ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ

ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ - advert banner 728 90 728x90 - ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ

 ແວ່ນຕາໃຕ້ຟ້າ ເປັນ ສູນຈໍາໜ່າຍ ແລະ ບໍລິການຜະລິດຕະພັນແວ່ນຕາທີ່ໃຫຍ່ກວ່າໝູ່ໃນ ສປປ ລາວ, ຊຶ່ງມີ ແວ່ນຕາຄຸນນະພາບລະດັບຕ່າງໆກວ່າຮ້ອຍຍີ່ຫໍ້ຈາກທົ່ວໂລກໄວ້ບໍລິ ການໃຫ້ລູກຄ້າໄດ້ຊົມໃຊ້.

ທ່ານນາງ ບຸບຜາ ເອກະພັນ ປະທານໃຫຍ່ສູນ ແວ່ນຕາໃຕ້ຟ້າ ໃຫ້ສໍາພາດ ວ່າ: ນັບແຕ່ໄດ້ສ້າງຕັ້ງຮ້ານແວ່ນຕາໃຕ້ຟ້າແຫ່ງທໍາອິດຢູ່ຫນ້າຕະຫລາດເຊົ້າ ເມື່ອປີ 1996 ເປັນຕົ້ນມາ, ກໍ ໄດ້ຮັບຄວາມເຊື່ອໝັ້ນ ແລະ ສະໜັບສະໜູນຈາກລູກຄ້າທັງພາຍໃນ ແລະ ຕ່າງປະເທດ ເພີ່ມຂຶ້ນເລື້ອຍໆ, ເນື່ອງຈາກຮ້ານພວກເຮົາໄດ້ເອົາໃຈໃສ່ໃນການຄັດເລືອກ ເອົາຍີ່ຫໍ້ແວ່ນ ຕາທີ່ມີຊື່ສຽງ ແລະ ຄຸນນະພາບດີຈາກຫລາຍປະເທດ ເຊັ່ນ: ຝຣັ່ງ, ເຢຍລະມັນ, ອີຕາລີ, ຮົງກົງ, ຈີນ, ສິງກະໂປ, ໄທ ແລະ ປະເທດອື່ນໆ ມາບໍລິການຮັບໃຊ້ສັງຄົມ ແລະ ນໍາໃຊ້ ລະບົບຄອມພິວເຕີທັນສະໄໝມາດຕະຖານລະດັບສາກົນໃນການວັດແທກສາຍຕາເພື່ອຮັບປະກັນຄວາມແມ້ນຢໍາຂອງຂະໜາດສາຍຕາລູກຄ້າ. ນອກນີ້, ຍັງມີບໍລິການຫລັງການຂາຍອື່ນໆ ເຊັ່ນ: ໃຫ້ຄໍາແນະນໍາໃນການຮັກສາສາຍຕາ, ປ່ຽນຂາ ແວ່ນຕາ ແລະ ເລນແວ່ນຕາທຸກຊະນິດ ໃນລາຄາທີ່ເໝາະສົມອີກດ້ວຍ. ມາຮອດປັດຈຸບັນແວ່ນຕາໃຕ້ຟ້າມີທັງໝົດ 8 ສາຂາ, ໃນນັ້ນຢູ່ນະຄອນຫລວງວຽງຈັນມີ 6 ສາຂາ, ແຂວງຫລວງພະບາງ ແລະ ແຂວງຈໍາປາສັກ ແຂວງລະສາຂາ ແລະ ເພື່ອຕອບສະໜອງການບໍລິການສັງຄົມໃຫ້ທົ່ວເຖິງກວ່າເກົ່ານັ້ນ, ກໍຈະສືບຕໍ່ຂະຫຍາຍສາຂາບໍລິການຂຶ້ນຕື່ມອີກ 3-5 ແຫ່ງໃນເຂດຊຸມຊົນຕົວ ເມືອງ ແລະ ຢູ່ບັນດາແຂວງພາກໃຕ້.

