ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ

ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - 2247544 - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ
ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - Untitled design - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ

ໂດຍ: ທິດກ່ຳ

  ປີ 2018 ຜ່ານມາ, ພັກ ແລະ ລັດຖະບານເຮົາໄດ້ກຳ ນົດໃຫ້ເປັນປີທ່ອງທ່ຽວລາວ, ເຊິ່ງການເປີດພິທີທາງການ ກໍໄດ້ຈັດຂຶ້ນຢ່າງຍິ່ງໃຫຍ່ສົມ ຄວນໃນວັນທີ 27  ພະຈິກໃນ ໂອກາດບຸນນະມັດສະການ ພະທາດຫລວງປີ 2017.

ການຈັດໃຫ້ມີກິດຈະກຳ ປີທ່ອງທ່ຽວລາວ ຖືວ່າເປັນ ນິມິດໝາຍອັນດີຍິ່ງເພື່ອເປັນການກະຕຸ້ນ, ກະຕຸກຊຸກຍູ້ໃຫ້ຂະບວນການສ້າງສາພັດທະນາປະເທດຊາດກ້າວໄປ ພ້ອມໆກັບຂະບວນການອື່ນໆ ດ້ວຍບັນຍາກາດອັນຟົດຟຶ້ນ.

ໃນນີ້, ສຳລັບເປົ້າໝາຍ ກໍໃຫ້ສາມາດດຶງດູດເອົາແຂກຕ່າງດ້າວທ້າວຕ່າງແດນເຂົ້າມາທ່ຽວລາວໃຫ້ໄດ້ 5 ລ້ານ ເທື່ອຄົນ. ແຕ່ຜ່ານການຈັດຕັ້ງປະຕິບັດເຫັນວ່າບໍ່ໄປຕາມຕົວເລກຄາດໝາຍນັ້ນຍ້ອນບາງສາເຫດ ແລະ ປັດໄຈຫລາຍຢ່າງ.

ອີງຕາມຕົວເລກການ  ສະຫລຸບປີທ່ອງທ່ຽວລາວ ທີ່ ໄດ້ຈັດຂຶ້ນໃນວັນທີ 11 ກຸມພາ ຜ່ານມານີ້ໄດ້ພຽງ 4.186.000 ເທື່ອຄົນ. ໃນນີ້, ໄດ້ມີນັກທ່ອງທ່ຽວຈາກ ອາຊີ-ປາຊີຟິກ 3.942.000  ເທື່ອຄົນເພີ່ມຂຶ້ນ 8%, ຈາກ ໄທ 1.929.000 ເທື່ອເພີ່ມຂຶ້ນ 7%, ຈາກຫວຽດນາມ 867.000 ເທື່ອຄົນຫລຸດລົງ 3%, ຈາກຈີນ 805.000 ເທື່ອຄົນເພີ່ມຂຶ້ນ 26%, ເກົາ ຫລີໃຕ້ 174.000 ເທື່ອຄົນ ເພີ່ມຂຶ້ນ 2%.

ແນວໃດກໍຕາມ, ເຖິງວ່າ ບໍ່ໄດ້ຕາມຕົວເລກຄາດໝາຍ, ແຕ່ເມື່ອທຽບໃສ່ປີ 2017 ແມ່ນເພີ່ມຂຶ້ນ 8,2% ແລະ ສາມາດສ້າງລາຍຮັບເຂົ້າ ປະເທດຊາດໄດ້ເຖິງ 755 ລ້ານໂດລາສະຫະລັດ.

 ເມື່ອຕັ້ງໂຈດກັນວ່າ, ດ້ວຍສາເຫດໃດປີທ່ອງທ່ຽວລາວຈຶ່ງບໍ່ສາມາດບັນລຸເປົ້າ ໝາຍ? ຕໍ່ບັນຫາດັ່ງກ່າວ,  ເທົ່າທີ່ທິດກ່ຳໄດ້ຕິດຕາມ ໃນໂອກາດກອງປະຊຸມທີ່   ສຳຄັນຕ່າງໆແຕ່ລະຄັ້ງນັບ ແຕ່ກອງປະຊຸມສະໄໝສາ ມັນເທື່ອທີ 6 ຂອງສະພາ ແຫ່ງຊາດຊຸດທີ 8, ກອງປະ ຊຸມຄົບຄະນະລັດຖະບານ ຈົນມາຮອດມື້ສະຫລຸບປີ ທ່ອງທ່ຽວລາວ, ທ່ານລັດ ຖະມົນຕີກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວເພິ່ນກໍໄດ້ແຈ້ງ ໃຫ້ຊາບກ່ຽວກັບສາເຫດ ຕ່າງໆມາແລ້ວຖ້າພວກເຮົາຫາກຕິດຕາມຂ່າວຄາວກໍອາດຈະໄດ້ຟັງ ແລະ ໄດ້ຮັບຮູ້.

