ແມນຢູ-ແມນຊິຕີ້ ບໍ່ພົບກັນ ເອັຟເອຄັບ ຮອບ 8 ທີມສຸດທ້າຍ
February 19, 2019 - 5:36 PM
ຜົນຈັບສະຫລາກ ເຕະບານ ເອັຟເອ ຄັບ ອັງກິດ ຮອບ 8 ທີມສຸດທ້າຍ ລະດູການ 2018-19 ໃນວັນທີ 18 ກຸມພາຜ່ານມາ ປາກົດວ່າ: ແມນເຊັສເຕີ ຢູໄນເຕັດ ແຊ້ມ 12 ສະໄໝ ທີ່ປາບແຊ້ມເກົ່າ ເຊລຊີ 2-0 ໃນວັນທີ 18 ກຸມພາຜ່ານມາ ແລະ ປາບ ອາເຊນອລ ແຊ້ມສູງສຸດ 13 ສະໄໝ 3-1 ໃນຮອບກ່ອນໜ້ານີ້ ກຽມບຸກໄປຢາມ ວຸຟແຮມຕັນ, ຂະນະທີ່ ແມນຊິຕີ້ ຈະບຸກໄປຢາມ ສະວອນຊີ ຊິຕີ້ ທີມຈາກແຊມປ້ຽນຊິບ ທີມຈາກລີກອັນດັບສອງຂອງອັງກິດ.
ຄູ່ອື່ນໆ ວັດຟ໋ອດ ພົບ ຄຣິສຕັນ ພາເລດ ແລະ ມິວວໍ ຈາກແຊມປ້ຽນຊິບ ທີມຈາກລີກອັນດັບສອງຂອງອັງກິດ ພົບກັບ ໄບຣຕັນ. ການແຂ່ງຂັນຮອບ 8 ທີມສຸດທ້າຍຈະແຂ່ງຂັນໃນວັນທີ 15-18 ມີນາ 2019 ທີມຊະນະຮອບ 8 ທີມ ຈະໄດ້ຮັບເງິນລາງວັນ 720.000 ປອນ.
