ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ

ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ - news201902180927710 - ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ
ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ - Untitled design - ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ

      ສື່​ອັງກິດ ລະບຸ​ວ່າ: ຊີ​ເນ​ດິນ ຊີ​ດານ ຕັ້ງຂໍ້​ກຳນົດ​ເອົາ​ໄວ້ 3 ຂໍ້ ​ເພື່ອ​ແລກ​ກັບ​ການ​ໃຫ້​ຕົນ​ໄປ​ເປັນ​ຜູ້​ຈັດການ​ທີ​ມຂອງ ​ເຊ​ລຊີ ​ໂດຍ​ໜຶ່ງ​ໃນ​ນັ້ນຄື​ການ​ຕ້ອງ​ຕໍ່​ສັນຍາ​ກັບ ​ເອ​ແດັນ ອາຊາ ​ໃຫ້​ໄດ້.

      ຊີ​ເນ​ດິນ ຊີ​ດານ ຕຳນານ​ເພລ​ເມກ​ເກີ​ຊາວ​ຝຣັ່ງ ຕັ້ງ​ເງື່ອນ​ໄຂ​ກັບ ​ເຊ​ລຊີ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ 3 ຂໍ້ ຖ້າ​ອີກ​ຝ່າຍ​ຢາກ​ໃຫ້​ຕົນ​ໄປ​ຮັບ​ວຽກ​ຜູ້​ຈັດການ​ທີ​ມຄົນ​ໃໝ່.

      ມໍ່ໆ​ມາ​ນີ້ ​ເມົາຣິຊິ​ໂອ ຊາຣີ ຜູ້​ຈັດການ​ທີ​ມຄົນ​ປັດຈຸບັນ​ຂອງ ​ເຊ​ລຊີ ຕົກ​ເປັນ​ຂ່າວ​ກ່ຽວ​ກັບ​ການ​ຖືກ​ປົດ​ອອກ​ຈາກ​ຕຳ​ແໜ່​ງຫລາຍ ຈາກ​ການ​ທີ່​ລາວ​ພາ​ທີ​ມສ້າງ​ຜົນງານ​ໄດ້​ບໍ່​ຄົງ​ເສັ້ນຄົງ​ວາ​ໃນ​ລີກ ຈົນ​ຕອນ​ນີ້​ຍອດ​ທີ​ມ​ແຫ່ງ​ຖິ່ນ​ສະ​ແຕມ​ຟອດ ບຣິດ ຕ້ອງ​ມາ​ລຸ້ນພື້ນທີ່​ໃນ​ 5 ອັນ​ດັບ​ແທນ ​ເຊິ່ງກ່ອນ​ໜ້າ​ນີ້​ເຄີຍ​ເຮັດ​ໃຫ້​ທີ​ມ​ເຖິງ​ຂັ້ນມີ​ລຸ້ນ​ແຊ້ມລີກ.

ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ - Wave100S AD to Website 2020 0 - ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ

       ທັງ​ນີ້, ​ໄລຍະ​ຜ່ານ​ມາ​ມີ​ຂ່າວ​ລື​ວ່າ ຜູ້​ບໍລິຫານຂອງ ​ເຊ​ລຊີ ໝາຍ​ຕົວ ຊີ​ດານ ​ເປັນ​ເປົ້າໝາຍ​ເບີ 1 ຖ້າ​ພວກ​ເຂົາ​ຕ້ອງ​ແຍກ​ທາງ​ກັບ ຊາຣີ ​ແທ້​ທ ຫລັງ​ຈາກ​ອະດີດ​ນັກ​ເຕະ​ເລືອດ​ຝຣັ່ງ​ເຄີຍ​ສ້າງ​ຜົນງານ​ໄດ້​ສຸດ​ຍອດ​ຕອນ​ຄຸມ​ທີ​ມ ຣີລ ມາດຣິດ ​ເຊິ່ງຫລ້າ​ສຸດ ​ເດິ ຊັນ ​ລາຍ​ງານ​ວ່າ: ຊີ​ດານ ສົນ​ໃຈ​ຈະ​ເຈລະຈາ​ກັບ ​ເຊ​ລຊີ ​ແບບ​ຈິງ​ຈັງ ​ເພື່ອ​ຮັບ​ວຽກ​ນີ້​ເຊັ່ນ​ກັນ.

       ​ເຖິງ​ຢ່າງ​ໃດ​ກໍ​ຕາມ, ຊີ​ດານ ຕັ້​ງ​ເງື່ອນ​ໄຂ​ເອົາ​ໄວ້ 3 ຂໍ້ ສຳລັບ​ການ​ສືບ​ຕໍ່​ຈາກ ​ຊາຣີ ປະກອບ​ມີ ການ​ຕໍ່​ສັນຍາ​ກັບ ​ເອ​ແດັນ ອາຊາ ປີກ​ຄົນ​ເກັ່ງ​ຂອງ​ທີ​ມ ​ເພື່ອ​ໃຫ້​ລາວ​ເປັນ​ສິນ​ກາງຂອງ​ທີ​ມ, ງົບປະມານ​ການ​ເສີມ​ທັບ 200 ລ້ານ​ປອນ ລວມທັງ​ຕ້ອງ​ໄດ້​ເງິນ​ຫລາຍ​ກວ່າ​ນັ້ນຖ້າ​ລາວ​ຂາຍ​ນັກ​ເຕະ​ທີ່​ບໍ່​ຕ້ອງການ​ອອກ​ໄປ​ໄດ້ ​ແລະ ຂໍ້​ສຸດ​ທ້າຍ​ ຄື​ການ​ທີ່​ລາວ​ຕ້ອງ​ມີ​ສິດ​ໃນ​​ເລື່ອງ​ການ​ຊື້-ຂາຍ​ນັກ​ເຕະ​ພຽງພໍ​ກັບ ມາຣິນ່າ ກຣານອຟສະກາ​ຢ່າ ຫົວໜ້າ​ຝ່າຍ​​ເບິ່ງ​ແຍງ​ເລື່ອງ​ການ​ຊື້-ຂາຍຂອງ​ທີ​ມ.

ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ - WhatsApp Image 2020 05 27 at 5 - ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ
ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ - WhatsApp Image 2020 05 27 at 5 - ຊີດານ ຕັ້ງເງື່ອນໄຂ 3 ຂໍ້ຮັບວຽກຜູ້ຈັດການທີມ ເຊລຊີ
error: Alert: ເນື້ອຫາຂ່າວມີລິຂະສິດ !!