ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ

ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ - advert banner 728 90 728x90 - ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ

ໂດຍ : ມຶກບໍ່ແຫ້ງ

ການ​ລົງ​ທຶນ​ພາກ​ສ່ວນ​ເອ​ກະ​ຊົນ ​ມີ​ຄວາມ​ສຳ​ຄັນຫລາຍ​ໃນ​ການ​ປະ​ກອບ​ສ່ວນ  ​ພັດ​ທະ​ນາ​ເສດ​ຖະ​ກິດ-ສັງ​ຄົມຂອງ​ຊາດ ແຕ່​ພວກ​ເຮົາ​ຈະ​ເລືອກ​ເອົາ​ນັກ​ລົງ​ທຶນ​ແນວ​ໃດ ເພື່ອ​ເຮັດ​ໃຫ້​​ເປົ້າ​ໝາຍ​ພວກ​ເຮົາ​ບັນ​ລຸ​ໄດ້.

ເມື່ອ​ເບິ່ງ​ຮູບ​ແບບ​ການ​ລົງ​ທຶນ ຂອງ​ພືດ​ອຸດ​ສາ​ຫະ​ກຳ ເຊັ່ນ ການ​ປູກ​ກ້ວຍ, ການ​ປູກ​ຢາງ​ພາ​ລາ ນັ້ນ ພວກ​ເຮົາ​ອາດ​ມີ​ແນວ​ໄດ້ຫຼາຍສົມ​ຄວນ ໂດຍ​ສະ​ເພາະ ການ​ສົ່ງ​ອອກ​ໄປ​ຕ່າງ​ປະ​ເທດມີ​ມູນ​ຄ່າ​ເພີ່ມຂຶ້ນ​ໃນ ຊ່ວງ​ສອ​ງ​ສາມ​ປີຫຼັງ, ແລະ​ສຳ​ລັບຢາງ​ພ​າ​ລານັ້ນ ເຖິງວ່າ​ລາ​ຄາ ຈະ​ມີ​ການ​ເໜັງ​ຕີງ ແຕ່​ກໍ​ສາ​ມາດ​ສ້າງ​ລາຍ​ຮັບ​ໄດ້ຫຼາຍ​ສົມ​ຄວນ.

ແຕ່​ເມື່ອ​ພວກ​ເຮົາ​ຫັນ​ມາ​ເບິ່ງ​ຜົນ​ກະ​ທົບ ທີ່​ເກີດ​ຂຶ້ນ​ ແມ່ນ​ມີ​ຄວາມ​ໜ້າ​ເປັນ​ຫ່ວງຫຼາ​ຍ​ສົມ​ຄວນ, ນັບ​ແຕ່​ຄວາມ​ສ່ຽງ​ຕໍ່​ສຸ​ຂະ​ພາບ​ແຮງ​ງານ ໄປ​ເຖິງ​ການ​ເຊື່ອມ​ໂຊມ​ທາງ​ດ້ານ​ສະ​ພາບ​ແວດ​ລ້ອມ. ຜູ້​ຂຽນ​ໄດ້​ຍິນ​ເພື່ອນ ທີ່​ເພິ່ນ​ໄປເຫັນ​ສະ​ພາບ​ການ​ເຮັດ​ວຽກ​ຂອງ​ປະ​ຊາ​ຊົນ ແກ່​ເຈົ້າ​ຂອງ​ຜູ້​ສຳ​ປະ​ທານ ການ​ປູກ​ກ້ວຍ​ຢູ່​ເມືອງ ຮຸນ ແຂວງ​ອຸ​ດົມ​ໄຊ ​ນັ້ນຖື​ວ່າ ລຳ​ບາກຫຼາຍ, ເຮັດ​ວຽກ​ໜັກ ແລະ​ເງິນ​ຄ່າ​ແຮງ​ງານ​ພັດ​ຕ່ຳ, ມີ​ລັກ​ສະ​ນະ​ບັງ​ຄັບໃຫ້​ເຮັດ​ວຽກ​ຢ່າງ​ໜັກ​ໂດຍ​ທີ່ ບໍ່​ອາດ​ສາ​ມາດ​ຕໍ່​ລອງ​ໄດ້.

