ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ I ຊ່ວຍ​ແກ້​ໄຂ​

ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ i ຊ່ວຍ​ແກ້​ໄຂ​ - Untitled design - ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ I ຊ່ວຍ​ແກ້​ໄຂ​

    ​ໃນ​ໂອກາດ​ທີ່ ສະມາຊິກ ສະຊິກສະພາແຫ່ງຊາດ ຊຸດທີ VIII ປະຈຳ​ເຂດ​ເລືອກ​ຕັ້ງ​ທີ I, ລົງ​ພົບ​ປະ ປະຊາຊົນ ຢູ່ ນະຄອນຫລວງ​ວຽງຈັນ ​ເມື່ອ​ບໍ່ດົນ​ມານີ້, ຊຶ່ງ​ປະຊາຊົນ​ໄດ້​ສະ​ເຫ​ນີຫລາຍ​ບັນຫາ​ເພື່ອ​ໃຫ້ ສະມາຊິກ​ສະພາ​ແຫ່ງ​ຊາດ ຊ່ວຍນຳ​ສະ​ເຫ​ນີພາກສ່ວນ​ກ່ຽວຂ້ອງ​ແກ້​ໄຂ, ​ເປັນ​ຕົ້ນ​ແມ່ນ​ປະຊາຊົນ​ເຂດ​ກຸ່ມ​ເວີນ​ຄຳ ​ເມືອງ ​ໄຊ​ທານີ ​ໄດ້​ສະ​ເຫ​ນີກ່ຽວກັບ​ບັນຫາ​ທີ່​ດິນ ຈຳນວນ​ຫລາຍ ​ທີ່​ລັດ​ໄດ້​​ມີ​​ແຜນ​ຈະ​ສ້າງ​ໂຄງການ​ກະສິກຳ​ສະອາດ, ​ແຕ່​ຕົວ​ຈິງມີ​ການ​​ແບ່ງ​ດິນ​ດັ່ງກ່າວ​ເປັນ​ລ໋ອກ​ແລ້ວ​ສ້າງ​ເຮືອນ​ໃສ່, ​ເຊິ່ງດິນ​ດັ່ງກ່າວ, ​ເນື່ອງ​ຈາກ​ເປັນ​ດິນ​ຂອງ​ປະຊາຊົນທີ່​ເຄີຍ​ທຳ​ການ​ຜະລິດ​ມາ​ກ່ອນ​ແຕ່​ປັດຈຸບັນ ບໍ່ສາມາດ​ເຮັດ​ໄດ້​ແລ້ວ​, ຊຶ່ງ​ບັນຫານີ້ ທາງ​ບ້ານ​ກໍ​ໄດ້​ສະ​ເຫ​ນີພາກສ່ວນ​ກ່ຽວຂ້ອງ​ແກ້​ໄຂ ​ແຕ່​ກໍ​ຍັງ​ບໍ່​ໄດ້​ຮັບ​ຄຳ​ຕອບ, ປະຊາຊົນ ຈຶ່ງ​ໄດ້​ມີ​ການສະ​ເຫ​ນີຕໍ່ສະມາຊິກ​ສະພາ​ແຫ່ງ​ຊາດ ​ແລະ ອີກ​ຫລາຍ​ບັນຫາ​ທີ່​ປະຊາຊົນ​ສະ​ເຫ​ນີຄື: ບັນ​ຫາ​ຢາ​ເສບ​ຕິດ​ທີ່​ແຜ່​ຫລາຍ​ໃນ​ສັງຄົມ, ​ໂດຍ​ສະ​ເພາະ​ແມ່ນ​ໄວ​ລຸ້ນຊາວໜຸ່ມ ມົ້ວ​ສຸມ​ຢູ່​ຮ້ານ​ເກ​ມ ​ແລະ ຮ້ານ​ສະຫນຸກ​ເກີ້, ບັນຫາ​ເສັ້ນທາງ​ເປ່​ເພໜັກຢູ່ ນະຄອນຫລວງ​ວຽງຈັນ, ການ​ສໍ້​ລາດ​ບັງ​ຫລວງ, ການ​ເກັບ​ຄ່າ​ທຳນຽມບ້ານ, ບັນຫານ້ຳປະປາ​ບໍ່ພຽງພໍ ​ແລະ ອື່ນໆ. ​ສຳລັບ ປະຊາຊົນ​ເຂດ ​ເມືອງ ຈັນທະ​ບູລີ ​ໄດ້​ສະ​ເຫ​ນີ ກ່ຽວກັບ​ການ​ປະຕິບັດ​ຄຳ​ຕັດສິນ​ຂອງ​ສານ​ທີ່​ມີ​ຄວາມ​ຊັກ​ຊ້າ ​ແລະ ສະ​ເຫ​ນີກວດກາ​ການ​ຊື້-ຂາຍ​ທີ່​ດິນ​ຂອງ​ຄົນ​ລາວ​ທີ່​ຂາຍ​ໃຫ້​ກັບ​ຕ່າງປະ​ເທດ, ການ​ເປີດ​ສຽງດັງ​ຂອງ​ຮ້ານ​ກິນ​ດື່ມ ​ແລະ ອື່ນໆ.

    ​ໃນ​ໂອກາດ​ດຽວກັນ ທ່ານ ບົວ​ເກດ ພົມມະຈັນ ສະມາຊິກ​ສະພາ​ແຫ່ງ​ຊາດ ຊຸດ​ທີ VIII ປະຈຳ​ເຂດ​ I ນະຄອນຫລວງ​ວຽງຈັນ ກໍ​ໄດ້​ຮັບປາກ​ຈະ​ນຳ​ເອົາ​ຄຳ​ສະ​ເຫ​ນີດັ່ງກ່າວ​ໄປ​ຊັກ​ຖາມ​ພາກສ່ວນ​ກ່ຽວຂ້ອງ ​ແລະ ຈະ​ຕິດຕາມ​ກວດກາ ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ.

ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ i ຊ່ວຍ​ແກ້​ໄຂ​ - Wave100S AD to Website 2020 0 - ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ I ຊ່ວຍ​ແກ້​ໄຂ​
ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ i ຊ່ວຍ​ແກ້​ໄຂ​ - WhatsApp Image 2020 05 27 at 5 - ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ I ຊ່ວຍ​ແກ້​ໄຂ​
ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ i ຊ່ວຍ​ແກ້​ໄຂ​ - WhatsApp Image 2020 05 27 at 5 - ປະຊາຊົນ ສະ​ເຫ​ນີຫລາຍ​ບັນຫາ ​ໃຫ້ ສສຊ ປະຈຳ​ເຂດ I ຊ່ວຍ​ແກ້​ໄຂ​
error: Alert: ເນື້ອຫາຂ່າວມີລິຂະສິດ !!