວບ, ເຄື່ອງດູດຝຸ່ນ, ໂທລະພາບ, ລຳໂພງ, ຊຸດໂຮມເທຍເຕີ້, ນອກນີ້, ຍັງມີເຄື່ອງໃຊ້ປະເພດໝໍ້ແດງ, ໄດເປົ່າຜົມ, ເຄື່ອງລີດຜົມ ແລະ ສິນຄ້າອື່ນໆ ອີກຫຼາກຫຼາຍ.
ທ່ານ ນາງ ປາດຖະໜາ ພຣາຊໂຍທາ ອໍານວຍການ ບໍລິສັດ ພີແອນພີ ອິນເຕີເທດດິ້ງ ໃຫ້ຮູ້ວ່າ: ຮ້ານປາດຖະໜາ ຈໍາໜ່າຍທໍ່ນໍ້າປະປາ ໄດ້ເລີ່ມນຳສິນຄ້າປະເພດທໍ່ນໍ້າ, ອຸປະກອນ PVC ຍີ່ຫໍ້ກາຊ້າງ, ເຄື່ອງໃຊ້ຕໍ່ນໍ້າປະປາທຸກຊະນິດແລະ ເຄື່ອງກໍ່ສ້າງເຂົ້າມາຈຳໜ່າຍຢູ່ລາວ ນັບແຕ່ປີ 2001 ເປັນຕົ້ນມາ ແລະ ເຫັນວ່າສິນ ຄ້າດັ່ງກ່າວໄດ້ຮັບຄວາມນິຍົມຈາກລູກຄ້າເປັນຢ່າງດີ. ມາຮອດປີ 2010 ຕົນເອງໄດ້ປ່ຽນຊື່ຈາກຮ້ານປາດຖະໜາຈໍາໜ່າຍທໍ່ນໍ້າປະປາ ມາເປັນ “ບໍລິສັດ ພີແອນພີ ອິນເຕີ ເທຣດດິ້ງ ຈໍາກັດ” ຫຼື (P&P) ແລະ ໄດ້ນໍາເອົາຜະລິດຕະພັນ ເຄື່ອງໃຊ້ໄຟຟ້າທີ່ເປັນແບຣນຫຼັກ ເຊິ່ງລວມມີຫຼາຍກວ່າ 10 ຍີ່ຫໍ່ ເປັນຕົ້ນຄືຍີ່ຫໍ່ Samsung, Hitashi, Sony, Misubishi, Hanabishi, Tefal, Sharp, Toshino, Phillips, Kasiwa, Dpower, Pansonic, Haier, Daikin, Carrier ແລະ Midia ເຂົ້າມາຈໍາໜ່າຍ. ມາຮອດປັດຈຸບັນບໍລິສັດຂອງຕົນສາມາດຂະຫຍາຍກິດຈະການອອກໄດ້ 2 ສາຂາ ຄື: ສາຂາ ວຽງຈັນ ເຊັນເຕີ ແລະ ສາຂາປາກເຊ, ໃນຕໍ່ໜ້າຈະ ເປີດອີກໜຶ່ງສາຂາຢູ່ໃນນະຄອນຫຼວງວຽງຈັນ.
