ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ

ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ - 1550552533243 960x0 - ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ
ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ - Untitled design - ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ

     ສສ ອັງກິດ ​ເປີດ​ເຜີຍ​ວ່າ: ຮອນ​ດ້າ ບໍລິສັດ​ລົດ​ຂອງ​ຍີ່ປຸ່ນ​ຈະ​ປິດ​ໂຮງງານ​ທີ່​ມີ​ຢູ່​ພຽງ​ແຫ່ງ​ດຽວ​ໃນ​ອັງກິດ ​ໃນ​ປີ 2022 ​​ແລະ ຈະ​ເຮັດ​ໃຫ້​ມີ​ຄົນ​ຖືກ​ເລີກ​ຈ້າງ 3.500 ຄົນ.

      ທ່ານ ຈັສຕິນ ທອມ​ລິນ​ສັນ ສສ ​ເຂດສະ​ວິນ​ດັນ​ເໜືອ ພັກ​ອະນຸລັກ​ນິຍົມ ​ເຊິ່ງ​ເປັນ​ພັກ​ລັດຖະບານ ​ເປີດ​ເຜີຍ​ວ່າ: ​ໄດ້​ພົບ​ຕົວ​ແທນ​ຮອນ​ດ້າ ​ເຊິ່ງຢືນຢັນ​ເລື່ອງ​ຈະ​ປິດ​ໂຮງງານ​ຢູ່​ເມືອງ​ສະ​ວິນ​ດັນ​ໃນ​ປີ 2022. ​ໂຮງງານ​ແຫ່ງ​ນີ້​ຜະລິດ​ລົດຊີ​ວິກ ລຸ້ນ 5 ປະຕູ​ກວ່າ 160.000 ຄັນ ບໍ່​ເຖິງ 1 ​ໃນ 10 ຂອງ​ລົດ​ທີ່​ມີ​ການ​ຜະລິດ​ຢູ່​ອັງກິດ​ທັງ​ໝົດ 1,52 ລ້ານ​ຄັນ. ບໍລິສັດ​ຈະ​ຖະ​ແຫລ​ງຢ່າງ​ເປັນ​ທາງ​ການ​ໃນ​ວັນ​ທີ 20 ກຸມພາ​ນີ້. ທ່ານ ທອມ​ລິນ​ສັນ ​ເຊິ່ງອອກສຽງ​ສະໜັບສະໜູນ​ໃຫ້​ສະຫະຣາຊະ​ອານາຈັກ (UA) ​ແຍກ​ຕົວ​ຈາກ​ສະຫະພາບ​ເອີຣົບ (EU) ຫລື ​ເບຣັກຊິດ ​ໃນ​ການ​ລົງ​ປະຊາ​ມະຕິ​ປີ 2016 ລະບຸ​ວ່າ: ​ເລື່ອງ​ນີ້​ບໍ່​ກ່ຽວ​ກັບ​ເບຣັກຊິດ ​ເປັນ​ເລື່ອງ​ຂອງ​ຕະຫລາດ​ໂລກ ​ແລະ ຮອນ​ດ້າຕ້ອງການ​ມຸ້ງການ​ຜະລິດ​ຢູ່​ຍີ່ປຸ່ນ​ເປັນ​ຫລັກ.

       ສ່ວນ​ຮອນ​ດ້າບໍ່​ຕອບ​ເລື່ອງ​ນີ້ ​ໂດຍ​ອອກ​ຕົວ​ວ່າ: ຈະ​ຕ້ອງ​ສື່ສານ​ຂ່າວ​ສຳຄັນ​ກັບ​ຫຸ້ນ​ສ່ວນ​ກ່ອນ. ຮອນ​ດ້າ​ເປີດ​ເຜີຍ​ໃນຕົ້ນ​ເດືອນ​ວ່າ: ຈະ​ຫລຸດ​ກຳລັງ​ຜະລິດ​ຢູ່​ໂຮງງານ​ໃນ​ເມືອງ​ສະ​ວິນ​ດັນ ​ເຫລືອ​ວັນ​ລະ 570 ຄັນ ຕາມ​ແຜນການ​ຜະລິດ​ຂອງ​ບໍລິສັດ. ​ເຖິງ​ຢ່າງ​ໃດ​ກໍ​ດີ, ຣອຍ​ເຕີ​ລະບຸ​ວ່າ: ຮອນ​ດ້າ​ເຄີຍ​ປະກາດ​ໃນ​ເດືອນ​ຕຸລາ 2017 ວ່າຈະ​ຢຸດ​ການ​ຜະລິດ​ລົດ​ຢູ່​​ໂຮງງານ​ໃນ​ເມືອງ​ຊາ​ຢາ​ມະ ​ແຂວງ​ໄຊ​ຕາ​ມະ ພາຍ​ໃນ​ປີ 2022 ​ເພາະ​ຕະຫລາດ​ລົດ​ໃນ​ປະ​ເທດ​ຊຸດ​ໂຊມ.

ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ - Wave100S AD to Website 2020 0 - ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ
ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ - WhatsApp Image 2020 05 27 at 5 - ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ
ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ - WhatsApp Image 2020 05 27 at 5 - ຮອນດ້າຈະປິດໂຮງງານໃນອັງກິດ ຄົນບໍ່ມີວຽກເຮັດ 3.500 ຄົນ
error: Alert: ເນື້ອຫາຂ່າວມີລິຂະສິດ !!