ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ

ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ - news201902201030431 - ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ
ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ - Untitled design - ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ

      ​ເດ​ລີ ​ເມ​ວ ສື່​ຂອງ​ອັງກິດ ລາຍ​ງານ​ວ່າ: ​ເຊ​ລຊີ ຈະ​ປົດ ​ເມົາຣິຊິ​ໂອ ຊາຣຣີ ພົ້ນຈາກ​ການ​ເປັນ​ຜູ້​ຈັດການ​ທີ​ມ ຖ້າ​ພວກ​ເຂົາ​ເສຍ 1 ​ໃນ 3 ​ເກ​ມຕໍ່​ຈາກ​ນີ້ ​ໂດຍ​ຖ້າ​ເປັນ​ແນວ​ນັ້ນ​ແທ້ ຈານ​ຟຣັງ​ໂກ້ ​ໂຊ​ລ່າ ອາດ​ຈະ​ຖືກ​ດັນ​ຂຶ້ນມາ​ຄຸມ​ທີ​ມ​ແທນ.

      ​ເມົາຣິຊິ​ໂອ ຊາຣຣີ ຜູ້​ຈັດການ​ທີ​ມ ​ເຊ​ລຊີ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ຈະ​ຖືກ​ປົດ​ອອກ​ຈາກ​ຕຳ​ແໜ່​ງທັນທີ ຖ້າ​ພາ​ທີ​ມ​ເສຍ​ພຽງ​ນັດ​ແຕ່​ດຽວ​ໃນ​ໄລຍະ 3 ນັດ​ຕໍ່​ຈາກ​ນີ້.

     ​ເຊ​ລຊີ ຫາ​ກໍ​ຕົກ​ຮອບ 5 ຂອງ​ການ​ແຂ່ງຂັນ ​ເອັຟ​ເອ ຄັບ ຈາກ​ການ​ເສຍ ​ແມນ​ເຊັສ​ເຕີ ຢູ​ໄນ​ເຕັດ 0-2 ຄາ​ບ້ານ ​ໃນ​ວັນ​ທີ 18 ກຸມພາ​ຜ່ານ​ມາ ​ເຊິ່ງນັ້ນ​ເຮັດ​ໃຫ້​ອະນາຄົດ​ຂອງ ຊາຣຣີ ບໍ່​ສົດ​ໃສ​ຄື​ເກົ່າ​ອີກ ຫລັງ​ຈາກ​ກ່ອນ​ໜ້າ​ນີ້​ມີ​ຂ່າວ​ອອກ​ມາ​ເລື້ອຍໆ​ວ່າ ຜູ້​ບໍລິຫານ​ບໍ່ພໍ​ໃຈ​ໃນ​ຜົນງານ​ຂອງ​ລາວ​ແລ້ວ.

      ທັງ​ນີ້ ​ເດ​ລີ ​ເມ​ວ ລະບຸ​ວ່າ​ໃນ​ວັນ​ທີ 19 ກຸມພາ​ຜ່ານ​ມາ ຜູ້​ບໍລິຫານ​ຂອງ ​ເຊ​ລຊີ ​ໄດ້​ມີ​ການ​ສອບ​ຖາມ​ຄວາມ​ເຫັນ​ຂອງ​ນັກ​ເຕະ​ທຸກ​ຄົນ ​ເຊິ່ງພໍ​ໄດ້​ຟັງ​​ແລ້ວ ພວກ​ເຂົາ​ກໍ​ຍອມຮັບ​ວ່າ ​ຊາຣຣີ ອາດ​ຈະ​ຕ້ອງ​ອອກ​ຈາກ​ທີ​ມ​ໃນ​ອະນາຄົດ​ອັນ​ໃກ້ ​ແລະ ຕັ້ງ​ເງື່ອນ​ໄຂ​ເອົາ​ໄວ້​ວ່າ ຖ້າ​​ເສຍ​ອີກ​ພຽງ​​ແຕ່​ນັດ​ດຽວ​ໃນ 3 ​ເກ​ມຕໍ່​ຈາກ​ນີ້ ຜູ້​ຈັດການ​ທີ​ມຊາວ​ອີ​ຕາ​ລີ​ຕ້ອງ​ຕົກ​ງານ​ທັນທີ.

      ສຳລັບ 3 ນັດ​ຫລັງ​ຈາກ​ນີ້​ຂອງ ​ເຊ​ລຊີ ຕ່າງ​ກໍ​ເປັນ​ເກ​ມສຳຄັນ​ທັງ​ໝົດ ​ເລີ່​ມຈາກ​ເກ​ມ ຢູຟາ ​ຢູ​ໂຣປາ ລີກ ຮອບ 32 ທີ​ມສຸດ​ທ້າຍ ນັດ​ສອງ ທີ່​ຕ້ອງ​ເປີດ​ບ້ານ​ພົບ​ກັບ ມັລ​ໂມ່ ວັນ​ທີ 21 ກຸມພາ​ນີ້, ​ເກ​ມ ຄາຣາບາ​ວ ຄັບ ຮອບ​ຊີງ​ຊະນະ​ເລີດ​ກັບ ​ແມນ​ເຊັສ​ເຕີ ຊິ​ຕີ້ ວັນ​ທີ 24 ກຸມພາ​ນີ້ ​ແລະ ​ເກ​ມລີກ​ທີ່​ຕ້ອງ​ຮັບ​ການ​ມາ​ຢາມ​ຂອງ ທ໊ອດ​ແນ່​ມ ຮ໊ອດສະ​ເປີ ​ໃນ​ວັນ​ທີ 27 ກຸມພາ​ນີ້.

ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ - Wave100S AD to Website 2020 0 - ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ

      ຖ້າ ຊາຣຣີ ຖືກ​ປົດ​ອອກ​ຈາກ​ຕຳ​ແໜ່​ງ​ແທ້ ມີ​ຄວາມ​ເປັນ​ໄປ​ໄດ້​ສູງ​ທີ່ ຈານ​ຟຣັງ​ໂກ້ ​ໂຊ​ລ່າ ໜຶ່ງ​ໃນ​ຜູ້​ຊ່ວຍ​ຂອງ​ລາວ ຈະ​ຖືກ​ແຕ່ງຕັ້ງ​ເຂົ້າມາ​ຄຸມ​ທີ​ມ​ແທນ​ໄປ​ກ່ອນ.

ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ - WhatsApp Image 2020 05 27 at 5 - ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ
ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ - WhatsApp Image 2020 05 27 at 5 - ເຊລຊີ ຕັ້ງເງື່ອນໄຂ 3 ຂໍ້ນັດອັນຕະລາຍຊີ້ຊະຕາ ຊາຣຣີ
error: Alert: ເນື້ອຫາຂ່າວມີລິຂະສິດ !!