ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່

ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ - news201902181434653 - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່
ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ - AGL banner - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່

     ​ເຊຣຄິ​ໂອ ຣາມອສ ປາການ​ຫລັງ ຣີລ ມາດຣິດ ກາຍ​ເປັນ​ຄົນ​ທີ່​ຖືກ​ໂລ່​ອອກ​ໃນ 5 ລີກ​ໃຫຍ່​ສູງ​ສຸດ​ຕະຫລອດ​ການຄົນ​ດຽວ​ ​ໃນ​ຈຳນວນ 20 ຄັ້ງ ​ໂດຍ​ກ່ອນ​ໜ້າ​ນີ້ ລາວ​ຄອງ​ສະຖິຕິ​ຮ່ວມ​ກັບ ຊິຣິລ ຣູລ.

      ​ເຊຣຄິ​ໂອ ຣາມອສ ກອງ​ຫລັງ​ກັບຕັນ​ທີ​ມ ຣີລ ມາດຣິດ ກາຍ​ເປັນ​ນັກ​ເຕະ​ທີ່​ຖືກ​ໄລ່​ອອກ​ໃນ 5 ລີກ​ໃຫຍ່​ຂອງ​ທະວີບ​ເອີຣົບ (ລາ ລີ​ກາ ສະ​ເປ​ນ, ພຣີ​ເມຍ​ລີກ ອັງກິດ, ກັລ​ໂຊ່ ​ເຊ​ເຣຍ ອາ ອີ​ຕາ​ລີ, ບຸນ​ເດ​ສລີ​ກາ ​ເຢຍລະ​ມັນ ​ແລະ ລີກ ​ເອິງ ຝຣັ່ງ) ຫລາຍ​ທີ່​ສຸດ​ຕະຫລອດ​ການ​ແຕ່​ພຽງ​ຜູ້​ດຽວ​ແລ້ວ ຈາກ​ຈຳນວນ​ລວມ 20 ຄັ້ງ ຫລັງ​ຈາກ​ຫລ້າ​ສຸດ​ຫາ​ກໍ​ຖືກ​ໄລ່​ອອກ​ໃນ​ເກ​ມລີກ​ນັດ​ທີ່​ຕົ້ນສັງກັດ​ເສຍ ຄິ​ໂຣນ່າ 1-2 ​ໃນ​ວັນ​ທີ 17 ກຸມພາ​ຜ່ານ​ມາ.

      ​ໃນ​ນັດ​ຫລ້າ​ສຸດ ຣາມອສ ຖືກ​ໄລ່​ອອກ​ຈາກ​ສະໜາມ​ເພາະ​ໄດ້​ຮັບ​ໃບ​ເຫລືອງ​ໃບ​ທີ​ສອງ​ໃນ​ນາທີ​ສຸດ​ທ້າຍຂອງ​ເກ​ມ ​ເຊິ່ງ​ໃນ 20 ຄັ້ງຂອງ​ການ​ຖືກ​​ໄລ່​ອອກ​ໃນ​ເກ​ມລີກ​ຂອງ​ລາວ​ນັ້ນ ​ແບ່ງ​ເປັນ​ຈາກ​ການ​ຖືກ​ໃບ​ເຫລືອງ 2 ​ໃບ​ໃນ​ເກ​ມດຽວ​ກັນ 14 ຄັ້ງ ​ແລະ ຈາກ​ໃບ​ແດງ​ໂດຍ​ກົງ 6 ຄັ້ງ ​ແລະ 20 ຄັ້ງຍັງ​ເກີດ​​ໃນ​ການ​ຫລິ້ນ​ໃຫ້ ຣີລ ມາດຣິດ ​ເພາະ​ລາວ​ບໍ່​ເຄີຍ​ຖືກ​ໄລ່​ອອກ​ໃນ​ລີກ​ຕອນ​ຫລິ້ນ​ກັບ ​ເຊ​ບີ​ຢາ.

       ທັງ​ນີ້ ກ່ອນ​ໜ້ານີ້ຄົນ​ເປັນ​ເຈົ້າຂອງ​ສະຖິຕິ​ການ​ຖືກ​ໄລ່​ອອກ​ໃນ 5 ລີກ​ໃຫຍ່​ຂອງ​ທະວີບ​ເອີຣົບ ຫລາຍ​ທີ່​ສຸດ​ຮ່ວມ​ກັບ ຣາມອສ ​ໃນ​ຈຳນວນ 19 ຄັ້ງ ​ໄດ້​ແກ່ ຊິ​ຣິລ ຣູລ ອະດີດ​ກອງ​ກາງ ມາກ​ເຊຍ ​​ໂດຍ​ນັບ​ແຕ່​ຫລິ້ນ​ໃຫ້ ຣີລ ມາດຣິດ ດາວ​ເຕະ​ຊາວ​ສະ​ເປ​ນຖືກ​ໄລ່​ອອກ​ໃນ​ລີກ​ຢ່າງ​ໜ້ອຍ 1 ຄັ້ງ​ເກືອບ​ທຸກ​ລະດູ​ການ ມີ​ພຽງ​ລະດູ​ການ 2014-15 ທີ່​ລາວ​ບໍ່​ເຄີຍ​ຖືກ​ໄລ່​ອອກ​ພຽງ​ແຕ່​ເກ​ມດຽວ.

ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ - Wave100S AD to Website 2020 0 - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່

      ນອກຈາກ​ນີ້ ຖ້າ​ນັບ​ລວມກັບ​ການ​ຫລິ້ນ​ໃນ​ທຸກ​ລາຍການ​ໃຫ້ ຣີລ ມາດຣິດ ​ແລ້ວນັ້ນ ຣາມອສ ຖືກ​ໄລ່​ອອກ​ເຖິງ 25 ຄັ້ງ​ແລ້ວ.

ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ -    AD conten website - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່
ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ - lattana banner - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່
ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່ - lattana banner 1 - ຣາມອສ ສ້າງສະຖິຕິຖືກໄລ່ອອກຫລາຍສຸດ 5 ລີກໃຫຍ່
error: Alert: ເນື້ອຫາຂ່າວມີລິຂະສິດ !!