ນອກນັ້ນ ບົດ​ຮຽນ​ຈາກ​ ການ​ລົງ​ທຶນ​ການ​ປູກ​ກ້ວຍ​ຍັງ​ເຮັດ​ໃຫ້​ພວກ​ເຮົາຫຼິງ​ເຫັນ​ວ່າ ຄຸນ​ຄ່າ​ທາງ​ສັງ​ຄົ​ມ-ສະ​ພາບ​ແວດ​ລ້ອມ ອາດ​ສູນ​ເສຍ​ໄປ​ຖ້າ​ຫາ​ເຮົາ​ບໍ່​ມີ​ການ​ຄຸ້ມ​ຄອງ ແລະ​ຈັດ​ການ​ທີ່​ດີ ມີ​ການກວດ​ສອບ ຜູ້​ລົງ​ທຶນ​ຢ່າງ​ເຄັ່ງ​ຄັດ. ພວກ​ເຮົາ ຮັບ​ຮູ້ ການ​ປ່ອຍ​ນ້ຳ​ເສຍ ແລະ ການ​ກຳ​ຈັດ​ຂີ້​ເຫຍື້ອ ທີ່ບໍ່​ລະ​ມັດ​ລະ​ວັງ ແລະ​ຂາດ​ຄວາມ​ຮັບ​ຜິດ​ຊອບ ເຊັ່ນ ເຫດ​ການ​ຢູ່​ພາກ​ເໜືອ, ເມືອງ​ສັງ​ທອງ ວ່າງມໍ່​ມານີ້ ຈົນ​ນຳ​ມາ​ເຊິ່ງ​ການ​ສັ່ງ​ໂຈະ​ຂອງ​​ລັດ​ຖະ​ບານ​ໃນ​ການ​ສຳ​ປະ​ທານ​ການ​ປູກ​ກ້ວຍ ໃນ​ເມື່ອ 2-3 ປີ​ຜ່ານ​ມາ.

ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ - lattana 1 - ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ
ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ - 1 1 - ເລືອກ​ນັກ​ລົງ​ທຶນ ເລືອກ​ເອົາ​ຜູ້​ທີີ່​ດີ

ເມື່ອເປັນ​ເຊັ່ນ​ນັ້ນ, ພວກ​ເຮົາ​ຈະ​​ເລືອກນັກ​ລົງ​ທຶນ​ທີ່​ດີ​ໄດ້​ແນວ​ໃດ? ເມື່ອບໍ່​ດົນ​ຜ່ານ​ມາ ຜູ້​ຂຽນ​ໄດ້​ໄປ ເບິ່ງ​ໂຄງ​ການ​ປູກ ກາ​ເຟ ຊາ​ຟ​ຣອນ (Saffron), ພວກ​ເຮົາ​ໄປ​ເປັນ​ທີມ​ງານ​ທີ່​ຮ່ວມວຽກ​ກັນ ມີ​ທັງ ອົງ​ການ​ຈັດ​ຕັ້ງ​ລັດ, ອົງ​ການ​ຈັດ​ຕັ້ງ​ທາງ​ສັງ​ຄົມ ແລະ​ພວກ​ເຮົາ​ທຸກ​​ຄົ​ນກໍ​ມັກ ການ​ລົງ​ທຶນ​ລັກສະ​ນະ​ນີ້​ດ້ວຍຫຼາຍ​ເຫດ​ຜົນ.

