ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ

ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ - advert banner 728 90 728x90 - ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ

  ນາຍົກລັດຖະມົນຕີແຫ່ງ ສປປ ລາວ ໄດ້ອອກຂໍ້ຕົກລົງເລກທີ 10/ນຍ ລົງວັນທີ 5 ກຸມພາ 2019 ວ່າດ້ວຍການແບ່ງຄວາມຮັບຜິດຊອບໃນການຈັດຕັ້ງປະຕິບັດແຜນແມ່ບົດຈັດສັນທີ່ດິນແຫ່ງຊາດຄື: ໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເປັນໃຈກາງຈັດຕັ້ງປະຕິບັດໂດຍສົມທົບກັບບັນດາກະຊວງ, ອົງການ ແລະ ອົງການປົກຄອງທ້ອງຖິ່ນທີ່ກ່ຽວ ຂ້ອງ ເພື່ອກຳນົດຍຸດທະສາດ, ດຳເນີນການຈັດສັນ ແລະ ວາງແຜນນຳໃຊ້ທີ່ດິນໃຫ້ບັນລຸເປົ້າໝາຍ ແລະ ຕົວເລກຄາດໝາຍຕາມທີ່ກຳນົດໄວ້ ແລະ ໃຫ້ສຳເລັດໃນປີ 2020 ເພື່ອສະເໜີຕໍ່ລັດຖະບານ ແລະ ສະພາແຫ່ງຊາດພິຈາລະນາຮັບຮອງ.

    ໃຫ້ບັນດາກະຊວງຕ່າງໆ ປະກອບມີ: ກະຊວງກະສິກຳ ແລະ ປ່າໄມ້, ອຸດສາຫະກຳ ແລະ ການຄ້າ, ພະລັງງານ ແລະ ບໍ່ແຮ່, ແຜນການ ແລະ ການລົງທຶນ, ໂຍທາທິການ ແລະ ຂົນສົ່ງ, ໄປສະນີ, ໂທລະຄົມມະນາຄົມ ແລະ ການສື່ສານ, ສຶກສາທິການ ແລະ ກິລາ, ສາທາລະນະສຸກ, ຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ, ປ້ອງກັນປະເທດ ແລະ ປ້ອງກັນຄວາມສະຫງົບ, ລວມທັງອົງການປົກຄອງແຂວງ ແລະ ນະຄອນຫລວງ ດຳເນີນການສຳຫລວດ ແລະ ເກັບກຳຂໍ້ມູນເນື້ອທີ່ດິນໃນຂອບເຂດຄວາມຮັບຜິດຊອບຂອງຕົນເອງ, ພ້ອມທັງຄົ້ນຄວ້າ ສ້າງແຜນຍຸດທະສາດ, ວາງແຜນນຳໃຊ້ ແລະ ລະບຽບການຄຸ້ມຄອງການນຳໃຊ້ທີ່ດິນ ໂດຍສົມທົບກັບກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ, ບັນດາກະຊວງ, ອົງການ ແລະ ອົງການປົກຄອງທ້ອງຖິ່ນທີ່ກ່ຽວຂ້ອງ.

    ນອກຈາກນັ້ນ,​ ໃຫ້ບັນດາກະຊວງ ແລະ ອົງການລັດທຽບເທົ່າກະຊວງທີ່ກ່ຽວຂ້ອງ, ອົງການຈັດຕັ້ງພັກ, ແນວລາວສ້າງຊາດ, ສະຫະພັນນັກຮົບເກົ່າລາວ ແລະ ອົງການຈັດຕັ້ງມະຫາຊົນຂັ້ນສູນກາງ, ແລະ ພາກສ່ວນອື່ນໆ ເຂົ້າຮ່ວມ ແລະ ໃຫ້ການຮ່ວມມືກັບບັນກາກະຊວງທີ່ກ່າວມາ ໃນການຜັນຂະຫຍາຍ ແລະ ຈັດຕັ້ງປະຕິບັດແຜນແມ່ບົດຈັດສັນທີ່ດິນແຫ່ງຊາດຮອດປີ 2030 ໃຫ້ສຳເລັດຕາມແຜນການ ແລະ ຄາດໝາຍ, ສະໜອງທີ່ດິນຢູ່ໃນການຄຸ້ມຄອງ ແລະ ນຳໃຊ້ຂອງຕົນໃຫ້ບັນດາກະຊວງທີ່ກ່ຽວຂ້ອງ ເພື່ອສັງລວມເຂົ້າໃນການວາງແຜນການນຳໃຊ້ທີ່ດິນແຕ່ລະປະເພດຕາມກົດໝາຍ, ພ້ອມທັງປຸກລະດົມໃຫ້ທຸກພາກສ່ວນໃນສັງຄົມ ແລະ ປະຊາຊົນເຂົ້າໃຈ ທັງປະກອບສ່ວນເຂົ້າຮ່ວມໃນການຈັດຕັ້ງປະຕິບັດ.

ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ - lattana 1 - ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ
ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ - 1 1 - ລັດແບ່ງຄວາມຮັບຜິດຊອບ ການຈັດສັນທີ່ດິນແຫ່ງຊາດ

    ພ້ອມດຽວກັນນັ້ນ, ກໍໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເປັນໃຈກາງ ແລະ ສົມທົບບັນດາກະຊວງ,​ ອົງການ ແລະ ອົງການປົກຄອງທ້ອງຖິ່ນທີ່ກ່ຽວຂ້ອງ ທີ່ມີໜ້າທີ່ຮັບ ຜິດຊອບໂດຍກົງ ໃນການຈັດຕັ້ງປະຕິບັດຂໍ້ຕົກລົງສະບັບນີ້ ດຳເນີນການປະເມີນຜົນ ແລະ ລາຍງານການຈັດຕັ້ງປະຕິບັດແຜນແມ່ບົດ ຈັດສັນທີ່ດິນແຫ່ງຊາດ ໃຫ້ລັດຖະບານພິຈາລະນາໃນແຕ່ລະໄລຍະ ຄື: ລາຍງານຄວາມຄືບໜ້າໃນຄັ້ງທີ່ໜຶ່ງ ໃນເດືອນມິຖຸນາ 2019 ແລະ ລາຍງານຜົນສຳເລັດທັງໝົດກ່ອນເດືອນກໍລະກົດ 2020 ເພື່ອນຳສະເໜີຜ່ານກອງປະຊຸມສະພາແຫ່ງຊາດ ພິຈາລະນາຮັບຮອງໃນເດືອນຕຸລາ 2020.

error: Content is protected !!