ທ່ານປະທານ ກ່າວວ່າ: ລູກຄ້າຂອງພວກເຮົາຈະມີສອງກຸ່ມໃຫຍ່ຄື: ກຸ່ມຄົນ ມີອາຍຸ 40 ປີຂຶ້ນເມື່ອ, ຊຶ່ງເປັນພະນັກງານ, ທະຫານ, ຕໍາຫລວດ ແລະ ນັກທຸລະກິດ ໂດຍຈະມີບັນຫາສາຍຕາ ຍາວຈຶ່ງຕ້ອງໄດ້ຕັດແວ່ນຕາເພື່ອຊ່ວຍໃນການເບິ່ງ ຫລື ອ່ານໜັງສື ແລະ ກຸ່ມຄົນອາຍຸ ຕໍ່າກວ່າ 40 ລົງມາ ໂດຍສ່ວນໃຫຍ່ແມ່ນຕັດແວ່ນຕາໃສ່ເພື່ອປ້ອງກັນສາຍຕາ ຈາກແສງແດດ ຫລື ແສງ ຄອມພິວເຕີ, ແຕ່ແນວໃດກໍຕາມ, ສິ່ງສໍາຄັນທີ່ຜູ້ຢາກໃສ່ ແວ່ນຕາທຸກເພດໄວຄວນໃສ່ໃຈນັ້ນ ກໍຄືຄວນໃສ່ແວ່ນຕາທີ່ຜ່ານການວັດແທກໃຫ້ຖືກກັບສາຍຕາດີກວ່າການຊື້ ແວ່ນຕາສໍາເລັດຮູບມາໃສ່ ເນື່ອງຈາກສາຍຕາຂອງຄົນເຮົາສອງເບື້ອງສ່ວນໃຫຍ່ ແມ່ນມີຄ່າສາຍຕາບໍ່ເທົ່າກັນ.

ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ - 1 1 - ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ
ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ - lattana 1 - ແວ່ນຕາໃຕ້ຟ້າ ສະໜອງສິນຄ້າຄຸນນະພາບດີໃຫ້ສັງຄົມ

ທ່ານປະທານໃຫຍ່ແວ່ນຕາໃຕ້ຟ້າ ກ່າວວ່າ: ປັດຈຸບັນ, ເຫັນວ່າການແຂ່ງຂັນໃນທຸລະກິດຕະຫລາດແວ່ນຕາຢູ່ປະເທດເຮົາສູງສົມຄວນ, ເນື່ອງຈາກມີຮ້ານຈໍາໜ່າຍ ແວ່ນຕາເກີດຂຶ້ນຈໍານວນ ຫລາຍ, ແຕ່ເມື່ອທຽບກັບປະຊາກອນຂອງປະເທດ ແລ້ວກໍເຫັນວ່າຍັງກວມອັດຕາ ສ່ວນໜ້ອຍຫລາຍ, ສະນັ້ນ ໂອກາດເຕີບໃຫຍ່ໃນທຸລະກິດດ້ານນີ້ຍັງມີສູງຂໍພຽງແຕ່ສິນຄ້າມີຄຸນນະພາບ ແລະ ມີການບໍລິການທີ່ດີກໍສາມາດເຕີບໃຫຍ່ຂະຫຍາຍຕົວຂຶ້ນເລື້ອຍໆ. ຂະນະທີ່ຮ້ານແວ່ນຕາໃຕ້ຟ້າມີການຮ່ວມມືກັບສູນແວ່ນຕາຫລາຍປະເທດ, ມີພະນັກງານຫລາຍກວ່າ 80 ຄົນທີ່ໄດ້ຜ່ານການຝຶກອົບຮົມວິຊາສະເພາະດ້ານສາຍຕາມາເປັນຢ່າງດີທັງຢູ່ພາຍໃນ ແລະ ຕ່າງປະເທດ, ພ້ອມນີ້ຍັງຄອງສັດສ່ວນກວ່າ 70% ຂອງຕະຫລາດແວ່ນ ຕາໃນລາວອີກດ້ວຍ.

error: Content is protected !!