ທະນາຄານ ລາວ-ຫວຽດ ມອບລາງວັນໃຫ້ລູກຄ້າໂຊກດີຄັ້ງທີ 2 ລາຍການເງິນຝາກລຸ້ນຊັບຮັບໂຊກປີ 2018
ພິທີມອບລາງວັນຄັ້ງທີ 2 ລາຍການເງິນຝາກລຸ້ນຊັບຮັບໂຊກປະຈຳປີ 2018 ໃຫ້ລູກຄ້າຜູ້ໂຊກດີໄດ້ຈັດຂຶ້ນໃນວັນທີ 20 ກຸມພານີ້ ທີ່ສຳນັກງານໃຫຍ່ທະນາຄານດັ່ງກ່າວ ບ້ານຫັດສະດີ ເມືອງຈັນທະບູລີ ນະຄອນຫລວງວຽງຈັນ,ພາຍຫລັງສຳເລັດການໝູນລາງວັນດັ່ງກ່າວໃນວັນທີ 30 ມັງກອນ 2018 ເຊິ່ງມີທັງໝົດ 16 ລາງວັນ ລວມມີມູນຄ່າຫລາຍກວ່າ 260 ລ້ານກີບ, ໃນນັ້ນ ລາງວັນໃຫຍ່ກວ່າໝູ່ແມ່ນລົດໃຫຍ່ໂຕໂຍຕ້າ ອໍນິວ ຢາລິສ ມູນຄ່າເກືອບ 200 ລ້ານກີບ ຜູ້ໂຊກດີໄດ້ແກ່ທ່ານນາງ ນາລີ ພົງປະດິດ, ສ່ວນລາງວັນທີ 2 ແມ່ນລົດຈັກຍີ່ຫໍ້ຮອນດ້າເວບ 110i ມີ 2 ລາງວັນ, ລາງວັນທີ 3 ແມ່ນໂທລະສັບ ໄອໂຟນ ເອັກ ມີ 3 ລາງວັນ ແລະ ລາງວັນທີ 4 ແມ່ນສາຍຄໍຄຳນ້ຳໜັກ 2 ສະຫລຶງ ມີ 10 ລາງວັນ ໂດຍການມອບລາງວັນຂອງທ່ານ ຫງວຽນ ວັນ ບິງ ຜູ້ອຳນວຍການໃຫຍ່ທະນາຄານຮ່ວມທຸລະກິດ ລາວ-ຫວຽດ, ໂດຍມີຜູ້ຕາງໜ້າຈາກທະນາຄານແຫ່ງ ສປປ ລາວ, ລູກຄ້າຜູ້ໂຊກດີ ພ້ອມດ້ວຍຜູ້ບໍລິຫານ ແລະ ພະນັກງານທະນາຄານເຂົ້າຮ່ວມເປັນສັກຂີພິຍານ.