ໜຶ່ງ​ໃນນັ້ນ ເຂົາ​ເຈົ້າ​ຊ່ວຍ​ໃຫ້​ປະ​ຊາ​ຊົນ ມີ​ວຽກ​ເຮັດ​ງານ​ທຳ​ທີ່​ມີ​ກຽດ ແລະ​ໜ້າ​ພູມ​ໃຈ​ ຕໍ່​ກາ​ເຟ​ທີ່​ເຂົາ​ເຈົ້າ​ຜະ​ລິດ​ໄດ້, ປະ​ຊາ​ຊົນ​ມີ​ລາຍ​ໄດ້ ແຕ່ 1.1-3 ລ້ານ​ກີບ​ຕໍ່​ເດືອນ ແລະ​ໄດ້​ຮັບ​ການ​ເຄົາ​ລົບ​ຈາກ ນາຍ​ຈ້າງ ທີ່​ພະ​ຍາ​ຍາມ​ສ້າງ​ໃຫ້​ເຂົາ​ເຈົ້າ​ມີ​ອາ​ຊີບ​ຄົງ​ທີ່ ແລະ​ຍື​ນ​ຍົງ​, ອັນ​ທີ ສອງ ໂຄງ​ການນີ້ ແມ່ນ​ມີ​ຄວາມ​ຮັບ​ຜິດ​ຊອບ​ຕໍ່​ການ​ຮັກ​ສິ່ງ​ແວດ​ລ້ອມ, ປາ​ສະ​ຈາກ​ການ​ໃຊ້​ສານ​ເຄ​ມີ​ທີ່​ອັນ​ຕະ​ລາຍ, ບໍ່​ເປັນ​ດັ່ງ​ການ​ປູກ​ກ້ວຍ.

ການ​ລົງ​ທຶນ​ລັກ​ສະ​ນະ​ນີ້ ມີ​ຂະ​ໜາດ​ນ້ອຍ ຖ້າ​ທຽບ​ໃສ່​ການ​ປູກ​ກ້ວຍ ແຕ່​ການ​ລົງ​ທຶນ​ໃນ​ລັກ​ສະ​ນະ​ນີ້ ຜູ້​ລົງ​ທຶນ ເນັ້ນ​ນັ​ກ​ເລື່ອງ​ຄຸນ​ນະ​ພາບ​ຂອງ​ການ​ລົງ​ທຶນ ເຊິ່ງ​ຮວມ​ມີ ລາຍ​ໄດ້ ແລະ​ຄວາມ​ຮັບ​ຜິດ​ຊອບ​ຕໍ່​ສັງ​ຄົ​ມ ແລະ​ສິ່ງ​ແວດ​ລ້ອມ. ພວກ​ເຮົາ ຄວນ​ຄິດ​ວ່າ ການ​ເຮັດ​ທຸ​ລະ​ກິດ ຫຼື ການ​ຄ້າ ບໍ່​ສະ​ເພາະ​ແຕ່ ສິນ​ຄ້າ​ສົ່ງ​ອອກ ເພື່ອ​ຂາຍ​ເອົາ​ເງິນ ແຕ່ ​ຄວນ​ຄຳ​ນຶງ​ເຖິງ​ຂະ​ບວນ​ການ​ໃຫ້ຫຼາຍ​ຂຶ້ນ ໂດຍ​ສະ​ເພາະ ຄວາມ​ຮັບ​ຜິດ​ຊອບ​ຂອງ​ນັກ​ລົງ​ທຶນ.

ພວກ​ເຮົາ​ຮັບ​ຮູ້​ວ່າ ມີຫຼາຍ​ປະ​ເທດ​ທີ່​ພັດ​ທະ​ນາ​ໃນ​ເອີ​ຣົບ, ການ​ສ້າງວຽກ​ເຮັດ​ງານ​ທຳ ແລະ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ແມ່ນ​ມາ​ຈາກ​ຫົວ​ໜ່ວຍ​ທຸ​ລະ​ກິດ​ຂະ​ໜາດ​ນ້ອຍ-ກາງ ທີ່​ມີ​ຈັນ​ຍາ​ທຳ ຕໍ່​ການ​ລົງ​​ທຶນ​ຂອງ​ຕົນ. ໃນ​ບັນ​ຍາ​ກາດ​ກຳ​ລັງ​ສົດໆ​ຮ້ອນໆ ທີ່​ລັດ​ຖະ​ບານ​ຫາ​ກໍ​ຮັບ​ຮອງ​ເອົາ​ຍຸດ​ທະ​ສາດ​ການ​ເຕີບ​ໂຕ​ສີ​ຂຽວ ເມື່ອມໍ່ໆ​ມານີ້ ພວກ​ເຮົາ​ກໍ​ຄວນ​ເຄັ່ງ​ຄັດ ໃນ​ການ​ເລືອກ​ເອົາ​ນັກ​ທຶນ​ຕຶ່ມ​ອີກ.

error: Content is protected !!