ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ

ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - 3587 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ
ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - Untitled design - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ

ເນື່ອງຈາກປະເທດລາວ ແລະ ໄທມັກປະສົບກັບບັນຫາໄຟໄໝ້ປ່າເຊິ່ງເປັນສາເຫດທີ່ກໍ່ໃຫ້ເກີດມີໝອກຄວັນປົກຄຸມໄປທົ່ວບໍລິເວນໃນ 3 ແຂວງຄື: ໄຊຍະບູລີ, ບໍ່ແກ້ວ ສປປ ລາວ ແລະ ແຂວງ ຊຽງ ລາຍ ຣາຊະອານາຈັກໄທ ເຊິ່ງໝອກຄວັນດັ່ງກ່າວໄດ້ສົ່ງຜົນກະທົບຕໍ່ການ ດໍາລົງຊີວິດ, ສຸຂະພາບ, ສິ່ງແວດລ້ວມ ແລະ ວິໄສທັດໃນການ ຄົມມະນາຄົມສັນຈອນໄປມາຂອງ ປະຊາຊົນ 2 ຊາດ ລາວ-ໄທ. ດັ່ງນັ້ນ, ໃນວັນທີ 18 ກຸມພານີ້, ທັງ 3 ແຂວງດັ່ງກ່າວ ຈຶ່ງໄດ້ ຮ່ວມກັນຈັດງານມະຫາກໍາ ແກ້ໄຂບັນຫາໄຟລາມປ່າ  ແລະ ໝອກຄວັນ ລາວ-ໄທ ຂຶ້ນທີ່ສວນອຸດທິຍານແຫ່ງຊາດພູຊີ້ຟ້າ ຕໍາບົນຕັບເຕົ່າ ອໍາເພີເທິງ ຈັ່ງຫວັດຊຽງລາຍ, ຝ່າຍລາວ ນໍາໂດຍທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ທ່ານ ສົມລິດ ສີພາວັນ ປະທານສະພາປະຊາຊົນແຂວງບໍ່ແກ້ວ ແລະ ຝ່າຍໄທ ນໍາໂດຍທ່ານ ປຣະຈົນ ປຣະສະກຸນຜູ້ວ່າລາຊະການຈັງຫວັດຊຽງລາຍພ້ອມດ້ວຍການນໍາ ແລະ ປະຊາຊົນ ພາຍໃນຕໍາບົນຕັບເຕົ່າ ອໍາເພີເທິງເຂົ້າຮ່ວມຢ່າງຫຼວງຫຼາຍ.

ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - 2487 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ

ການຈັດງານມະຫາກໍາ ດັ່ງກ່າວ ເພື່ອແນໃສ່ເພີ່ມທະ ວີການຮ່ວມມືລະຫວ່າງອໍາ ນາດການປົກຄອງ 3 ແຂວງ ໂດຍສະເພາະແມ່ນປະຊາຊົນຂອງທັງສອງປະເທດທີ່ຢູ່ ລຽບຊາຍແດນໃນການປ້ອງກັນ ແລະ ແກ້ໄຂບັນຫາໄຟລາມປ່າ ແລະ ໝອກຄວັນ ຮ່ວມກັນ ແລະ ທັງເປັນການ ເພີ່ມທະວີການພົວພັນ, ມິດ ຕະພາບທີ່ດີຕໍ່ກັນລະຫວ່າງທັງ 2 ປະເທດເວົ້າລວມ, ເວົ້າ ສະເພາະແມ່ນ 3 ແຂວງທີ່ມີຊາຍແດນຕິດຈອດກັນ.

ໃນພິທີດັ່ງກ່າວ, ການນໍາຂອງແຕ່ລະແຂວງໄດ້ຜັດປ່ຽນກັນຂຶ້ນກ່າວຕ້ອນຮັບ ແລະ ມີຄໍາເຫັນຕໍ່ວຽກງານ ປ້ອງກັນ ແລະ ແກ້ໄຂບັນຫາໄຟລາມປ່າ ແລະ ໝອກຄວັນ ຂອງສອງປະເທດໂດຍໄດ້ຍົກ ໃຫ້ເຫັນຜົນຮ້າຍຂອງການ ຈູດປ່າ ເຊິ່ງສົ່ງຜົນກະທົບຕໍ່ການທໍາມາຫາກິນ, ຕໍ່ຊັບພະຍາກອນທໍາມະຊາດ, ຕໍ່ລະບົບການຫາຍໃຈ, ຕໍ່ການຄົມມະນາຄົມ ແລະ ອື່ນໆ ອັນໄດ້ກໍ່ໃຫ້ເກີດຜົນເສຍຫາຍຢ່າງ ມະຫາສານໃຫ້ທັງສອງປະເທດ. ພ້ອມດຽວກັນ, ການນໍາ ຂອງທັງ 3 ແຂວງ ຍັງໄດ້ ຮຽກຮ້ອງມາຍັງປະຊາຊົນ ທັງສອງປະເທດ ໂດຍສະເພາະແມ່ນຜູ້ຢູ່ລຽບຊາຍ ແດນຈົ່ງຮ່ວມໃຈກັນເປັນເຈົ້າການໃນການຕ້ານ ແລະ ສະກັດກັ້ນບັນຫາໄຟລາມປ່າ ເພື່ອບໍ່ໃຫ້ເກີດມີໝອກຄວັນ ລ່ອງລອຍຕາມອາກາດ ແລະ ການນໍາຂອງທັງ 3 ແຂວງກໍ ໄດ້ ມອບຂອງທີ່ລະນຶກ ແລະ ອຸປະກອນໃນການດັບມອດ ໄຟໄໝ້ປ່າອີກຈຳນວນໜຶ່ງ.

ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - Wave100S AD to Website 2020 0 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ

ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - 3587 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ
ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - WhatsApp Image 2020 05 27 at 5 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ
ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ - WhatsApp Image 2020 05 27 at 5 - ລາວ-​ໄທ ຮ່ວມ​ໃຈ​ກັນ​ຕ້ານ​ໄຟ​ລາມ​ປ່າ
error: Alert: ເນື້ອຫາຂ່າວມີລິຂະສິດ !!