ແຕ່ວ່າສຳລັບທິດກ່ຳ ກໍ ຢາກຍົກເອົາບາງສາເຫດ ຫລັກໆທີ່ເຮັດໃຫ້ປີທ່ອງທ່ຽວລາວ 2018 ບໍ່ໄດ້ຕາມເປົ້າ ນັ້ນກໍຄື ອັນທີໜຶ່ງແມ່ນຍ້ອນ ເສັ້ນທາງໄປມາບໍ່ສະດວກ, ເສັ້ນທາງຢູ່ບ້ານເຮົາມີຫລາຍເສັ້ນບໍ່ໄດ້ມາດຕະຖານຢູ່ ແລ້ວຊ້ຳບໍ່ໜຳຖືກພາຍຸຝົນຕົກໜັກນ້ຳຖ້ວມໃນທ້າຍປີ 2017 ເຮັດໃຫ້ເສັ້ນທາງ ຫລັກໆຄືທາງເລກທີ 13 ແຕ່ ເໜືອຮອດໃຕ້ ແລະ ເສັ້ນທາງ ຫລາຍເສັ້ນໃນທົ່ວປະເທດ ຖືກນ້ຳຖ້ວມ ຫລື ກັດເຊາະເພ ພັງຢ່າງໜັກ ຈົນມາຮອດປັດ ຈຸບັນບັນຫາທາງບາງເສັ້ນ ບາງຍ່ານ ແລະ ບາງຕອນ ກໍ ຍັງບໍ່ທັນໄດ້ສ້ອມແປງແກ້ໄຂ ໃຫ້ດີເທົ່າທີ່ຄວນ.

ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - Wave100S AD to Website 2020 0 - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ

ຕົວຢ່າງໜຶ່ງ ທີ່ເຫັນກໍຄື ເສັ້ນທາງໄປຫາແຫລ່ງທ່ອງທ່ຽວຖ້ຳກອງລໍຈຸດຂົວນ້ຳໄຮໄດ້ຊຳລຸດມາຫລາຍປີແລ້ວ ແລະ ເສັ້ນທາງ 13 ເໜືອແຖວ ກາສີໄປຫລວງພະບາງ ແລະ ຫລາຍບ່ອນ ກໍມັກຈະມີບັນ  ຫາທັງຍາມ ແລ້ງ ແລະ ຍາມຝົນທັງມັກເກີດອຸບັດເຫດ ເລື້ອຍໆ.

ສ່ວນສາເຫດອີກອັນໜຶ່ງ ແມ່ນບັນຫາການບໍລິການ ຂອງພວກເຮົາຍັງບໍ່ທັນມີ ຄວາມພ້ອມຂັບເຄື່ອນຢ່າງເປັນຈັງຫວະອັນດຽວກັນໃນບັນດາຂະແໜງການຕ່າງໆ ທີ່ປິ່ນອ້ອມ, ເຊິ່ງເບິ່ງຢ່າງໜຶ່ງຄືທັນໃຜທັນເຮັດເປັນຕົ້ນນັບແຕ່ການບໍລິການ   ເຂົ້າ-ອອກເມືອງ, ນັກທ່ອງທ່ຽວເດີນທາງໄປມາຖືກຕຳຫລວດກວດກາ, ລາຄາອາຫານແພງ, ທັງບໍ່ສະອາດ, ບໍ່ ໄດ້ມາດຕະຖານ, ຄ່າປີ້ເຂົ້າຊົມສະຖານທີ່ທ່ອງທ່ຽວຊ້ຳຊ້ອນທັງຄາລາແພງ, ການບໍລິການກໍຊັກຊ້າ, ການປະພຶດ ຂອງພະນັກງານບໍລິການໃນແຫລ່ງທ່ອງທ່ຽວບໍ່ທັນເກັ່ງ ແລະ ອື່ນໆ.

ສ່ວນວ່າສາເຫດອັນສຸດທ້າຍກໍແມ່ນໃນເລື່ອງການໂຄສະນາ, ການເຂົ້າເຖິງຂໍ້ມູນຂ່າວສານໃນການທ່ອງທ່ຽວນັບທັງການບໍລິການ ຈຳໜ່າຍສິນຄ້າຂອງທີ່ລະນຶກແກ່ນັກທ່ອງທ່ຽວກໍຍັງບໍ່ທັນຫລາກຫລາຍ ແລະ ອຸດົມສົມບູນເທື່ອ. ນີ້ຄືຕົ້ນເຫດ ທີ່ພວກເຮົາຈະຕ້ອງໄດ້ພ້ອມກັນສຸມໃສ່ແກ້ໃນຕໍ່ໜ້າ ແລະ ຍາວນານ.

ເຖິງຢ່າງໃດກໍດີ, ສຳລັບ ປີ 2019 ອັນເປັນປີທ່ອງ ທ່ຽວລາວ-ຈີນ ພວກເຮົາກໍ ຄາດຫວັງວ່າຈະມີບົດຮຽນ ແລະ ເຮັດໄດ້ດີກວ່າປີທ່ອງ ທ່ຽວຜ່ານມາຢ່າງແນ່ນອນ./.

ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - 2247544 - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ
(ພາບປະກອບ)

ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - WhatsApp Image 2020 05 27 at 5 - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ
ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ - WhatsApp Image 2020 05 27 at 5 - ສາເຫດເຮັດໃຫ້ປີທ່ອງທ່ຽວລາວບໍ່ໄດ້ເຖິງເປົ້າ
error: Alert: ເນື້ອຫາຂ່າວມີລິຂະສິດ !!