ອາເມລິກາ-ຈີນ ເລີ່ມຮ່າງຂໍ້ຕົກລົງ ຢຸດຕິສົງຄາມການຄ້າ
ສື່ຕ່າງປະເທດລາຍງານໂດຍອ້າງແຫລ່ງຂ່າວວ່າ: ເຈົ້າໜ້າທີ່ອາເມລິກາ ແລະ ຈີນ ໄດ້ເລີ່ມຮ່າງບັນທຶກຄວາມເຂົ້າໃຈ (MOU) ເພື່ອຫລຸດຜ່ອນບັນຫາທີ່ຫຍຸ້ງຍາກທີ່ສຸດຂອງຂໍ້ຂັດແຍ່ງການຄ້າລະຫວ່າງສອງຝ່າຍ ເຊິ່ງຖືເປັນຄວາມຄືບໜ້າທີ່ສຳຄັນທີ່ສຸດ ເຊິ່ງຈະນຳໄປສູ່ການຢຸດຕິສົງຄາມການຄ້າທີ່ຍືດເຍື້ອມາເປັນເວລາ 7 ເດືອນ.
ແຫລ່ງຂ່າວລະບຸວ່າ: ຄະນະຜູ້ແທນຂອງອາເມລິກາ ແລະ ຈີນ ກຳລັງຮ່າງ MOU ຈຳນວນ 6 ສະບັບ ທີ່ກ່ຽວຂ້ອງກັບບັນຫາທາງໂຄງສ້າງ ເຊິ່ງໄດ້ແກ່ ການໂອນຖ່າຍເຕັກໂນໂລຊີ ແລະ ການໂຈລະກຳທາງໄຊເບີ, ສິດທິໃນການຄອບຄອງຊັບສິນທາງປັນຍາ, ການບໍລິການ, ຄ່າເງິນ, ກະສິກຳ ແລະ ກຳແພງການຄ້າທີ່ບໍ່ກ່ຽວຂ້ອງກັບພາສີອາກອນ.
ລາຍງານຂ່າວດັ່ງກ່າວ ມີຂຶ້ນໃນໄລຍະເວລາເຈົ້າໜ້າທີ່ລະດັບລັດຖະມົນຕີຂອງອາເມລິກາເລີ່ມການເຈລະຈາຢູ່ນະຄອນຫລວງວໍຊິງຕັນໃນວັນທີ 21-22 ກຸມພານີ້ ໂດຍທັງສອງຝ່າຍຕ່າງຄາດຫວັງຈະບັນລຸຂໍ້ຕົກລົງການຄ້າໃຫ້ໄດ້ກ່ອນເດືອນນີ້.
