ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019

ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019 - 11 4 - ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019
ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019 - Untitled design - ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019

     ການ​ແຂ່ງຂັນ​ກິລາ​ແລ່ນ-ລານ ຊີງ​ແຊ້ມ​ເຍົາວະ​ຊົນ​ທົ່ວ​ປະ​ເທດ ຄັ້ງທີ II ​ແລະ ການ​ແຂ່ງຂັນ​ກິລາ​ປະຈຳ​ປີ 2019 ທີ່​ສູນ​ຝຶກ​ກິລາ​ແຫ່ງ​ຊາດ (ສີ​ເກີດ) ​ໃນ​ລະຫວ່າງ​ວັນ​ທີ 20-22 ກຸມພາ​ນີ້ ​ເຊິ່ງການ​ແຂ່ງຂັນ​ໃນ​ຄັ້ງນີ້​ມີ​ທັງ​ໝົດ 2 ລຸ້ນຄື: ລຸ້ນທົ່ວ​ໄປ ​ແລະ ລຸ້ນ​ເຍົາວະ​ຊົນ ມີ​ທັງ​ໝົດ 6 ​ແຂວງ ​ແລະ 2 ກະຊວງ​ເຂົ້າຮ່ວມ​ແຂ່ງຂັນ ​ໂດຍ​ຈະ​ຊີງ​ໄຊ​ທັງ​ໝົດ 18 ຫລຽນ​ຄຳ.

      ທ່ານ ຈັນ​ທະ​ສອນ ກົມມະ​ແສງ ຕາງໜ້າ​ຄະນະ​ນັກ​ກິລາ​ຂອງ​ແຂວງ​ວຽງ​ຈັນ ​ໃຫ້​ຮູ້​ວ່າ: ການ​ແຂ່ງຂັນ​ຄັ້ງນີ້ ພວກ​ເຮົາ​ສົ່ງ​ນັກ​ກິລາ​ເຂົ້າຮ່ວມ 12 ຄົນ, ຄວາມ​ຄາດ​ຫວັງ​ຂອງ​ນັກ​ກິລາ​ຕັ້ງ​ເປົ້າ​ໄວ້ 5 ຫລຽນ​ຄຳ​ຄື: ລຸ້ນທົ່ວ​ໄປ 2 ລາຍການ ຕັ້ງ​ເປົ້າ 1 ຫລຽນ​ຄຳ ລາຍການ 1.500 ​ແມັດ​ຊາຍ ​ແລະ 5.000 ​ແມັດ​ຊາຍ ​ໂດຍ​ແມ່ນ​ທ້າວ ຮັກ​ດີ ​ແພງ​ພັນ​ແສນ​ຈິດ ນັກ​ກິລາ​ແລ່ນ​ທີ່​ມີ​ຊື່​ສຽງ​ຂອງ​ລາວ ສະ​ສົມຄະ​ແນນ​ໃນ​ລາຍການ​ຕ່າງໆ ​ແລະ ​ເປັນ​ເຈົ້າຫລຽນ​ຄຳ​ກິລາ​ແລ່ນ-ລານ​ກິລາ​ແຫ່ງ​ຊາດ​ຜ່ານ​ມາ. ສຳລັບ​ລຸ້ນ​ເຍົາວະ​ຊົນ ຄາດ​ຫວັງ​ທັງ​ຍິງ ​ແລະ ຊາຍ ​ໂດຍ​ຕັ້ງ​ເປົ້າໝາຍ 3 ຫລຽນ​ຄຳ, 2 ຫລຽນ​ເງິນ ​ແລະ 2 ຫລຽນ​ທອງ​ແດງ ​ເພາະ​ລຸ້ນ​ເຍົາວະ​ຊົນ​ຕ່າງ​ກໍ​ຝຶກ​ແອບ​ມາ​ເປັນ​ຢ່າງ​ດີ ​ແລະ ​ເຄີຍ​ເຂົ້າຮ່ວມ​ການ​ແຂ່ງຂັນ​ໃນ​ຮຸ້ນ​ທົ່ວ​ໄປ​​ໄລຍະ​ຜ່ານ​ມາ ຖື​ວ່າ​ມີ​ສະຖິຕິ​ດີ​ສົມຄວນ.

     ສຳລັບ​ນັກ​ກິລາ​ແລ່ນ-ລານ​ແຂວງ​ວຽງ​ຈັນ​ສ່ວນ​ຫລາຍ​ເປັນ​ນັກ​ກິລາ​ເກົ່າ​, ທາງ​ຄະນະ​ນຳ ​ແລະ ຄູ​ຝຶກ​ໄດ້​ໃຫ້​ນັກ​ກິລາ​ຝຶກ​ແອບ​ດ້ວຍ​ຕົນ​ເອງ​ໃນ​ໂຮງຮຽນ​ຢູ່​ບັນດາ​ເມືອງ​ຕ່າງໆ​ພາຍ​ໃນ​ແຂວງ ​ແລະ ​ເນັ້ນໜັກ​ໃຫ້​ຄູ​ພາລະ​ໃນ​ໂຮງຮຽນ​ແນະນຳ​ການ​ຝຶກ​ຊ້ອມ​ແລ້ວ​ບັນທຶກ​ສະຖິຕິ​ ຖື​ວ່າ​ໃກ້​ຄຽງ​ກັບ​ການ​ນອນ​ສູນ​ຝຶກ​ຊ້ອມ.

ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019 - Wave100S AD to Website 2020 0 - ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019

      ​ໃນ​ການ​​ເຂົ້າຮ່ວມ​ແຂ່ງຂັນ​ແລ່ນ-ລານ​ທົ່ວ​ປະ​ເທດ​ຄັ້ງນີ້ ກໍ​ເປັນ​ການ​ພິສູດ​ນັກ​ກິລາ​​ໃນ​ທົ່ວ​ປະ​ເທດ ​ເພື່ອ​ກະກຽມ​ເຂົ້າຮ່ວມ​ລາຍການ​ຕ່າງໆ ​ເປັນຕົ້ນກິລາ​ແຫ່ງ​ຊາດ ຄັ້ງທີ 11 ທີ່​ແຂວງ​ຊຽງ​ຂວາງ​ໃນ​ທ້າຍ​ປີ​ນີ້.

ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019 - WhatsApp Image 2020 05 27 at 5 - ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019
ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019 - WhatsApp Image 2020 05 27 at 5 - ແຂວງວຽງຈັນ ຕັ້ງເປົ້າ 5 ຫລຽນຄຳ ກິລາແລ່ນ-ລານທົ່ວປະເທດ ປະຈຳປີ 2019
error: Alert: ເນື້ອຫາຂ່າວມີລິຂະສິດ !!