ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ

ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ - advert banner 728 90 728x90 - ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ

ໂດຍ: ທ່ຽງ​ທຳ

ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ - new3 - ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ

ສະບາຍດີ, ເພື່ອຜູ້ອ່ານທີ່ຮັກແພງ, ໃນຜ່ານມາເຖິງ ວ່າລາວເຮົາໄດ້ມີລະບຽບການ  ແລະ ມາດຕະການຕ່າງໆ   ເພື່ອສະກັດກັ້ນການນຳເຂົ້າໝາກໄມ້ ແລະ ພືດຜັກຕ່າງໆ ທີ່ບໍ່ປອດໄພ ແລະ ສະກັດກັ້ນຜູ້ປູກເພື່ອບໍ່ໃຫ້ນຳໃຊ້ປຸຍ  ແລະ ສານກະຕຸ້ນໃຫ້ພືດພັກໃຫຍ່ໄວ, ງົດງາມ ແລະ ໝາກໄມ້ເພື່ອໃຫ້ເປັນຜົນຜະລິດສູງເກີນຄ່າມາດຕະຖານ.

ແຕ່ແລ້ວຄວາມອັນຕະລາຍຂອງສານພິດຕົກຄ້າງໃນພືດກະສິກຳດັ່ງກ່າວພັດ ຍັງມີໃຫ້ເຫັນຫລາຍຢູ່ຕາມຕະຫລາດຕ່າງໆ. ເຊິ່ງຜົນຜະລິດນີ້ມີທັງຂອງນຳເຂົ້າ ແລະ ການເພາະປູກຢູ່ພາຍໃນປະເທດເຮົາເອງ.

ດັ່ງອາທິດຜ່ານມານີ້,  ເຈົ້າໜ້າທີ່ຂະແໜງກະສິກຳ- ປ່າໄມ້ ແຂວງອຸດົມໄຊ ໄດ້ລົງເຄື່ອນໄຫວຕິດຕາມ, ກວດກາ ແລະ ວິໄຈສານພິດຕົກຄ້າງໃນພືດຜັກ ແລະ  ໝາກໄມ້ຢູ່ຕະຫລາດໃນ ເຂດ ເມືອງໄຊແຂວງດັ່ງກ່າວ ຈຳນວນ 68 ຕົວຢ່າງ.

ໃນນັ້ນມີພືດຜັກສົດທີ່ ສົງໃສ 48 ຕົວຢ່າງ ແລະ ໝາກໄມ້ສົດ 20 ຕົວຢ່າງ ສ່ວນໃຫຍ່ແມ່ນພົບເຫັນສານເປັນພິດຕົກຄ້າງສູງຄື: ຜັກກາດຂາວ,  ຫົວຜັກທຽມ, ມັນຝຣັ່ງ, ຫົວຜັກບົ່ວໃຫຍ່ ໝາກເລັ່ນ, ຖົວເບີ, ໝາກເພັດນ້ອຍ, ໝາກເຂືອຍາວ, ຜັກບົງ, ຜັກຊີ, ຂີງໃຫຍ່ ແລະ ຜັກກາດອື່ນໆອີກ.

ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ - lattana 1 - ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ

ຮອງລົງມາກໍແມ່ນຜັກກະລຳປີ, ໝາກເພັດໃຫຍ່, ຫົວກະລົດ, ໝາກອື, ຜັກຫອມ, ຜັກກາດຊອມເລົ່ານີ້ ເປັນຕົ້ນ, ສ່ວນ ໝາກໄມ້ສົດທີ່ພົບເຫັນຫລາຍແມ່ນໝາກໂປ່ມ, ສະຕໍເບີຣີ, ເລີແຊ້ງ,  ໝາກມັງກອນ, ມົງຄຸດ, ໝາກມ່ວງໃຫຍ່, ໝາກກະທັນໃຫຍ່, ໝາກນາວຊະນິດບໍ່ມີແກ່ນ, ໝາກໄມ້ເລົ່ານີ້ສ່ວນໃຫຍ່ແມ່ນການນຳເຂົາຈາກຕ່າງປະເທດ. ເຊິ່ງພາກສ່ວນກ່ຽວຂ້ອງບໍ່ສາມາດສະກັດກັ້ນໄດ້.

ດັ່ງນັ້ນຖ້າພວກເຮົາບໍ່ມີມາດຕະການຄຸ້ມຄອງທີ່ດີ, ຄວາມອັນຕະລາຍຈາກສານພິດຕົກຄ້າງດັ່ງກ່າວຈະເປັນໄພຂົ່ມຂູ່ຜູ້ບໍລິໂພກເຮົາຕະຫລອດໄປ./.

ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ - 2547 - ໜ້າ​ເປັນ​ຫວ່ງສານພິດ​ຕົກ​ຄ້າງ​ໃນ​ພືດ​ຜັກ ​ແລະ ໝາກ​ໄມ້​ຫລາຍ​ຊະນິດ
(ພາບປະກອບ)

error: Content is protected !!